Page Text
________________
१४०
जुगाइजिणिद-चरियं
एत्थंतरे कच्छमहाकच्छसुया नमि-विणमि नामाणो दूरदेसंतरे गया आसि । ते समागया पिउ सगासमल्लीणा निय निय पियरं भणियाइया य--"अम्हाण वि रज्जसंविभागं करेह ।" तेहिं भणियं--"नत्थि मे दायव्वं दारुणो य अम्हेहि संपयं वणवासो, एवं नो ता जाह तुब्भे पणइयणकप्पपायवस्स सरणागयजण-जणणितुल्लस्स सुरासुरगुरुणो गुणरयणमहोदहिणो रिसहसामिणो सेवगा होह । स भे तुट्ठो सयलसमीहियसंपायगो भविस्सइ ।" ते वि पियराण पणमिऊण गहियासिखेडया संनद्धबद्धकवया होऊण सामिणो समीवमायगा । पडिमासंठिए भुवणबंधवे रिसहजिणेसरे नलिनीदलडेहि जलासएहितो जलमाणीय पडिहयरयसमंतओ जलवरिसं काऊण जाणुप्पमाणं सरससूर्यधपंचवन्नकुसुमपयरं मोत्तण धरणियलनिहियजाणुकरयला पइदिणं तिसंझमविरज्जसंविभागेण भगवंतं विन्नवेऊण दाहिणवामपासेसु वि कोसतिक्ख खग्गवग्गकरा उभयखग्गधारा संकंतपडिबिंबं तिहुयणसंरक्खणत्थं पडिवण्णं तिरूवं पिव जुगाइजिणवरं सेविउमारद्धा । एवं वच्चइ कालो।
अन्नया धरणो नाम नागकुमारिंदो सामिणो वंदणवडियाए समागओ । तेहिं वि विनवियं--"भगवं! अम्हाण तब्भेहि न केण वि वत्थूणा संविभागो कओ । अन्नेसिं पुण जहारिहं विभागे काऊण वसुमई वियारिया, अम्हं पि नियसेवं रज्जाइपयाणेण सहलं करेह ।" एवं सोऊण नागराओ ते एवं भणियाइओ--"भो सुणह, भयवं चत्तसव्वसंगो गयरोसतोसो सरीरेवि निम्ममत्तो अकिंचणो परमजोगी निरुद्धविरुद्धासवो उप्पलपलासमिव निरुवलेवमाणसो, मा एयंजायह । जं कि पि दायव्वं तं दिन भगवया, दव्वओ, संवच्छरमछिन्नं किमिच्छियं महादाणं । भावओ पूण सचराचर सयलजीवाभयप्पयाणं । अहं पुण भगवओ भत्तीए मा तुम्ह सेवा सामिस्स अहला हवउ'त्ति काऊण गंधवपन्नगाणं पहियसिद्धाइं अडयालीसं विज्जासहस्साइं वियरामि, ताण इमाओ मूलमहाविज्जाओ तं जहा-गोरी-गंधारी-रोहिणी-पन्नत्ती। तं गच्छह तुब्भे विज्जाहररिद्धीए सयणं निय निय जणवयं च उवलोभेऊण वेयड्ढपव्वयं दाहिणिल्लाए, उत्तरिल्लाए य विज्जाहरसेढीए रहनेउरचक्कवालपामोक्खे गयणवल्लहपामोक्खे य पन्नासं स४ि च विज्जाहरनयरे निवेसिऊण विहरह ।" तओ लद्धप्पसाया कामियं पुप्फयविमाणं विउव्विऊण भयवं तित्थयरं नागरायं च वंदिऊण पुप्फयविमाणारूढा कच्छमहाकच्छाणं भगवओ पसायं उवदंसेमाणा विणीयनयरिं अइगम्म भरहस्स रन्नो तमत्थं निवेयइत्ता सयणं परियणं च गहाय वेयडढपव्वए गया। नमी दाहिणिल्लाए विज्जाहरसेढीए । विणमी उत्तरिल्लाए पन्नासं सट्टि च विज्जाहरनयराइं निवेसिऊण अणत्तरे विज्जाहरकामभोगे पच्चणुब्भवमाणा विहरति । ते वि कच्छमहाकच्छाइणो चत्तारि सहस्सा गंगादाहिण-कूल कमणीयकाणणनिवासिणो, नाणाबिहवणगहणबद्धरइणो, वक्कलचीरधारिणो, अव्वत्तलिंगचारिणो, चउत्थ-छट्टट्ठमाइतवविसेससेविणो पारणगदिणे वि परिसडियकंद-मूल-पत्त-पुप्फ-फलाइभोइणो भगवंतमेव हिययगयं झायंता चिट्ठति ।
भगवं पि भुवणबंधवो संवच्छरं जाव नाणाविहदेसेसु निरसणो विहरंतो कह कह वि भवियव्वया-निओएण गयपरमागओ । तत्थ णं बाहुबलिपुत्तो सोमप्पभो नाम पत्थिवो । तस्स पुत्तो सेज्जंसो नाम जुवराया । सो सुमिणे मंदरं सामवन्नं विगलियसोहं पासइ । तओ णेण अमयकलसेण अभिसित्तो अब्भहियं सोहिउमाढत्तो । नयरसेट्ठी सुबुद्धी नाम सो सूरस्स रस्सिसहस्सं थाणाओ चलियं पासइ । नवरि सेजसेण उद्धरिऊण ठाणे धरियं सो य अहिययरं तेयसंपन्नो जाओ । राइणा सुमिणे-एगो पुरिसो महप्पमाणो महया रिउबलेण सह जुझंतो दिट्ठो । सेज्जंसेण तस्स साहेज्जं दिन्नं । तओ तेण तं बलं भग्गंति । पभाए अत्थाणीए एगओ मिलिया। सुमिणे साहिति न पुण जाणंति कि फला सुमिण'त्ति । एयं पूण सामन्नओ वियाणंति जहा सव्वे वि सुमिणगा कुमारविसया । अओ कुमारस्स को वि महालाभो भविस्सइ त्ति भणिऊण उट्टिओ अत्थाणीओ राया सेज्जंस-सुबुद्धिसेट्ठिपमुहपुरिसा विनिय निय घरं गया। तओ सो सेज्जंसकुमारो निय-धवलहरगवक्खोवविट्ठो, मंदरं पिव दवग्गिझामियं, कप्पपायवं पिव गिम्हायवपरिसो-सियसरीरं, आइच्चमंडलं पिव जलयपडलावरुद्धदेहसोह, पुन्निमाइंदमिव राहुहयतेयं, महासरोवरं पिव तिव्वतरायवतणुई कयतणुं, पुन्नरासिमिव कयविग्गहसंगह, सयलकल्लाणपरंपरापरमपुंजमिव पडिवनजंगमभावं पिच्छइ सामी नियमंदिरे पविसमाणं । चितेइ य नियमणे कहिं मन्ने मया एरिसं नेवच्छं दिट्ठपुव्वं जारिसं पिइ पियामहस्स । तओ ईहापोहमग्गणगवेसणं कुणमाणस्स विसुज्झमाणसुहज्झवसाणस्स जाईसरणं समुप्पन्नं सेज्जंसकुमारस्स । तेण नियपुव्वभवा आभोइया । जहा-अहं इओ तइयभवे भगवओ
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |