Page Text
________________
७२
सिरिचंदप्पहजिणचरियं
तीय च्चिय वेलाए, सुबुद्धिणो नयरसेट्ठिणो सुमिणे । दिनुं रस्सिसहस्सं, रविणो ठाणाओ संचलियं ।। १८५८ ।। सेज्जंसेणं उप्पाडिऊण सट्ठाणठावियं अहियं । तं संपन्नं तेएण दिप्पमाणं व वररयणं ॥ १८५९ ।। सोमप्पभेण रन्ना, वि दिव्वपुरिसो महारिउबलेण । सह जुज्झंतो दिट्ठो महप्पमाणो वि जिप्पंतो ।। १८६० ॥ सेज्जंसदिन्नसाहिज्जजणियगुरुयरपरक्कमो सुमिणे । निज्जिणिय सत्तुसेन्नो जयप्पयासो लहुं जाओ ॥ १८६१ ।। रायसभाए मिलिया नियनियसुमिणे कहंति सव्वे वि । न वियाणंति विसेसेण किंपि सुमिणप्फलं होही ।। १८६२ नवरं राया जंपइ, होही कुमरस्स किं पि कल्लाणं । परिभाविऊण एवं, सव्वे वि समुट्ठिया तत्तो ।। १८६३ ।। नियनियठाणाइं गया, कुमरो वि तओ नियस्स भवणस्स । ओलोयणोवविट्ठो, पेच्छइ सामिं पविसमाणं ॥ १८६४ चिंतइ य कत्थ दिळं एरिसरूवं मए पुरा आसि । पिउणो पियामहस्सा, इण्हि पेच्छामि जारिसयं ।। १८६५ ॥ एवं चितंतेण, पुव्वभवे वइरसेण तित्थयरो । जो दिट्ठो संभरिओ, सो खलु तित्थयरलिंगेण ॥ १८६६ ।। उसभो य तस्स पुत्तो, तम्मि भवे वइरनाहवरचक्की । आसी सेयंसो सारही य तस्सेव अइभत्तो ।। १८६७ ॥ तम्मि जिणिंदसयासे, पडिवज्जतम्मि अन्नया दिक्खं । परिचत्तसयलसंगो, संजाओ सो वि पव्वइओ ॥ १८६८ ॥ निसुयं च तत्थ तेणं, एसो भरहम्मि वइरनाहमुणी । तित्थयराणं पढमो, होही तो एस तं मुणइ ।। १८६९ ।। एत्थंतरम्मि एगो, पुरिसो तस्सेवआगवो घेत्तुं । इक्खुरसभरियकलसं, तं चिय घेत्तूण बेइ जिणं ॥ १८७० ॥ कप्पइ जिणिंद ! एसो तो भयवं संपसारए पाणी । सो तत्थ तेण खित्तो, गलइ न बिंदू वि से तत्तो ।। १८७१ भयवं अछिद्दपाणी जम्हा तह अइसओ य से एवं । उवरिं सिहा पवड्ढइ, छड्डिज्जइ नेय बिंदू वि ।। १८७२ ।। संवच्छरस्स अंते, तं जायं पारणं जिणिंदस्स । दीसइ आहारंतो, नीहारंतो य नेय जिणो ।। १८७३ ।। भणियं च - आहारा नीहारा अद्देसा मंसचक्खुणो सययं । नीसासो य सुगंधो, जम्मप्पभिई गुणा एए ।। १८७४ ।। भत्तिभरनिब्भरेण य पायाविंतेण जिणवरं तत्थ । सेज्जसेणं अप्पा निरुवमसोक्खम्मि संठविओ ॥ १८७५ ।। भणियं च - भवणं धणेण भुवणं जसेण भयवं रसेण पडहत्थो । अप्पा निरूवमसोक्खेण पत्तदाणं महग्घवियं ।। १८७६ ।। जायाइं पंच दिव्वाणि तत्थ जणजणियगरुय चोज्जाइं । जिणपारणभत्तीए तुठेहिं कयाइं देवेहिं ।। १८७७ ।। तहा हि - गंधुदयकुसुमवुट्ठी गिहंगणे निवडिया से वसुहारा । वरदुंदुही उ पहया, कओ य चेलंचलुक्खेवो ॥ १८७८ ।। जयजयरवसम्मिस्सं सुरेहिं घुटुं अहो महादाणं । उक्कुट्ठिकलयलरवं, हरिसविसेसा करतेहिं ।। १८७९ ।। संवच्छरं समहियं, चीवरधारी य आसि जिणनाहो । तत्तो परेण जाया, अचेलया जिणवरिंदस्स ।। १८८० ।। नाणेहिं चउहिं जुत्तो, य आरियाणारिएसु खेत्तेसु । वाससहस्सं मोणेण विहरीओ निरुवसग्गं च ।। १८८१ ।। पत्तो य पुरिमतालं, नयरं तत्थत्थि सगडमुहनामं । उज्जाणं अइरम्मं, ईसाणदिसाइ नयरस्स ।। १८८२ ।।
Jain Education International
For Private & Personal Use Only
www.jainelibrary.org
| SR No. | 001587 |
| Book Title | Chandappahasami Chariyam |
| Original Sutra Author | Jasadevsuri |
| Author | Rupendrakumar Pagariya, Jitendra B Shah |
| Publisher | L D Indology Ahmedabad |
| Publication Year | 1999 |
| Total Pages | 246 |
| Language | Prakrit |
| Classification | Book_Devnagari, Story, & Biography |
| File Size | 17 MB |