Page Text
________________
सिरिचंदप्पहजिणचरियं
एगा माहणमहिला, घोडगवाले विडम्मि अणुलग्गा । पावा मोहोवहया, भत्तारं माउिं निययं ।। १४५३ ।। खंडोहंडिं काउं, पक्खिविडं कयवरस्स पिडियाए । तं उज्झिउं अणज्जा, सीसे आरोविऊण तयं ॥ १४५४ ॥ नगरबहिं संचलिया, कुद्धाए नगरदेवयाए तओ । मत्थयथंभियपिडिया, नीहरमाणी कया अंधा || १४५५ || नगरं चिय पविसंती, सज्जक्खा डिंभवंद्रपरियरिया । पिडिओयलंतवसरुहिर भरियथणवट्ठजुयला य ।। १४५६ ।। बीभच्छघोररूवा, खिंसिज्जती जणेण रोयंती । गुरुयणसमन्नियाए, सोमाए पलोइया कह वि ।। १४५७ ।। दट्ठूण तयं तारिसरूवं अइकरुणदीणसद्देण । विलवंतिं लोयाओ, वियाणिउं वइयरं च ।। १४५८ ॥ पभणइ गुरुयणसमुहं, परपुरिसनिवित्तिरूवमेयं मे । अत्थि चउत्थं पि वयं, तत्थ वि को मज्झ आएसो ? || १४५९ तो तग्गुरुणो पइमारियाइ तं वइयरं सुणिय घोरं । देरग्गगया जंपंति पुत्ति ! मा मुंच एवं पि ॥ १४६० ॥ धणासि तुमं जीए, अचिंतचिंतामणीसरिच्छाई । वयरयणाई इमाई, दोगच्चहराई लाई || १४६१ ।। अणिवत्तीए इम्मस उ, वच्छे ! तं पेच्छ दुक्खरिछोली । एईए जहा जाया, दुक्कम्माओ इहभवे वि ।। १४६२ || ता सव्वत्तममेयं, चिट्ठउ तर अक्खयं सया कालं । परपुरिसनिवित्तिवयं, पडिहायं अम्ह चित्तस्स || १४६३ | एवं च पंचमवए वि तीए थिरकरणमिच्छमाणीए । पुरओ वच्चंतीए, सच्चविओ वाणिओ एगो ।। १४६४ || अत्थोवज्जणकज्जेण गरुयलोभाभिभूयचेयन्नो । जो तरिऊण समुद्दे, संपत्तो आसि परतीरं ।। १४६५ ।। विहवोवज्जणतुट्ठस्स तस्स इंतस्स जलहिमज्झम्मि । भवियव्वयानिओएण जाणवत्तं कह विफुट्ट | १४६६ || तत्तो य फलयखंडं, लहिऊण कहं चि उयहिमुत्तिन्नो । मच्छाहारुप्पइयाकुट्ठमहावाहिपरिभूओ || १४६७ || कालंतरेण पत्तो, सट्ठाणं दव्वलोलुयत्तेण । मिलिओ धुत्ताण तहाविहाण तो पुच्छई ते उ || १४६८ ॥ किह मज्झ अत्थसिद्धी, होही ते वि हु भांति भो सुणसु । जइ नियसुएण वियरसि बलिं तओ लहसि निसिरयणं ।। १४६९ पडिसुणिउं तव्वयणं, अण्णदिणे सो निहाणलाभत्थी । नीसेसं सामगिंग काउं तद्देसमणुपत्तो ॥ १४७० ॥ सहिओ नियपुत्तेणं, अबुद्धबोहेण किन्हपक्खस्स । चाउद्दसिरयणीए, समहियदोजाममेत्ताए || १४७१ ।। तं चैव निययतणयं बलिमुवकप्पिय निहाणरक्खाण । वंतरसुराण लग्गो, तो गहिउं सो वरनिहाणं || १४७२ || पेच्छइ न किंपि तत्थ य, केहिं वि धुत्तेहिं गहियपुव्वम्मि । तो मूढमणो एसो, विलक्खओ गेहमणुपत्तो ।। १४७३ चिंतइ उव्विग्गमणो, न यावि पुत्तो न यावि निहिलाभो । दोण्ह वि चुक्को एवं, धणनासो पुत्तनासो य ॥। १४७४ एत्थंतरम्मि रमणी, तस्स असूयाइ ताव इ पलीणा । धी धी इमं धणत्थी, जो एवं हणइ पुत्तं ति ।। १४७५ ।। तक्कोवेण व सूरो विउट्ठियो झत्ति पावकम्ममिमं । तमबलहयनियबालं, विग्गोवेमि त्ति बुद्धी || १४७६ ।। निहिदेसमणुपपत्तेण कह वि लोएण तं तयं दद्धं । अन्नन्नं पुच्छंतेण जाणियं पावचरियं से || १४७७ ॥ उच्छलिओ जणवाओ, हा हा पावेण किह णु नियपुत्तो । धुत्तपवंचियचित्तेण विहलनिहिलोभओ निहओ || १४७८ मुणिओ य नरिंदेणं, रुट्ठेण य दंडवासिओ भणिओ । विग्गोविउण एवं पुराओ निव्वसह लहु त्ति ।। १४७९ तो नरवर आणाए, नरगावेउं पुरस्स मज्झम्मि । आढत्तो भामेउं, उद्दालियसव्वगिहसारो || १४८० ||
५६
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |