Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 83

सिरिचंदप्पहजिणचरियं
कालोवयोगि संतं,सुविसुद्धं सावएण साहूण । आहारोवहिदाणं, जह देयं भत्तिसत्तीहिं ॥ १३४५ ।। तह साहू वि हु साहूण दिज्ज परओ य गिण्हिउं सुद्धं । धम्मत्थी आहाराइ निन्निया णेण चित्तेण ॥ १३४६ ।। एगारसियं पडिमं, पडिवन्नो जो गिही वि साहु व्व । परियडइ निरीहप्पा, भिक्खं अविसन्नसुहचित्तो ॥ १३४७ ।। तस्स वि जो देइ घरागयस्स आहारमाइ गेहत्थो । सुविसुद्धं तेणावि हु, पयट्टियं होइ दाणमिणं ।। १३४८ ।। एवं चउव्विहमिणं, दाणं संखेवओ समक्खायं । एयस्स फलं मोक्खो, पुप्फ पुण सुरनरवरत्ते ।। १३४९ ॥ जओ भणियं - जिणधम्मफलं मोक्खो, सासयसोक्खो जिणेहिं पन्नत्तो । नरसुरसुहाई अणुसंगियाइं इह किसिपलालं व ॥ १३५० निच्छयनयमयमेयं, भणियं ववहारओ उ अन्नं पि । साहिज्जइ किं पि जओ, भणियं गंथंतरे चेवं ॥ १३५१ ।। नाणी उ नाणदाणेण निब्भओ होइ अभयदाणेण । आहारोवहिदाणेण भोगपरिभोगय होइ ।। १३५२ ।। एत्तो उ सीलधम्मं, भणामि सो विय दुहा विनिद्दिट्ठो । सव्वे देसे य तहा, अहवाऽगिहिधम्मगिहिधम्मा ॥ १३५३ जो सव्वसीलधम्मो, सो हु जईणं वियाणियव्वो त्ति । पंचमहव्वयमाई, सतरसविहसंजमसरूवो ॥ १३५४ ।। तहा हि - पाणाइवायविरमणमाईणि वयाणि पंच जाणाहि । पंचेंदियनिग्गहणाई तह य चउहा कसाय जओ ॥ १३५५ ॥ दंडत्तयविणिवित्तीओ तिन्नि एवं जईण संवरणं । सत्तरस पावदाराण होइ सीलं जिणाभिहियं ॥ १३५६ ।। अहवा पुढवाईणं, पंचण्डं थावराण परिरक्खा । बेइंदियाइपंचिंदियंततसकायरक्खा य ॥ १३५७ ॥ अज्जीवसंजमो तह, बहुपडिपेहापमज्जपरिठवणे । मणवयणकायरक्खा, य संजमो सीलरूवो त्ति ।। १३५८ ॥ इमिणा पालिज्जतेण पावबंधो निवारिओ होइ । दुविहेण वि ता एत्थं, जइयव्वं सुद्धबुद्धीहिं ।। १३५९ ॥ अहिणवबंधनिरोहे, तवेण सोसइ चिरंतणं कम्मं । सासयसोक्खो मोक्खो, तओ णु से खीणकम्मस्स ।। १३६० ।। जं पुण देसे सोलं, तं गिहिधम्मो तओ य नायव्वो । पंचाणुव्वयमाई, बारसविहवयपालणा रूवो ॥ १३६१ ।। भणियं च - पंच य अणुव्वयाई, गुणव्वयाइं च हुंति तिन्नेव । सिक्खावयाई चउरो, गिहिधम्मो बारसविहो उ ॥ १३६२ ।। थूलगपाणइवायस्स विरमणं थूलअलियवयणस्स । थूलादिन्नादाणस्स तह य परदारपरिहरणं ।। १३६३ ॥ थूलपरिग्गहविरई, एयाई अणुव्वयाई पंचेव । दिसिवयमाईणि गुणव्वयाणि पुण हुंति तिन्नेव ॥ १३६४ ।। भोगुवभोगवयरूवमेव राईए भत्तपरिहरणं । सामाइयाइयाई, चउरो सिक्खावयाई तु ॥ १३६५ ।। इय सव्वदेसभेयं, सीलं संखेवओ दुहा वुत्तं । इण्हि पुण तवधम्मं, वोच्छमहं नाममेत्तेण ।। १३६६ ।। बज्झन्भंतरभेयं, तवं च दुविहं जिणेहिं पन्नत्तं । एक्केक्कं छब्भेयं, वियाणियव्वं कमेणेवं ॥ १३६७ ।। अणसणमूणोयरिया, वित्तिसंखेवणं रसच्चाओ । कायकिलसो संलीणया व बज्झो तवो होइ ॥ १३६८ ।। पायच्छित्तं विणओ, वेयावच्चं तहेव सज्झाओ । झाणं उस्सग्गो वि य, अभितरओ तवो नेयो ।। १३६९ ।।