Page Text
________________
अजियंजयनरवइ
मिच्छत्ताविरइकसायजोगमाईण भग्गसंपसरा । गुरुकम्मबंधहेऊ ण जंति मोक्खं सया सोक्खं ।। ११५८ ।। न तहा अन्नत्थ अओ धम्मो जिणदेसिओ च्चिय मओ मे । कारण सुद्धीओ वि हु, तं पि हु निसुणेसु उवउत्ता ॥ ११५९ रागो दोसो मोहो, एए अलियत्तकारणं दोसा । जस्स उ न इमे को तस्स अलियभणणम्मि भण हेऊ ।। ११६० ॥ जियरागदोसमोहा, जिणिदयंदा अओ उ तब्भणिओ । धम्मो कारणसुद्धो, विन्नेओ सुद्धबुद्धीहिं ॥ ११६१ || इय सिरिमईए वयणं, सोउं सोमाए परिणयं चित्ते । अहवा सविवेयाणं, निमित्तेमेत्तं परो होइ ।। ११६२ ।। तो भणियं सोमाए, सहि ! सव्वं जं तए इमं भणियं । मज्झवि सम्मयमेयं, धम्मसरूवं समग्गं पि ॥। ११६३ ॥ मज्झवि अरहं देवो, तदंसणवत्तिणो गुरु साहू । जीवाइ तप्परूवियवत्थूसु य तत्तपरिणामो ।। ११६४ ।। अन्नं पि धम्मकिच्चं, संपइ जं मज्झ उवसमइ जोग्गं । तं भणसु जेण तप्पडिवत्तीए सुसाविया होमि ॥। ११६५ तो तप्परिक्खणत्थं, सिरिमइए तीए सम्मुहं भणियं । सहि ! सुणसु ताव एक्कं अक्खाणं एत्थ अत्थम्मि | ११६६ (झुंटणवणिककहा -)
४५
एत्थेव भरहवासे, अंगइया नाम अत्थि वरनयरी । अमरावइ व्व कयविबुहचित्ततोसा समिद्धीए | ११६७ ॥ तत्थासि धणो सेट्ठी, वेसमणो इव धणेण विक्खाओ । भज्जा य धणसिरी से, सो भुंजइ तीए सह भोए ।। ११६८ सामिपुरं नामेणं, इओ य विक्खायरिद्धिवित्थारं । अत्थि पहाणं पट्टणमहेसि संखो तहिं सेट्ठी ।। ११६९ ॥ अंगइयाए पत्तो, वणिज्जकज्जेण अन्नया संखो । भवियव्वयावसेणं, धणसेट्ठिगिहे समायाओ ॥ ११७० ॥ धणसेट्ठिणा समाणं, जाया पीई इम्मस अइबहुया । तीए थिरत्तनिमित्तं, संखेण धणो इमं भणिओ ॥ ११७१ || अणुकूलदेव्ववसओ, जइ तुह पुत्तो सुया य मह होही । ता अन्नोन्नं ताणं, परिणयणं कारिपव्वं ति ।। ११७२ ।। जेसा तुम सह जाया पीई न तुट्टई अम्ह । पुत्ताइसंतई विय वयसिया लहइ वित्थारं ॥ ११७३ || तो भइ धणो कस्स व, न बहुमयं तुज्झ वयणमेयं ति । को वा घयउण्णेहिं, सक्करसंगं न अहिलस | ११७४ एवं च संखवयणे, पडिवण्णे अन्नया य से जाओ। पुत्तो संखस्स उ पुत्तिया य पत्ताइं तारुण्णं ।। ११७५ ।। तो सुत्थेदि, ताण विवाहो महाविभूईए । काराविआ धणेणं, संखेण य तुट्ठचित्तेणं ॥ ११७६ ।। दो पि हु अन्नोन्नं, पीईए उदारभोगसत्ताण । वच्चंतेसु दिणेसुं, लोयंतरिओ धणो जाओ ॥ ११७७ || तप्पुत्तस्स पुन्नक्खण विहवक्खएण संपत्ते । भज्जाए भन्नइ इमं ससुरगिहे मग्ग झुंटणयं ॥ ११७८ ॥ सो हु उरब्भविसेसो, सुणहागारो जणस्स हसणिज्जो । रोमेहिं तस्स जायइ, कंबलरयणं महामोल्लं ।। ११७९ ।। पिउगेहे निवसंती बालभावे मए वि रोमाई । से कत्तिउमब्भसियाई नाह ! ता मा विलंबे ॥ ११८० ॥ वच्चसु ससुरसमीवं, मग्गसु आणेसु मज्झ पासम्मि । तं झ त्ति जेण उन्नं, से छहि मासेहिं कत्तेमि ॥ ११८१ ॥ लद्धो य सो तए खलु, उच्छंगगओ सयावि धरियव्वो । आणेयव्वो हियए, निवेसियो अप्पमत्तेण ॥ ११८२ ॥ वच्छयलधरियमेयं, दट्ट्डुं मुक्खो जणो तुमं हसिही । न स गणियव्वो तुमए, गुरुलाभुप्पायणमणेण ॥। ११८३ ।। इवं च आणिए नाह ! तम्मि से कत्तिएहिं रोमेहिं । कंबलरयणं होही, तं होही लक्खमुल्लं जं ॥ ११८४ |
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |