Page Text
________________
अजियसेनचक्कवट्टी
अवि य
-
वज्जिर मद्दलियारणझणंतकंसालियारवमिसेण । केई दूरगयाण वि, जणाण कुव्वंति आहवणं ॥ १७२८ ॥ तयणंतरमाढत्तं, तरंतरारुइरठाणयपबंधा । गायंता गायणए, कवंति पुव्विल्लचरियाई ।। १७२९ ॥ (जुयलं ) लक्खा उण चडिवि महंतवंसि बहुपव्वरम्मि रायवसि ।
तत्थ ट्ठिय किरण विचित्त दिति, कुंभारचक्कु जिम्व पुणु फिरंति ॥ १७३० ।। दंसहि विचित्त तह इंदयाल रूवविलसिय जिम्व अपभूयकाल । नाणाविहमणिमोत्तियपवाल, कड्ढहिं मुहाओ तह अग्गिजाल || १७३१ ।। भुंजहि वत्थंचलि धाणियाओ, तडयडसद्देण फुट्टंतियाओ । तक्खणआरोवियभूयगुलिय, दंसहिं सुपत्त लहुफुल्लफलिय ।। १७३२ ।।
माइ सयलविन्नाणनाण पेक्खइ नरिंदु विस्सुयनडाण । परमत्थवियारि न ताइं किंचि, परजणेहिं मोहु जणदिट्ठि वंचि ।। १७३३ ।।
तहा
मंखा विचित्तफलए, जणजणियविचित्तचित्तसंखोहे । दंसंति रायपुरओ, नच्चंते विविहभंगीहिं ॥ १७३४ ॥ हेसारखं कुणंता, पवगा तुरय व्व ओफलंति नहे । सीह व्व सीहनायं मुंचंता दिति फालाओ || १७३५ ।। पूरंता वणविवराई मत्तकारिणो व्व गज्जियरवेण । धावंति रएण वलंति तक्खणं रंगभूमीए || १७३६ ।। (जुयलं) एमाइ बहुविहाई, सव्वाण वि ताण कोउयसयाइं । पेच्छंतो नरनाहो, तुट्ठो धणओ व्व पच्चक्खो ॥ १७३७ || इच्छा अहियं तेसिं, दाणं दाऊण धणकणयमाइ । हरिसभरनिब्भरे ते, विसज्जिए नियनिट्ठाणे ॥ १७३८ || (जुयलं) तट्ठाणाओ नरिंदो वि उट्ठियो सयललोयपरियरिओ । ओयरिडं कीलापव्वयाओ लीलाइ भमइ वणे || १७३९ कत्थइ बालासोए, पलोइडं कोउएण नरनाहो । अंतेउरियाणं रणझणंतमणिनेउररवेहिं ।। १७४० ॥
६७
पण्हिपहारेहिं हणाविऊण तक्खणसमुग्गयपसूणे । आरूढजोव्वणे इव, करावए जणियजणचोज्जे || १७४१ ॥ (जुयलं) अन्नत्थ बालविर विरहं गायाविऊण तरुणीओ । पुप्फग्गमणमिसेणं दंसेई जायरोमंचे || १७४२ ।। कत्थइ दूरठियाण वि, रमणीण कडक्खपाणनिवहेहिं । ताडाविऊण तिलए तिलपव्ववणस्स कुणइ कुसुमेहिं ॥ १७४३ (गीतिका) रामामइरागंडूससेयसंजणियपसवपब्भारा । बउला वि राइणा तह, कराविया जह अहियसोहा ।। १७४४ ॥ कत्थइ नरिंदकारियरमणीरमणिज्ज अंगसंसंगं । संपाविऊण संजायसोक्खभारा कुरबया वि ।। १७४५ ॥ दंसंति तक्खणुट्ठियपसूणभरनिब्भरेहिं संतुट्ठा | साहाहत्थेहिं पसारिएहिं अग्घं व महिवइणो || १७४६ || इच्चाइविणोएहिं, वणलच्छिमतुच्छियं जणेमाणो । अन्नाहिं वि कीलाहिं, विचित्तरूवाहिं रममाणो || १७४७ ।। चउसट्ठिसहस्सेहिं अंतेउरियाण सुरवहुसमाण । सह सहरिसं सुराणं, वहु व्व सव्वोउउज्जाणे ।। १७४८ ॥ खणमेत्तं जा अच्छइ, उच्छलिओ ताव नाइ दूरम्मि । रमणीण कलयलो सवर्णाविवरमाहोडयंतो व्व ॥ १७४९ ॥ तो निसुणिऊण तं सो, दयावरो अजियसेणनरनाहो । किं किं किमेयमिइ संकमाणहियओ तओ वलिओ ।। १७५० ॥
I
Jain Education International ७
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |