Page Text
________________
सोमाकहा
५७
तप्पावुग्घोसणसुणण मिलियबहुजणविइन्नधिक्कारं । तं दटुं तयवत्थं, सोमा तो आह निययगुरू ।। १४८१ ॥ इच्छापरिमाणवयं जमत्थि तं किं चएमि एत्ताहे । बिंति गुरू मा वच्छे ! चयाहि एयं जओ सुणसु ॥ १४८२ ।। इच्छाअणियत्तीए, जीवा एवंविहाण दुक्खाण । हुति जए भायणमेत्थ पुत्ति ! ता पालसु इमं पि ॥ १४८३ ।। एवं जपंताई, संवेगगयाई ताई सव्वाइं । पत्ताई साहुणीणं, वसहिट्ठाणस्स नियडम्मि ॥ १४८४ ॥ एत्थंतरम्मि अन्नं पि वइससंतं पलोइयं तेहिं । सहस त्ति राइभत्ते, वि ताण जाया जह दुगुंछा || १४८५ ।। तहा हि - एगो को वि हु पुरिसो, पडिस्सयासन्नवत्तिगेहम्मि । राईए भुंजतो, मंडयवाइंगणफलाइं ॥ १४८६ ॥ तेहिं समं चिय अद्दिट्ठविच्छियं पक्खिवित्तु वयणम्मि । भोत्तु लग्गो जा ताव तेण तालुम्मि सो विद्धो ॥ १४८७ सो उ अली वंतरजाइओ त्ति तो तस्स विसमविसवेगा । उस्सूणनयणवयणो, दारुणवसणं इमो पत्तो ॥ १४८८ तेगिच्छगपरियरिओ, पउत्तविविहोसहीबलविहाणो । उव्विल्लंतो अंगाई विवहभंगीहि पीडाए || १४८९ ॥ अव्वत्तक्खरभणिरो, दीणो अइविरसमारसंतो य । दिट्ठो सव्वेहिं वि ते य गरुयपावप्फलोवहओ ॥ १४९० ॥ तं दटुं तयवत्थं, नाउं तव्वइयरं च सयलं पि । निसिभत्तवए वि कया, सोमाए तहेव गुरुपुच्छा ॥ १४९१ ।। तत्थ वि पुव्वं पिव दिट्ठदोसविलिएहिं वारणा विहिया । तो सोमा बेइ गुरु, सविसेसं लद्धपत्थावा ॥ १४९२ एयारिसा दुरंता, एए पाणाइवायमाईया । कहिया दोसा गुरुणीए मज्झ चत्ता इमे तेण ॥ १४९३ ॥ तुब्भे पुण भणह इमं, जह अम्ह न कज्जमेव एएहिं । नियमेहिं वेयविहियाणुट्ठाणं जेण नियधम्मो ॥ १४९४ ।। ता जइ सच्चं चिय तुम्ह नत्थि एएसु कह वि पडिहासो । मुंचामि ता किमेएहिं एह गुरुणीए पासम्मि ।। १४९५ गुरुणो भणंति अम्हं, अप्पडिहासो इमेसु आसि पुरा । न उणो इन्हिं पच्चक्खदिट्ठपडिवक्खदोसाण ॥ १४९६ भद्दे ! मा मुंचेज्जसु, अओ इमे तं कयावि वरनियमे । दंसेसु निययगुरुणिं, जीए दिन्ना य तुह एए ।॥ १४९७ ।। जेण तयं जंगमतित्थभूयमभिवंदिऊण धुयपावा । वच्चामो नियगेहं, विढत्तसुपवित्तजम्मफला || १४९८ ।। उवदंसियं इमाणं, पडिस्सयं साहुणीण तीए तओ । ते वि पविट्ठा तं पवरभत्तिउल्लसियरोमंचा ।। १४९९ ।। दिट्ठाओ तत्थ वररयणनिम्मियाओ जिणिंदपडिमाओ । काओ वि तेहिं निम्मलमऊहमुसुमूरियतमाओ ।। १५०० काओ वि दिप्पंतपसंडिपिंडपरिघडियरूइररूवाओ । पसरिया झाणहुयासणजालावलिवलइयाओ व्व ॥ १५०१ ।। अन्नाओ रुप्पमइयाओ सरयससिकिरणविमलदेहाओ । सुविसुद्धसुक्कलेसापसरं व पयासयंतीओ ॥ १५०२ ।। एमाइविविहरूवाओ लोयलोयणमणोहरतणूओ। सुपवित्तविवित्तविचित्तचित्तदेवालयठियाओ ॥ १५०३ ॥ दटुं तिपयाहिणपुव्वमणहपुप्फाइ पूयमभिरइउं । सोमा तासिं चिइवंदणाइ अह कुणइ भत्तीए ॥ १५०४ ।। सोमा गुरू वि वरकमलमउलसरिसं निडालवट्ठम्मि । काउं अंजलिपुडयं, पडिमाण कुणंति पडिवायं ॥ १५०५ पच्छा उविंति गणिणी, समीवमह तत्थ वंदिउं तं च । भत्तीए कहइ तीसे, सोमा एए गुरु मज्झ ॥ १५०६ ।। तो ताण धम्मसम्मुहमणाण सविसेसधम्मजणणत्थं । उचियं आलावाईपडिवत्तिं कुणइ सा वि लहुं ॥ १५०७ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |