Page Text
________________
पउमनाहनिवो
-
सिरिजसदेव सूरि - विरइयं चंदप्पह जिणिंद - चरियं
मंगल
जस्सारुणचरण - नहप्पहाणुरत्ता नमंतअमरपहू । अंतो अमंतनीहरियभत्तिराग व्व दीसंति ॥ १ ॥ सो जयजयप्पवरो, वरकंचणकमलकन्नियागोरो । गोरयणअंकिओरू, रिसहजिणो जिणियकम्मरिऊ ॥ २ ॥ (जुयलं ) ससि-किरण- विमल - देहप्पहाए ओहाडियाओ जन्नियड़े । रयणीए वि रयणपईवपंतियाओ न रेहंति ॥ ३ ॥ तं पणमह पणयसुरासुरिंदअइरुंदविहियजम्ममहं । मह मंदरम्मि सियकिरणलक्खणं लक्खणा तणयं ॥ ४ ॥ (जुयलं ) असिवोवसमो जाओ, जयस्स गब्भागए वि जम्मि लहुं । संतिजिणिदो संतिं, करेउ सो सयलसंघस्स ॥ ५ ॥ जन्नाम पईवम्मि वि, मणभवणगए जणस्स जाइरयं । दुरियगणो तिमिरभरो व्व हरउ पासो स मह विग्धं ॥ ६ ॥ कलिकालमारुएण वि, जस्स न विज्झाइ सासणपईवो । सो वड्ढमाणतित्थस्स नायगो जयइ जिणवीरो ॥ ७ ॥ इयरनरावि हु, आणाइ जाण निक्कंदिऊण कम्मरिऊ । पत्ता सासयठाणं, ते वंदे सेसजिणयंदे ॥ ८ ॥ खयरिंदपणयपाया, गोविंदपसायणी सुराणंदा । कयणंतनमोक्कारा, सिरि व्व वाणी सया जयउ ॥ ९ ॥ जाण पसाएण जडो वि किंपि जाओ बुहोहमज्झे हं । गणणिज्जपए तेसिं, गुरूण पाए पणिवयामि ॥ १० ॥ इय सयलनमोक्कारप्पहावपडिहणियविग्घसंघाओ । सिरिचंदप्पह- जिणवर - चरियमहं संपवक्खामि ॥ ११ ॥ एयं च दुक्करं जइ वि मज्झ पडिहाइ मंदबुद्धिस्स । दिट्ठेण पहेण तहा, वि संचरंतस्स किं विसमं ॥ १२ ॥ जओ
१
जह विजयसिंहसूरिरइयपबंधम्मि दिट्ठमेयं मे । सत्तभवप्पडिबद्धं, तहेव गाहाहिं वोच्छमहं ॥ १३ ॥
सव्वं पुण एयं चिय, जम्हा सव्वन्नुगोयरं चरियं । चंदप्पहस्स कत्थ व, कत्थ व मइदुब्बलो अहयं ॥ १४ ॥ एवं च मए जलही, भुयाहिं तरिउं इमो समाढत्तो । एएण पंडियाणं, उवहासपयं भविस्समहं ।। १५ ।। जइ वा
Jain Education International
आहारवसेण गुणाण पयरिसो सो य एत्थ ससिनाहो । ता तप्पहावओ च्चिय, होहामि न सूरिहसणिज्जो ॥ १६ ॥ एत्थ य सुयणपसंसा, निक्कज्ज च्चिय जओ सपयईए । अपसंसिओ वि गुणगहणवावडो दोसविमुहो वा ॥ १७ दुज्जणजणो य पायं, पसंसिओ वि हु न मुंचए पयई । निद्दोसे वि हु कव्वे, जो कहवुप्पायए दोसं ॥ १८ ॥ ता किं इमाए चिंताए मज्झ पारद्धविग्घभूयाए । जो जस्स सहावो तं, समाणऊ इत्थ किमत्तं ॥ १९ ॥ नियगुणविक्खाय च्चिय, महाकई तेसिमह सलाहाए । किं होज्ज भुवणपायडजसाण मइहीणरईयाए ॥ २० ॥ पत्थुयमेव भणिज्जइ, अओ इमं विजयसिंहसूरीहिं । रइयं सक्कयभासाइ सग्गबंधेण मह कव्वं ॥ २१ ॥ अहयं पुणऽप्पसत्ती, पाइयभासाए तेण विरइस्सं । दसपव्वरइय अत्थाहिगारगाहाहिं पाएण ।। २२ ।।
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |