Page Text
________________
सोमाकहा
किंतु पसिऊण देवो, अम्हाणं कारवेउ एगंतं । सयलं जेण इमे खलु, पयडंति मणागयं भावं ॥ १४२५ ॥ तो तव्वयणे रन्ना, अणुट्ठिए उठ्ठियम्मि सयलजणे । पुढेंहिं तेहिं दिन्नं, सक्खिज्जं जह तहा सुणह ।। १४२६ रियभक्खे उवणीए, किमिणो छाणम्मि दंसियो उल्ले । एरिसकम्मेहिं जिया, एरिसकम्मा हु जायंति ॥ १४२७ ।। जे खलु असच्चभासी, ते एरिसकम्मकारिणो जीवा । एयारिसकिमिरूवा, हुंति उवाएण सिट्ठमिणं । १४२८ ।। तो रन्ना वाणियगो, भणिओ सद्दाविऊण वयणमिणं । भो भो असच्चपिर ! न देसि किं नियसुयमिमस्स ।। १४२९ पडिवज्जिऊण पुट्विं, एत्ताहे भणसि नो मए दिन्ना । रंको त्ति इमं परिभवसि कीस धणगव्विओ होउं ? ॥ १४३० तो सो रन्नो पासम्मि भणइ अलियं पयंपई देव । । एसो भियगो जम्हा, न को वि सक्खी इह समत्थी ॥ १४३१ रन्ना जीवगपक्खी, तो तस्स पयंसिया तओ खुहिओ । एसो रन्ना निद्धाडिओ य ससहाए धिक्करिउं ।। १४३२ निदिज्जंतो लोएण तयणु बहुएण रायमग्गम्मि । दिट्ठो सोमाइ सगुरुयणाइ तव्वइयरन्नूए ।। १४३३ ।। भणियं गुरुजणसमूहं च मज्झ अलिए वि अत्थि परिहारो। ता किं मुयामि एयं, बिंति गुरू धरसु अपमत्ता ॥ १४३४ ॥ अलियपयंपणदोसा, धिक्कारहओ जओ बला वि इमो । दाविज्जिही नरिंदेण कन्नयं तस्स भियगस्स ।। १४३५ ।। ता परिवालसु अक्खयमिमं पि बीयं वयं तुमं पुत्ति!। जस्स पसाएण जिया, वडंति न हु एरिसे वसणे ॥ १४३६ एत्यंतरम्मि दिट्ठो, अन्नो वि हु हत्थपायपलिछिन्नो । नियमाइगाइ खंडियथणखंडो गरुयरोसेण ॥ १४३७ ।। एगो पुरिसो तत्थ वि, जणस्स बोलम्मि अइमहंतम्मि । निसुणइ सोमा तह गुरुयणेण लोयाओ वत्तमिमं ॥ १४३८ एसो रंडाउत्तो, न्हाणुल्लो कह वि अन्नदियहम्मि । वच्चंतो जणसंवाहसंकडे हट्टमग्गम्मि ॥ १४३९ ।। तं वाइ पेल्लिऊण, तिलाण रासीए उवरि पक्खित्तो । उल्लत्तणेण अंगस्स तेहिं लग्गेहिं उठ्ठित्ता ।। १४४० ।। नियगेहमणुप्पत्तो, दिट्ठो जणणीए तीए लाभेण । पक्खोडिऊण गहिया, तिला समग्गा वि तद्देहा ॥ १४४१ ॥ तुसरहिए ते काऊं, बंधिय मोरिंडए य से देइ । भणइ य अन्ने चेवं, आणिज्जसु देमि जेणेवं ॥ १४४२ ॥ तो माउपेरणाए, एस पलक्को तिलाण हरणम्मि । अंगोहलीमिसेणं, जलेण तीमित्तु नियदेहं ॥ १४४३ ॥ जणसंवाहे पविसिय, तिलाण रासीए उवरि पडिऊणं । तिलसामिअमुणिओ लोट्टणीए गहिउं तिले बहुए ॥ १४४४ गंतुं दंसइ माऊए सा वि गिणिहत्तु ते तहेव पुणो । मोरिंडे काउं देइ निययपुत्तस्स मोहेण ॥ १४४५ ॥ वच्चंतेसु दिणेसुं, एसो वत्थादिचोरियाए वि । लग्गो गहिओ तो दंडवासिएहिं स लोत्तो य ॥ १४४६ ॥ तो तेहिंतो मोयावणत्थमेत्थागयं इमं जणणिं । दह्ण इमो रोसेण धमधमेंतो भणंतो य ॥ १४४७ ।। आ पावे ! कीस अहं, तुमए पुव्वं पि वारिओ न इमं । दुक्कम्ममायरंतो त्ति खंडई थणजुयमिमीए ॥ १४४८ ।। एयस्स वि पाय-करा, पलिछिन्ना दंडवासियाणाए । मायंगेहिं ता मुयह चोरियं मुणिय इइ वसणं ॥ १४४९ ॥ तो भणियं सोमाए, इमं पि तइयं वयं महं अत्थि । जइ तुम्ह न पडिहासइ, मुयामि तो बिंति ते य गुरू ।। १४५० अच्छउ वच्छे ! मुंचसु, मा तुममेयं पहाणतरनियमं । एएणं मुक्केणं, दुहाण खाणी जणा हुंति ।। १४५१ ।। तो आसासियहियया, कइ वि पए जाव वच्चइ तहेव । ता पेच्छइ जं अन्नं, अच्छरियं तं निसामेह ।। १४५२ ॥
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |