Page Text
________________
४४
जओ
निहणइ मई पसन्नं, अकुसलमुद्दीवर मणपवित्तिं । उल्लासइ मोहतमं, अहह पमाओ महापावो ।। ११३२ ।। जो उण पमायपसरं, भंजित्ता विरियजोगओ जीवो। सद्दिट्ठिनाण- चरणो, न तस्स तक्कारणो बंधो || १९३३ || जोगा यतिन्नि दुप्पणिहियाओ मणवयणकायरूवाओ । कमस्सासवहेऊ, हवंति अइसकिलिट्ठस्स ॥। ११३४ ।। जो चिंतेइ मणेणं, जंपइ वायाए कुणइ कायेण । पावट्ठाणपवित्तिं, तस्स हु दुप्पणिहिया जोगा ।। ११३५ ।। एए चउत्थगा कम्मबंधहेऊ हवंति नायव्वा । एए वि जो निरुंभइ, सो मुच्चर कम्मबंधेण | ११३६ ।। कोहाई उकसाया, जे इह मणसुद्धिहरणगरुयबला । ते पंचमगा हेऊ, गुरुकम्मोवज्जणम्मि जओ | ११३७ || वल्लि व चित्तसुद्धिं, कोहो अग्गि व्व दहइ जीवाण । माणो विसद्दुमो इव, विवागकडुयप्फलो बाढं ।। ११३८ अइकूरकम्मसिसुसंजणणी जणणि व्व होइ माया वि । लोहो सव्वगुणाणं, विणासओ दोसजणगो य । १९३९ ।। एत्तो च्चिय को हाईभावमला चित्तसंकिलेसस्स । हेऊ हुंति जियाणं, अणंतसंसारसंजणगा ।। ११४० ।। उवसममद्दवअज्जवसंतोसपरायणा कसायरिऊ । जे निग्गिण्हंति पुणो, तेसिं विहडंति कम्मचया ॥। ११४१ ।। एवं एए पंच वि, कहिया तुह राय ! कम्मबंधम्मि । हेऊ संखेवेणं, अणंतदुक्खोहमूलम्मि ।। ११४२ ॥ ओघेण वि एयाणं, सरूवमवगम्म केइ लहुकम्मा ! सुविवेगसंगईए, सोम व्व कुणंति परिहारं ।। ११४३ ।। अन्ने उण गुरुकम्मा, सोमागुरुणो व्व दिट्ठगुरुदोसा । पच्चक्खं एयाणं, परिहारे अभिमुहा होंति ।। ११४४ || गुरुतरकम्मा पुण केइ दूरभव्वा अभव्वगा अहवा । अणुहवमाणा वि दुहं, इमाण न कुणंति परिहारं ।। ११४५ ।। एत्थंतरम्मि सीसे, कयंजली नरवरो भणइ भयवं । का सोमा के य गुरु, इमाए दिट्ठेतिया जे उ ।। ११४६ ।। तो दसणकिरणनासियतमाए वाणीए जोयणगमाए । भणइ जिणो सुणसु नरिंद ! कोउयं अत्थि जइ तुज्झ ।। ११४७ (सोमाकहा - )
सिरिचंदप्पहजिणचरियं
जंबुद्दीवे दीवे, भारहवासम्भि सुप्पसिद्धम्मि । वरपुरगुणोववेयं, अत्थि पुरं सिरिपुरं नाम ॥। ११४८ ॥ नंदणनामो सेट्ठी, तत्थासि पभूयरिद्धिसंपत्तो । जिणवयणभावियमई, सुसावओ साहुपयभत्तो || ११४९ ।। तस् य जिणमइनामेण भारिया ताण सिरिमई धूया । पिइ माइसंगईए, निरया बाला वि जिणधम्मे ।। ११५० ।। तसे उ सही सोमा, समरूत्रवया पुरोहियस्स सुया । सइ संगईए ताणं, जाया दोण्हं पि घणपीई ।। ११५१ ।। नवरं कुक्कमागयमाहणधम्मम्मि सा समासत्ता । सेट्ठिसुया जिणधम्मे, एवं वच्चंति ताण दिणा ।। ११५२ ।। अन्नम्म दिणे ताओ, वीसंभकहासु वट्टमाणासु । धम्मवियारं काउं, पारद्धा पवरपीइजुया ।। ११५३ ।। तो सिरिमईए भणिया, सोमा भद्दे ! न एत्थ जिणधम्मं । मोत्तूण अत्थि धम्मो, सिवसुहसंसाहगो अन्नो ।। ११५४ दंसणनाणचरित्ताइं जेण मोक्खस्स हेउणो हुंति । ताइं पुण सम्मसद्देण लंछियाई इहेव जओ ।। ११५५ ।। जह इह जीवाजीवा, भणिया बंधो य पुन्नपावं च । आसवसंवरनिज्जरमोक्खा तह नत्थि अन्नत्थ ।। ११५६ ।। जह वा सम्मद्दंसणबलेण सद्दहियसयलसत्तत्थ । सण्णाणनायसच्चरणवित्थरा चरियचारित्ता ।। ११५७ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |