Page Text
________________
१२२
जुगाइजिणिद-चरियं
एगणनउईए य पक्खेहि धरतेहि आसाढबहुलपक्खे चउत्थीए तिहीए उत्तरासाढा जोगजुत्ते मियंके विणीयजणवयपयारए पवित्तीकयाए विणीयभूमीए सयलमिहुण-जणनाभिभूयस्स नाभिकुलगरस्स रुवाइगुणगणरयणरोहणधरणीकप्पाए मरुदेवाए भारियाए कुच्छिसि पुत्तत्ताए उववणो
महिमंडलस्स पंचुत्तरस्स जिणगहियमुक्कस्स । तियणगुरुणो चवणे हरिसविसाया समं जाया ।।१०९६।। पंचुत्तरं विमाणं संपाइ एगुत्तरं पिन हु जायं । तिहुयणगुरुणा मुक्कं जं मुक्कं सव्वलच्छीए ॥१०९७।। अह सुरसरि-पुलिणसमे पउमसणाहम्मि रायसि व्व । पिच्छइ रयणिविराम सुमिण सयणम्मि सुहसुत्ता ॥१०९८॥ वसह-गय-सीह-अहिलेय-दाम-ससि-दिणयर-झयं-कुंभं । पउम-सर-सायर-विमाण-भवण-रयणुच्चय-सिहं च ।।१०९९।। सुविभित्त-चारुसिंगं नाणाविहरयणभूसियं तुंगं । हार-ससि-संख-धवलं वेयड्ढगिरि व वरवसभं ॥११०९।। अणवरयदाणपसरिय-मग्गणभमरोलि-वढ्डियाणंदं । कुंदुज्जल-जसधवलं भरहरिदं च करिनाहं ॥११०१।। खंधड्ढिय-पिंजर-केसरोह-मुह-कुहर-भासुरं धवलं । तडि-घडिय-सरय-नीरावहं व पेच्छइ य मयनाहं ॥११०२॥ गयकर-कयकलसहि अभिसिंचंती सिरिं च कमलत्थं । इंदंक-पंकयत्थं सुरगिरि-सिहरे जिणतणुं व ॥११०३।। नाणाविहसुरतरु-कुसुम-निवह-मयरंद-भमिर-भमरउलं । पाओस-घणसंवलियं सुरवइ-चावं व वरदामं ॥११०४।। अज्झीण-कल-पसाहिय-दुपक्खसइसयलवियलियकलंकं । वज्जिय दोसासंगं अउव्व चंदं जणाणंदं ।।११०५॥ उत्तत्तकणयछायं सेवित्ता सेसवड्ढियपयावं । सयलजणवंदणिज्जं परममुणिदं व दिणनाहं ।।११०६।। कलहोयरयणकिकिणिरवमहलं पवणघोलिरपडागं । जिणसंभवतोरण व नच्चंत तुंगवरकेउं ।।११०७।। तित्थोदग-गरुय-पवित्तमंगलं तविय-कणयसंकासं । पंकयवयणं कुंभं पेच्छइ तेलोक्कनाहं च ॥११०८।। जयलच्छी परिगहियं पयसंठियमीण-संखकरि-मयरं । जिणवरचरणजुयं पिव कमलसरं वढियाणंदं ॥११०९।। विविहवररयणसारं पइनिवहफुरंतनयसहस्सिल्लं । सयलसुरासुरमहियं जिणिदवयणं व वरजलहिं ॥१११०॥ कंदुज्जलं विमाणं नाणाविहरयणरंजियं दिव्वं । इंदधणु-खंडमंडिय-सारय-घण-विब्भमं पवरं ।।११११।। सुविचित्त-सालमणि-खंभ-भूसियं विविधयवडाइण्णं । मुणिवई ओसरणं पिव भवणं सुरसुंदरिसणाहं ।।१११२।। वरकंति-विणिज्जिय-तमनिहाय जयपायडं गुणग्धवियं । जिणवरवररयणं पि व नाणाविहरयणसंघायं ॥१११३।। दुरुज्झियधूमिंधणसुहपवणालिद्धदाहिणावत्तं । वयणम्मि पविसमाणं जलणं पलोएइ दिपंतं ॥१११४।। कप्पतरुणो व्व फलए जिणवरधम्मो व्व पवमलमहणे। सुपुरिसजसो व्व पयडे तियसावासो व्व रमणिज्जे ॥१११५।। मोक्ख व्व४ पत्थणिज्जे सुसमा कालो व्व वढियाणंदे । जलहि व्व अत्थसारे जयगुरुवयणं व सुइसुहए ॥१११६।। जिणवरतरं व पुण्णे कल्लाणे मंगले सिवे सोमे । मणचितियदिण्णफले सुमिणे · दळूण पडिबुद्धा ॥१११७॥
तओ हरिसभरनिब्भरंगी वरसयणिज्जाओ उट्ठइ उद्वित्ता जेणेव नाहिकुलगरे तेणेव उवागच्छइ तेणेव उवागच्छित्ता करयलपरिग्गहियं सिरसावत्तं अंजलि मत्थए कट्ट ते सुमिणे सम्म नाहि-कुलगरस्स परिकहेइ । तेण भणियं--" "तुज्झ पुत्तो महंदो कुलगरो भविस्सइ।" एत्थंतरे बत्तीसं पि सक्का चलियासणा समाणा ओहिनाणवियाणियजिणचवणकल्लाणा निय निय परिवारपरिवुडा समागया । केरिसा--
पलंबकेसपासया, मियंकलेहभालया सुदीहरच्छिपत्तया, पसत्थ नासवंसया । विसुद्धचारुदंतया, पलंबमाणकण्णया, ढलंत चारुचामरा, सुरत्तविदुमाहरा । मियंकविब्भमाणणा, विसालपीणवच्छया, सुवज्ज मज्झ मज्झया, मइंद तुल्लरोहया, । गइंदपोक्खरोख्या,५ फरतकण्णकुंडला सुसंवियंगुलीदला, विरायमाणहारया,। पलबमाणमालया, रणंतकंचिदामया, नियत्थदेवदूसया, किरीडसीससंगया।
विहुव्वमाणवत्थया, विमाणजायजत्तया, अच्चंतभत्तिसंगय त्ति ।। १. खेहिं आसा० जे०।२ विविहत्थरय . पा० । ३. पुलाइए जे० । ४. मोक्खो व्व पा ०। ५. गइंदपुरकरोरुया जे० ।
Jain Education International
For Private & Personal Use Only
www.jainelibrary.org
| SR No. | 001593 |
| Book Title | Jugaijinandachariyam |
| Original Sutra Author | Vardhmansuri |
| Author | Rupendrakumar Pagariya, Dalsukh Malvania, Nagin J Shah |
| Publisher | L D Indology Ahmedabad |
| Publication Year | 1987 |
| Total Pages | 322 |
| Language | Sanskrit |
| Classification | Book_Devnagari, Literature, & Story |
| File Size | 8 MB |