Page Text
________________
पउमनाहमुणि
१३५ पंचविहायारविऊ, पसन्नगंभीरथिरपवन्नमणा । जे चरणकरणनिरया, साहूणं ताण पणमामि ॥ ३५०८ ।। झाणज्झयणपसत्ता जे अट्ठविहप्पमायपरिचत्ता । सुविसुज्झमाणभावाण ताण साहूण पणमामि ॥ ३५०९ ।। निच्चं परोवारम्मि उज्जया कज्जकालनिरवेक्खं । इहलोयनिप्पिवासा, जे ताण नमामि साहूणं ।। ३५१० ॥ परमेट्ठिपंचयस्स वि, एवं भत्तीए कयनमोक्कारो । पुणरवि परमेट्ठीणं उवट्ठिओ खामणट्ठाए ॥ ३५११ ॥ पयडा पच्छन्ना वा जा का वि कया मएऽरहंताण । आसायणा तमेत्तो, खामेमी सव्वभावेण || ३५१२ ।। मिच्छापरूवणाए अहवा तग्गुणपओसभावेण । सिद्धाण वि जा एसा, कया मए तं पि खामेमि ।। ३५१३ ।। विणए वेयावच्चे, मए पयट्टेण अविहिकरणेहिं । अहवा तयकरणेहिं, आयरियाणं च सव्वेसिं !! ३५१४ ॥ उज्झायाणं च जहा, साहूण य गुणसहस्सकलियाणं । आसायणा कया जा उवट्ठिओ तं पि खामेमि ।। ३५१५ ।। एवं चउव्विहस्स वि संघस्स कहं पि जा मए विहिया । आसायणा अयाणेण अहव कोहाइघत्थेण ॥ ३५१६ ।। खामेमि तं पि सव्वं समभावमुवागओ विसुद्धमणो । मणवयणकायगुत्तो निस्सल्लो निम्ममो अहयं ॥ ३५१७ ।। निप्पडिकम्मसरीरो, एवं आराहिऊण पंचविहं । आराहणं महप्पा, कालगओ सो समाहीए ।। ३५१८ ।। उप्पन्नो अमरेसुं पंचाणुत्तरविमाणमज्झम्मि । सिरिवेजयंतनामम्मि वरविमाणम्मि रम्मम्मि || ३५१९ ॥ सव्वुक्कट्ठगसुइसुहमणाभिरमणिज्जसद्दयारम्मि । सुसिणिद्धचक्खुपल्हायणिज्जकमणिज्जरूवगुणे ॥ ३५२० ।। अच्चंतसुपेसलसयलदेहपल्हायणिज्जरसजुत्ते । वियसंतसरससुरतरुकुसुमुक्करसुरहिगंधड्ढे ॥ ३५२१ ।। कोमलमुणालदलनियरविजियसोमालिमाणतूलीसु । सुहफासासासियअंगिअंगसंजणियनिच्चसुहे ॥ ३५२२ ॥ रयणिप्पमाणदेहो सदेहसोहाए विजियतइलोक्को । अंतोमुहुत्तमेत्तेण सव्वपज्जत्तिपज्जत्तो ॥ ३५२३ ।। (आदि कुलक) संभिन्नलोगनालिं पासिंतो तत्थ ओहिनाणेण । चिंतइ जीवसरूवं कइया वि विचित्तपज्जायं ॥ ३५२४ ।। देहत्थंतरभूयं कहिंचि कारिं सयस्स कम्मस्स । भोइं च तप्फलाणं, सरुवसत्थेण य अमुत्तं ।। ३५२५ ।। धम्माधम्मागासत्थिकायपोग्गलसरूवभेयाइ । परिभावइ कइयावि ह कया वि पण पन्नपावफलं ॥ ३५२६ ॥ तह पुन्नपावआसवसंवरहेऊसनिज्जरे सम्मं । अवहारइ सो चित्तेण बंधमोक्खे य कइया वि ।। ३५२७ ।। एवंविहचिंताए सुहसेज्जाए ठियस्स अणवरया । पयणुकयरागदोसप्परिणामविसुद्धचित्तस्स ॥ ३५२८ ॥ अच्चंतदिव्वसोक्ख अणहवमाणस्स मोक्खसारिच्छं। तेत्तीससागराइं समइक्कंताई से तत्थ ॥ ३५२९ ।। एवं केवेत्थ सत्ता भवमणसमुविग्गचित्ता पसत्ता । सन्नाणे सच्चरित्ते दरिसणकलिए मोक्खमग्गेक्करूवे ॥ रागद्दोसाण दप्पं नरयगइपयाणुब्भडाणं भडाणं । भंजित्ता जंति सिग्घं विमलजसगुणे सोक्खसारे पयम्मि ॥ ३५३० ।। पोमनाहनरनाहसेवियं ता सुमग्गमचलं बहुत्तमं । जेण सा जसदेवसंपयाभायणं लहु हवेह माणवा ॥ ३५३१ ।। इइ चंदप्पहचरिए जसदेवंकम्मि छट्ठपव्वमिणं । उद्दिट्ठत्थं भणियं पसंगवित्थरियकहबंधे ।। ३५३२ ।। संपइ सत्तमपव्वं भणामि सत्तमभवाणुगं किं पि । चंदप्पहस्स सत्तमजिणस्स अट्ठमपसिद्धस्स ।। ३५३३ ।।
(षष्ठ पर्वं समाप्तम्)
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |