Chandappahasami Chariyam

SR No.: 001587
Original Sutra Author: Jasadevsuri
Author: Rupendrakumar Pagariya, Jitendra B Shah
Publisher: L D Indology Ahmedabad
Publication Year: 1999
Total Pages: 246
Language: Prakrit
Classification: Book_Devnagari, Story, & Biography
File Size: 17 MB

Page 101

सिरिचंदप्पहजिणचरियं
तूण तत्थ पउमिणिदलपुडएहिं जलं गहेऊण । जायंति ताव एत्थंतरम्मि सक्कासणं चलियं ॥ १८०३ ॥ दिन्नुवओगो सक्को, तो आगंतूण कुणइ अभिसेयं । सिरिउसभसामिणो देइ रज्जउचिए तहाभरणे ।। १८०४ ॥ मिहुणगनरा वि घेत्तूण नलिणिपत्तेहिं पाणियं पवरं । एत्थंतरम्मि पत्ता, समीवदेसम्मि उसभस्स ।। १८०५ ।। पवरविलेतणवत्थालंकारधरं तमागया दट्ठं । सुइरं विचिंतिऊण पाएसु कुणंति अभिसेयं || १८०६ ।। एयं च वइयरं ताण देवराओ पलोइऊण सयं । चिंतइ अहो विणिया, पुरिसा एए मइपहाणा ॥। १८०७ || तो पभणइ वेसमणं विणियनयरिं इहं विणिम्मवसु । बारसजोयणदीहं, नवजोयणवित्थरपमाणं ।। १८०८ ।। तो आणासमणंतरमेव इमो दिव्वभवणपायारं । धणकणयाइसमिद्धं, निवेसई तं महानयरिं ॥ १८०९ ॥ आसा हत्थिप्पभिई चउप्पर तह य संगहइ भयवं । सह उग्गभोगराइन्नखत्तिएहिं सरज्जत्थं ॥। १८१० ।। एवं पवड्ढमाणिड्ढिसंगयं रज्जमणुहवंतस्स । अईयो कालो सग्गम्मि हरीसरस्स व पभूओ ।। १८११ ।। अह अन्नया गएसुं, तेयासीसंखपुव्वलक्खेसु । संवच्छरेण होही, दिक्खा मज्झं ति कलिऊण ।। १८१२ ।। भरहस्स जेट्ठपुत्तस्स विणियनयरीए देइ सामित्तं । बाहुबलिस्स य वियरइ, तक्खसिलं नाम वरनयरिं ।। १८१३ ॥ सेसाणं पुत्ताणं, दाऊण पिहं पिहं पवरदेसे । सयलकलानीईओ, सिप्पाणि जणस्स दंसेउं ॥ १८१४ ॥ सिंघाडगतियचउक्कचच्चरचउमुहमहापहपहेसु । दारेसु पुरवराणं, रच्छामुहमज्झयारेसु ।। १८१५ ।। वरवरियं घोसाविय, अहिच्छियं दाविऊण बहुरित्थं । वत्थालंकाराइ य, पुन्नं संवच्छरं जाव ॥ १८१६ ।। लोयंतियदेवेहिं सारस्सयमाइएहिं आगंतुं । तित्थपवित्तिनिमित्तं, भणिओ भणियं च सिद्धते ।। १८१७ ।। सारस्सयमाइच्चा, वन्ही गरुया य गद्दतोया य । तुसिया अव्वाबाहा, अग्गिच्चा चेव रिट्ठा य ।। १८१८ ।। एए देवनिकाया, भगवं बोहिंति जिणवरिंदं तु । सव्वजगज्जीवहियं, भयवं तित्थं पवत्तेहिं ।। १८१९ ।। सुर असुरदेवदाणवनरिंदपरिवंदियक्कमो भयवं । चेत्तबहुलट्ठमीए सो अवरहम्मि निक्खंतो ।। १८२० ।। चउहिं सहस्सेहिं समं, निवईण सयंगहीयलिंगेहिं । छट्ठेणं भत्तेणं सिद्धत्थवणम्मि उज्जाणे || १८२१ ॥ भणियं च -
चउरो साहस्सीओ लोयं काऊण अप्पणा चेव । जं एस जहा काही, तं तह अम्हे वि काहामो || १८२२ ।। नो देइ कंचि तेसिं, उवएसं नेय सिक्खवइ किंचि । न लहंति य ते कत्थ वि, किंचि वि भिक्खाइ लोयाओ || १८२३ जाणंति जओ लोया, तइया अज्ज वि न किं पि भिक्खाइ । तो पढमाइपरीसहपराजिया ते मिलेऊण || १८२४ ॥ कच्छमहाकच्छाणं, सम्मुहमेवं भणति विणण । तुब्भे च्चिय गिहिभावे, वि अम्ह आसी विसिट्ठयरा ।। १८२५ ।। गुरुथाणीया जं भयवया वि सामंतपयपयाणेण । तुब्भे चिय अम्हाणं पयंसिया पुव्वकालम्मि || १८२६ ।। ता इण्हिमनाहाणं, सामित्तं कुह कहह अम्हेहिं । केत्तियकालं एवं, खुहापिवासा उ सोढव्वा ।। १८२७ ॥ ते बिंति न याणामो, अम्हे वि इमं जओ पुरा भयवं । न हु किंचि वि परिपुट्ठो लग्गा एमेव एय पहे || १८२८ ॥ वोसट्ठचत्तदेहो, संपइ पुट्ठो वि कहइ नो किंपि । एस महप्पा अम्हं, ता इहि सुणह जं जुत्तं ॥ १८२९ ।।
७०
. For Private & Personal Use Only