Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 82

सोमाकहा
५१ जीवत्थित्तमईए, अणुकंपाभावओ दुहियसत्ते । भवनिव्वेयाओ तहा, संवेयाओ उवसमाओ ।। १३१९ ॥ एएहिं निमित्तेहिं, चरिमे खलु पोग्गलाण परियट्टे । भव्वाणं जीवाणं, खउवसमो मोहणिज्जस्स || १३२० ॥ भव्वत्ते परिपाकं, पत्ते लद्धे य कह वि सम्मत्ते । जायम्मि सुद्धबोहे, होइ मई अभयदाणम्मि ॥ १३२१ ॥ संपन्नाइ मईए, एवं धम्मत्थिएहिं सत्तेहिं । सुपसत्थमभयदाणं, दिज्जइ जहसत्ति जीवाणं ।। १३२२ ।। जओ भणियं - जो पुच्छेज्जेकेक्कं किं इच्छसि जीवियं च पुहई वा । जीवियमिच्छेज्ज नरो, मयस्स पुहईए किं कज्जं ।। १३२३ तो मरणभीरुयाणं, जीवाणं जीयमिच्छमाणाणं । जो देइ अभयदाणं, एयं भणियं महादाणं ॥ १३२४ ।। अन्नं च - दुक्कालोवहयाणं, दारिद्दोवट्ठयाण दीणाण । रोगेहिं विहुरियाणं, पक्खित्ताणं च गोत्तीसु ॥ १३२५ ॥ अच्चुग्गदुक्खजणणीहिं विविहकरुणप्पलावहेऊहिं । घत्थाण तह य बहुयावयाहिं महुकंडराहिं च ॥ १३२६ ॥ म भीसिदाणपुव्वं, जं कीरइ किं पि इह परित्ताणं । अनुकंपाभरनिब्भरमणेहिं उवयारनिरवेक्खं ।। १३२७ ।। धम्मे य जिणुदिढे, जणिज्जए जो य ताण परिणामो । तेणावि अभयदाणं, पयट्टियं होइ सुमहत्थं ॥ १३२८ ॥ तस-थावराण जीवाण जो य रक्खाइउज्जओ संतो । करइ करावेइ वयं, जिणप्पणीयं महासत्तो ॥ १३२९ ॥ समभावभावियप्पा, पडिहइ मणमाइदंडमाहप्पो । तेणा वि अभयदाणं, पयट्टियं होइ सुमहत्थं ॥ १३३० ।। इय भणियमभयदाणं एत्तो आहार-उवहिदाणाई । वोच्छं कमपत्ताई, दिज्जति जहा य जेसिं च ।। १३३१ ।। तत्थाहारो असणाइभेयओ चउविहो विनिद्दिट्ठो । धम्मोवग्गहहेऊ, उवही उण वत्थमाईओ ॥ १३३२ ॥ असणं ओयणमाई, पाणं सोवीरगाइ आहारो । खाइमरूवो दक्खाइ साइमो सुंठिमाईओ ।। १३३३ ।। वत्थं पत्तं कंबलपाउंछणयाइचित्तरूवो य । ओहियओवग्गहिओ, उवही उ दुहा मुणेयव्वो :! १३३४ ॥ एसो उ धम्मकज्जुज्जयाण सज्झायझाणनिरयाण । उवयारमुवजणितो, फासुयएसणियरूवो उ ।। १३३५ ।। आहारो उवही वा, मन्नतेहिं कयत्थमप्पाणं । देओ भत्तिभरनिब्भरेहिं सक्कारकमसहिओ ॥ १३३६ ।। आगंतुजंतुरहिओ, तज्जोणियसत्तविप्पमुक्को य । सयमेव उ निज्जीवो, आहारो फासुओ एस ॥ १३३७ ।। उग्गमउप्पायणएसणाण दोसेहिं वज्जिओ जो य । सो एसनियाहारो, उवही चेवंविहो नेओ ।। १३३८ ॥ अकओ अकारिओ अणणुमोइओ एस उग्गमे सुद्धो । आहाकम्माईहिं, सोलसदोसेहिं परिचत्तो ॥ १३३९ ॥ मंत-निमित्त-तिगिच्छा दूयत्तणवयणपेसणाईहिं । जो होइ विणा लद्धो, एसो उप्पायणासुद्धो ॥ १३४० ।। संकिय-मक्खियमाई दोसेहिं दसहिं वज्जिओ जो य । सो एसणाविसुद्धो, निद्दिट्ठो मुणिवरिंदेहिं ।। १३४१ ॥ पाणाइवायमाईवएसु निरयाण सुद्धदिट्ठीणं । सज्झायझाणतवसंजमेसु निच्चं सुलग्गाण ॥ १३४२ ॥ माऊसुपडिबद्धाण पंचसमिईसु तिसु य गुत्तीसु । समभावभावियाणं, संसारविरत्तचित्ताण || १३४३ । धम्मोवळंभकए, आयाणुग्गहपराए बुद्धीए । साहूण निज्जरट्ठा, दायव्वं सव्वमेयं ति ॥ १३४४ ।।
Jain Educatiền International