Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 102

भरहराया
भरसरस्स लज्जाए ताव जुत्तं न गेहगमणं ति । आहारमंतरेण य, न तीरए अच्छिउं एत्थ ॥ १८३० ॥ ता वणवासो अम्हं, उचिओ तत्थेव सडियपत्ताइं । परिभुंजिऊण उववासिया वि सत्तीए चिट्ठम्ह || १८३१ || भयवं तं चिय निच्चं, ज्झायंता सव्वसम्मएणेवं । परिआलोएऊणं, वणमज्झे तावसा जाया || १८३२ ।। गंगाई दक्खिकू रम्मेसु काणणगणेसु । वक्कलचीवरधारी, संवुत्ता बंभयारी तो ।। १८३३ ।। कच्छमहाकच्छाणं, पुत्ता नमिविनमिणो वि तत्थ ठिया । पिइअणुरागेणं ते भणिया एवं नियपिऊहिं ॥। १८३४ ।। पुत्ता इयाणिमम्हेहिं दारुणं वर्णानिवासजं दुक्खं । अंगीकयं अओ भे सगिहाई चेव गच्छेह ॥। १८३५ ।। अहवा भयवंतं चिय सेवंता ठाह जेण स दयाए । वंछियफलं पयच्छइ, तुम्हं सुहजीवियाहेउं ॥ १८३६ || इय भणिया आएसं, पडिच्छिऊणं पिऊण सामिस्स । पासम्मि समल्लिणा विणएणं पज्जुवासन्ता || १८३७ || धरणिंदो अन्नदिणे, समागओ वंदणानिमित्तं से । तहिं वि सामी रज्जंसदाणकज्जेण विन्नविओ || १८३८ ॥ तो भणिया धरणिदेण ते हु भो भो जिणेसरो एस। नीसेसचत्तसंगो, तो मग्गह मा इयं तत्तो ।। १८३९ ।। केवलमहमेव करेमि पत्थणं तुम्हं फलवइमिन्हिं । गरुयाण चलणसेवा, मा एसो निप्फलो होउ || १८४० ।। इय भणिऊणं पन्नत्तिरोहिणीमाइयाओ विज्जाओ । दिन्नाओ पढियसिद्धाओ ताण सव्वत्थ फलयाओ || १८४१ ।। वृत्ताय पुण वि एवं वच्चह वेयड्ढनगवरं तुब्भे । दाहिणउत्तरसेढीसु तत्थ ठावेह नयराई ।। १८४२ ।। उवलोहिऊण य जणं, तेसु य वासेह सपरवग्गस्स । विज्जाहरचक्कित्तं तुम्हं संपज्जए जेण || १८४३ ।। नयराणं नामाई रहनेउरचक्कवालपभिईणि । दिज्जह दाहिणसेढीए नयरसंखा य पन्नासं ।। १८४४ ॥ उत्तरसेढीए पुणो, सठि ठावेह पवरनयराई । नामाणि गयणवल्लहमाईणि उ ताण देज्जाह ।। १८४५ ॥ इय भणिउं धरणिंदो, सट्ठाणं जाइ पणमिऊण जिणं । ते वि य लद्धपसाया वंदित्तु जिणं च धरणं च ॥ १८४६ ॥ पुफ्फयविमाणरयणं नियइच्छाए विउव्विउं रुइरं । कच्छमहाकच्छाणं पासम्मि गया तयारूढा || १८४७ ।। पभणंति य एसम्हं, संजाओ भगवओ पसाओ त्ति । बहुभत्तीए तुट्ठो धरणिंदो जेण अम्हाणं || १८४८ ॥ तो ताण पणमिऊणं विणीयनयरिं गया य भरहस्स । सव्वं पणामपुव्वं, कहति हरिसेण हयहियया ।। १८४९ ।। तो सयणपरिजणाई, गहिऊणं मोक्कलाविऊणं च । भरहनरिंदाओ नमी विनमी य गया उ वेयड्ढं ।। १८५० ।। तत्थ य पुव्वुद्दिट्ठ, सव्वं काऊण सामिभावेण । दाहिणसेढीए नमी विनमी बीयाइ विहरति ॥ १८५१ ॥ भयवं पि अचलचित्तो, अखलियसत्तो परीसहभडेहिं । उवसग्गाण अभीओ, हिंडइ महिमंडलं एगो ।। १८५२ ।। कन्ना धणरयणाई, पयत्थसत्थेण विविहरूवेण । लोएण निमंतिज्जइ, भिक्खाइ गिहेसु पविसंतो ॥ १८५३ || न य किं पि सो पडिच्छइ, गच्छइ मोणेण चेव अन्नत्थ । संवच्छरं अणसिओ विहरंतो अन्नया भयवं ॥ १८५४ || कुरुजणवयम्मि हत्थिणपुरम्मि पत्तो छुहाइ सुसियतणू । राया य बाहुबलिणो, पुत्तो सोमप्पभो तत्थ ॥ १८५५ ।। सेज्जसो जुवराया, तस्स सुओ तेण सुमिणए दिट्ठो । रयणीए चरिमजामे, मेरुगिरी सामलो अहियं ॥ १८५६ ॥ तो अहिसितो सो अमयभरियकलसेहिं सामयं चइउं । तत्ततवणिज्जपुंजो व्व अहियसोहाधरो जाओ || १८५७ ॥
७१