Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 39

सिरिचंदप्पहजिणचरियं
कुलिस- -झस - कलस - कमलाइलक्खणंकिय ! पसत्थकर-चरण ! । चरणकरणोवसेवापहाणमुणिवंदियच्चलण ! ॥ १७२ चलणारविंदजुयले, महुयरलीलाइ तुज्झ जे लग्गा । सुय-मयरंदममंदं, लहिउं होहिंति ते सुहिणो || १७३ |
सुहिणो ते सुकयत्थजीविया ते सुलद्धजम्मफला । जे तुह वयणे अविसंकमाणसा सिव- पहे लग्गा ।। १७४ इय थोऊण मुणिंद, सेसे वि कमेण वंदिउं साहू | पुणरवि विहियपणामो उवविट्ठो सिरिहरसयासे ।। १७५ ।। मुणिणा वि धम्मलाभं, दाउं तो देसणा समाढत्ता । गंभीर - महुर - निग्घोस - विजिय-जलवाह - सद्देण ॥ १७६ ॥ भो भो नरिंदमाई, लोयालोयाण मोत्तुमालावं । खणमित्तसावहाणा होउं निसुणेह मह वयणं ॥ १७७ ॥ इह खलु अणाइजीवो, अणाइजीवस्स एस संसारो । जीवेण सहेव अणाइकम्मसंजोगसंपण्णो ॥ १७८ ॥ दुक्खसरूवो दुक्खप्फलो य दुक्खाणुबंध-जणगो य । एयस्स उ वोच्छित्ती, हविज्ज सुविसुद्धधम्माओ ॥ १७९ सो पुण विसुद्धधम्मो, होज्जा पावक्खयाओ बहुयाओ । सो वि तहा भव्वत्ताइभावओ पागपत्ताओ ॥ १८० ॥ चउसरणगमणदुक्कडगरिहा सुकडाणुमोयणा चेव । परिपागहेउणो तस्स हुंति एए उ नायव्वा ॥ १८९ ॥ चउसरणगमो य इमो, अरहंता चेव मज्झ सरणं ति । सिद्धा य तहा साहू, केवलिपन्नत्तधम्मो य ॥ १८२ ॥ सारीर - माणसाणेयदुक्खतवियाण एत्थ संसारे । एए चउरो मोत्तुं न अत्थि अन्नं परित्ताणं ॥ १८३ ॥ एएसिं चि पुरओ, एत्थन्नत्थ य भवम्मि जं रइयं । मिच्छत्ताई पावं, तं निंदे तं च गरिहामि ॥ १८४ ॥ अरहंताण विजं सुकडं जाणामि तं च अणुमोए । इच्चाइप्पडिवत्ती, हेऊ तह भव्वयापाए ॥ १८५ ॥ ता एत्थं चिय जत्तं, करेह पावक्खयस्स मूलम्मि । जत्तो तुम्हाण परंपराए होज्जा भवुच्छेओ || १८६ ॥ जं पुण नाहियवाई एमाइ पभणंति वाइणो केवि । नत्थेत्थ को वि जीवो, न य परलोओ न कम्म ति ॥ १८७ तं पुणमिच्छा भणियं, वियाणियव्वं न तेण चित्तभमो । कायव्वो तुम्हेहिं विवेय - विन्नाय - तत्तेहिं ॥ १८८ ॥ जओ
८
पयईए भासुरो दिणयरो व्व कम्मेहिं मोहभूलेहिं । भामिज्जइ जीवोऽणूरूवसगतुरगेहि व जयम्मि ॥ १८९ ॥ एवं च जहेव रवी, उदयावत्थाए दीसए बालो । मज्झण्हे मज्झत्थो, वि चंडरस्सी दुरालोओ ॥ १९० ॥ तह परिगलियपयावो, वियालवेलाए अत्थमणुपत्तो । विविहावत्थो दीसइ, पुणो वि बीयाइदिवसेसु ॥ १९१ ॥ तह चेव इमो जीवो, चउगइगमणस्सरूवसंसारे । कइया वि होइ देवो, कया वि मणुयत्तणं लहइ ।। १९२ ॥ कइया वि होइ तिरिओ, कइया वि पुणो वि नारओ होइ । सुहिओ दुहिओ उत्तिममज्झिमहीणत्तमणुपत्तो ॥ १९३ अह व जह रंगमज्झे, नडो परावत्तए विविहरूवे । दव्वाकंखाणुगओ, अवगणियसदुक्खसंताणो ॥ १९४ ॥ संसाररंगवत्ती, तहेव जीवो वि कम्मसंबद्धो । चुलसीइजोणिलक्खेसु कुणइ नाणापरावत्ते || १९५ ।। जीवस्स य कम्मस्स य, संबंधो कंचणोवलाणं व । तह चेव विओगो वि हु, अणाइजोगे वि सिद्धोति ॥ १९६ तहा हि
अग्गिए धमिज्जते, धाउबले सिद्ध-तंत - जुत्तीए । होइ सुवन्नं भिन्नं, जहेह भिन्नो य तक्किट्टो ॥ १९७ ॥