Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 38

पउमनाहनिवो नउलो वि पुव्ववेरं, मोत्तुं मिक्तत्तमुवगओ संतो । कीलइ भुयगेण समं, मुणिपासे जणियपसमेण ।। १४५ ॥ दप्पेणं जुज्झंता, वणमहिसा जुज्झमुज्झिउं सहसा । जाया पसंतचित्ता, मुणिसम्मुहपेक्खणक्खित्ता ।। १४६ ।। इय एवमाइयं तप्पभावमायन्निऊण राया वि । चिंतेइ पेच्छ मुणिणो, माहप्पमउव्वरूवं ति ॥ १४७ ॥ अहवा किमउव्वममोहविमलचारित्तसत्तिजुत्ताण । घणघायकम्मखयजायविविहगुरुलद्धिमंताण ॥ १४८ ॥ . मंतोसहि-मणिमाहप्पविजियसंपत्तजयसलाहाण । सममोक्ख-सोक्खभव-दुक्ख-समसत्तु-मित्ताण ॥ १४९ ॥ समभावपयरिसावूरियाण संसारतीरपत्ताण । अक्खयनाणाण महारिसीण जीवंतमुत्तीण ॥ १५० ॥ ताण किर जाण नीसेसकम्मि कम्मक्खए वि सामत्थं । पत्तेयमत्थि जइ कम्मसंकमो परकए होज्जा ॥ १५१ ॥ भणियं चक्षपकश्रेणिमुपगतः, स समर्थः सर्वकर्मिणां कर्म । क्षपयितुमेको यदि कर्मसंक्रमः स्यात् परकृतस्य ।। १५२ ॥ परकृतकर्मणि यस्मान्नाक्रामति संक्रमो विभागो वा । तस्मात् सत्त्वानां कर्म यस्य यत् तेन तद्वद्यम् ॥ १५३ ॥ ता ते च्चिय वरविन्नाण-नाणजुत्ते तरू अहं मन्ने । दठूण जे मुणिंदस्स गुणगणं पुप्फिया फलिया ।। १५४ ॥ अहह गुणाणं माहप्पमेत्थ अमणिंदिया वि जं तरुणो । अबुहे वि बोहयंता, गुणविण्णुत्तं वहंति व्व ॥ १५५ ॥ पच्चक्खे वि हु दिट्टे, ता मुणिमाहप्पसंभवम्मि फले । कह संदेहमहन्ना, करिन्ति जिणदिट्ठसिवमग्गे ॥ १५६ इय चिंतिऊण तत्थेव संठिओ भत्तिनिब्भरो राया । अनलियगुणसंथवणं, मुणिस्स काउं समाढत्तो ॥ १५७ ॥ तुज्झ नमो मुणिसामिय ! अमियासणनाहपणयपयकमल ! । कमलोवभोगसंभविसुहविमुहमहाजियाणंग ! ॥ १५८ हा जियअणंगसंगय ! कह तं हुँतो भवोयही पडिओ । जइ न इमं मुणिवसभं, पावंतो जाणवत्तं व ॥ १५९ ।। वत्तव्वयं पि सोउं, इमस्स पावं ति पुनवंतनरा । किं पुण दंसण-वंदण-नमंसणा देसणा सुणणा ॥ १६० ॥ ता तं धन्नो सुहपुन्नभायणं जेण मुणिवरागमणं । विन्नायं इय चिंतिय, पुणो पुणो नमसु तं चेव ॥ १६१।। इय उठ्ठिय आसणओ, गंतूण य सम्मुहं मुणिंदस्स । सत्तट्ठपयाई तओ, करेइ पंचंगपणिवायं ॥ १६२ ॥ पुणरवि सुहासणत्थो, राया पडिहारमेवमाइसइ । आणवसु नयरलोयं, मह वयणेणं तुमं एवं ॥ १६३ ॥ सिरिहरमुणिंदवंदणकज्जेण सुगंधिपवणउज्जाणे । गच्छिहइ नरिंदो गुरुविभूइसंभूसिओ अज्ज ॥ १६४ ॥ नियनियसमिद्धिसहिओ, ता एउ जणो वि तत्थ इच्चेवं । आणं पडिच्छिऊणं सिरेण नीहरइ पडिहारो ॥ १६५ ॥ काउं रायाएसं, रन्नो जाणावई पुणो एसो । चउरंग-बलसमेओ, निवो वि जयवारणारूढो ॥ १६६ ॥ अंतेउर-पुर-जण-परियणेण अणुगम्ममाणमग्गो य । महइड्ढिसमुदएणं, संपत्तो मुणिवरासन्ने ॥ १६७ ॥ पंचविहाभिगमेणं, पविसित्तो उग्गहे मुणिवरस्स । तिपयाहिणं करेत्ता, तिक्खुत्तो पणमई तत्तो ॥ १६८ ॥ गुणसंथवे पयट्टो य दिव्ववाणीए मुणिवरिंदस्स । भत्तिभरनिब्भरो भालवट्ठरइयंजलीबंधो ॥ १६९ ॥ होउ नमो तुज्झ महामुणिंद ! निंदा-थुईसु समचित्त ! । समचित्तत्तेणं चिय, निज्जियगुरुरागदोसबल ! || १७० ।। सबलत्तमुक्कचारित्तरित्तकयसयलकम्मभंडार ! । निज्जियमयणमहाभड !, मोहमहासेलदढकुलिस ! ।। १७१ ॥