Page Text
________________
सिरिरिसहसामिवण्णणं
१४५
समागया कालचउद्दसी । विगलिए पढमजामे जामिणीए गहियबलिविहाणो खग्गसहाओ चलिओ पवणपोओ । गओ धगधगंतचीयानलं, किलिकिलितवेयालं' करकयकरालकरवालविवसणनच्चंतजोगिणी-जणं, सवसयसहरसनिरंतरं मंदिरं पिव कयंतस्स । अवसाणं पिव जीवलोयस्स कयंतकंकालनाम उज्जाणं । आलिहियं रत्तचंदणेण मंडलं । मुक्को रत्तकणवीरपुप्फोवयारो, दिनाओ दिसाबलीओ । तओ निव्वत्तिया सेस कायम्वो काऊण चित्ता लिहियाए तारकुलदेवयाए पूयं वंदिऊण विज्जायरियं पविट्ठो मंडलं । कयायरक्खेण सुमरिओ तारदेवयाए मंतो । एत्यंतरे फुरियं दाहिणलोयणेण सुहसउणसमुच्छाहिओ समासंसियकज्जसिद्धी सविसेसं विज्ज जविउमारद्धो । खणंतरेण सत्तपरिक्खणत्थं कया कुलदेवयाए विग्घसंघाया । पडंति नहंगणाओ संछाइयदिसामुहाओ, अंतरियतरुमंडलाओ, घूघुयंतघूयडरवा पुण्णकण्णविवराओ पंसुबुद्धीओ, भीरुजणजीवियंतकारिणीओ, फेक्कारंति महासिवाओ, निवडंति रुहिरवठीओ, विकिन्नकेसा दाहिणकरकं पावियकरालकत्तिया' किलिकिलारवभरियभूमंडला, वामकरकयरत्तभरियनरकवालनिहियलोल लोयणा, नच्चित्रं पवत्ता भूयपिसायवेयाला, निवडंति महासणीओ गुलगुलिति गइंदा, तह वि न चलइ सत्ताओ पवणपोओ । 'अहो महासत्तो! एस पुरिसो, न तीरइ चालेउ तो पयडेमि अत्ताणयं'ति । चिंतिय पयडीभूया कुलदेवया । भणियमणाए--"महाभाग ! किं कारणं सुमरिया अहं ?" पवणपोएण भणियं-"पुत्तत्थिणा ।" देवयाए भणियं-"जइ एवं तो पेच्छसि पुरओ जलंतजालासयसंकूलं जलणं ।" तेण भणियं-"पेच्छामि ।" देवयाए भणियं--"एत्थ पडिएहिं पुत्तो पाविज्जइ।" "जं भगवई भणइ"त्ति भणिऊण उढिओ पवणपोओ । अचलियसत्तेण गंतूण पक्खित्तो तत्थ अप्पा । थेव वेलाए य पेच्छइ अप्पयं कुसुमसत्थरोवगयं गहियहारं पुरओ कुलदेवयं च, विम्हिया माणसो हंत ! कहि' सो जलणो गहियहारा कावा एसा इत्थिय" त्ति चिंताउलो भणिओ देवयाए-"महाभाग ! तुट्ठाहं ते इमिणा महासाहसेण । गिण्ह इमं हारं, खिवसु नियपिया कंधराए पच्छा ते हारो व्व बहुगुणे निम्मलजसो सुवित्तो य पुत्तो भविस्सइ ।" कयपणामेण पडिच्छिओ पवणपोएण पुप्फाईहिं सक्कारेऊण विसज्जिया देवया । अप्पणा वि सिद्धकज्जो घरं गओ । साहिओ सव्वो वि देवया परिओसह रलाभपज्जवसाणो धणसिरीए रयणिवइयरो । सा वि परिओस-वियसियमही निवडिया चलणेसु । तेण वि सहत्थेण पिणद्धो तीए कंधराए हारो । आणंदभरनिब्भराणं वोलीणो वासरो । कयदेव-गरुसूमरणो नवन्नो वासभवणब्भत पल्लंके पवणपोओ । सुरयसंगरइकिलंताण समागया निद्दा । परिणयपायाए रयणीए ससंभमा उट्ठिया धणसिरी । विणयपुव्वं भणियमणाए-"नाह ! सुमिणे मह मुहे चंदो पविट्ठो ।" तेण भणियं-"पिए! चंदो व्व समाणंदियजियलोओ पुत्तो ते भविस्सइ ।” सा वि तह'त्ति पडिवज्जियतव्वयणं देवगुरुसंबद्धाहिं कहाहिं रयणिसेसं जागरमाणी ठिया। एत्यंतरे वासियं तंबूचूडेण पयडीभूओ रविरहसारही । वियसियाणि कमलिणी कमलमुहाणि । तओ मुत्ताहलनियरो विव धवलो पल्हत्थइगयणाहितो तारानियरो भयभीओ विव पलायइ दिसामुहेसु तमनियरो । वरकामिणि वयणलोयणाई पिव वित्थरियाइं दिसामुहाइं । पुण्णरहिय' पुरिसो विव झीणो मयलंछणो चिरविओगविरहानलतवियकामियणमिहुणाई पिव मिलंति चक्कवायमिहुणयाई, सुरयणरिद्धिसदसणखलवयणाई पिव मउलियाई कुमुयसंडाई, कारट्टयभोज्जवावडदियवरसमूहो विव करयरावदूमियसवणंतरो वियंभिओ रिटुसंघाओ, मयणाउरा विव रविपइमणुरत्ता पुवदिसा, महापुरिसो विव निट्ठविया सेस दोसो, पयडियदिसा चक्कवालो । समुग्गओ कमलिणी दइओ । तओ काऊण गोसकिच्चं समाहूओ पवणपोएण सुमई नाम सुमिणसत्थपाढगो । कयसक्कारो निसन्नो दंसियासणे । पुप्फफलाईहिं सम्माणिऊण कहिओ धणसिरीए दिट्ठो सुमिणगो । तेण भणियं--"महाभाग ! अरहंतमायरो चक्किमायरो वा गयाइए चोद्दसमहासुमिणे पासित्ता णं १. करवाल क. जे० । २. पूरिय पा० । ३. किमे सो पा० ।। ४. मिणिनयणलोय. पा० । ५. रहिओ पा० । ६. सुयणरि० जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |