Page Text
________________
कीरकहाणर्य
का वि अउव्वा वाणी एसा मे सवणगोयरं पत्ता। को संभासइ एवं कोमलवयणेण मं एत्थ ॥२०९९।। अहवा अवहिपहियओ पुणो विनिसुणेमि सरविसेसाओ। सहस्स कारय नरो जइ पुण जाणिज्जए कोइ ।।२१००॥ इय चितिउं नरिंदो एगमणो होइ जाव ता लवियं । कीरेण पुण तह च्चिय' अह सो उग्घाडिऊण महं ।।२१०१।। विविटठो होइ निवो अवलोइय चउदिसि पि संभंतो। कीरेण तओ भणियं नरिंद! किं नियसि अन्नत्तो॥२१०२।। तुज्झ अहं कुलदेवी जंपेमि तुहऽत्थि एरिसी चिंता। जं किर मज्झ सुयाणं मज्झे को रज्जपयजोग्गो ॥२१०३।। होही पुत्तो एयं नियनाणेणं मए निरिक्खेउं । निच्छइयं इन्हि चिय कहेमि तं तुज्झ निसुणेहि ।।२१०४॥ तो उदिऊण हिट्ठो राया भालयलमिलियकरकमलो। उड्ढटिओ पयंपइ देवी ! सपसायमाइसउ ॥२१०५॥अ कीरो जंपइ नरवर! जेट्ठस्न-कणिदुओ सुओ तुज्झ । रज्जमिरीए जोग्गो पोढपयावो निवो होही ।।२१०५।।ब तस्प तुमं अहिसेयं रज्जम्मि करेहि गंतुमिन्हि पि। जं सोहणं महत्तं चिट्ठइ रयणीए जाम दुगे ।।२१०६॥ एत्तो चेव सुयंतो पडिक्खिओ तंसि संपयं न मए । जग्गंतस्स वि कहियं फुडवाणीए वि तुह एयं ।।२१०७।। सत्ता सुमिणए जइ कहेमि तुह एरिसं सहमहत्तं । तो जाइ अइकर मिउं तम्हा मा कुणह इह खेवं ॥२१०८।। तो राया हिट्ठमणो महापसाओ त्ति जंपिरो झत्ति । कुलदेवयं नमेउं निक्खंतो तीए भवणाओ ॥२१०९॥ सव्वायरक्खसहिओ बज्झदुवारस्य ढक्कणनिमित्तं । देवच्चओ वि पगओ निक्खमिउ मह कीरो ।।२११०।। देवी पडिमापच्छिमभागाओ सणियमवणियलचारी। चडिओ देवीगिहमंडवोवरि उडिउं त्त्तो ॥२१११।। पत्तो कुमा पासे गविलसियं कहइ स्स सव्वं पि । पभणइ य एस तह कुमर! पच्चिओ मज्झ भणियस्स।।२११२।। इन्हि चिय पुहइबई पेसिस्सइ तुज्झ नणमाहवणं । तो हं पंजरमज्झे संपइ चिट्ठामि पविसेउं ।।२११३।। इय भणिउं सो कीरो जा पविसइ पंजर म्मि ता पत्तं । नरवइणो आहवणं तस्स कुमारस्स तत्थ लहुं ॥२११४॥ पुग्याडिनियं कुमारो पुण पंजरे निवेसेडं। जा सेज्जाए निसीयइ ता नमिउं निवनिउत्तेण ॥२११५।। विनत्तो पुरिसेणं कुमार ! हक्कारए तुमं राया । कमरेण आसणेणं निमंतिओ पुच्छिओ एसो ।।२११६।। रायउले गंतूणं अज्ज वि इन्हि समागया अम्हे। पडिहारेण तयाहं विसज्जिओ सेसलोओ य ।।२११७।। भणियं व जहा राया अवसर मिन्हि करिस्मए नेय । तो केण कारणेणं पुणोहि हक्कारिया अम्हे ।।२११८।। एवं पुच्छंतेण वि तुरंगपल्लाणणम्मि साहणिओ। आइट्ठो वत्थाईणाणयणे सज्जवालो य ॥२११९।। तो तेण रायपेसियपुरिसेण निवेइयं कुमारस्स । जह तीए वेलाए पडिहारेण म्ह इय कहियं ।।२१२०।। जं अज्ज महाराओ कुलदेवीमंदिरम्मि रयणीए । सयणं करिही तीसे आराहणकज्जसज्जमणो ।।२१२१।। तो अवसरं न काही विसज्जिओ तेण कारणेणं सो। सव्वो वि सेवयजणो समागओ अवसरनिमित्तं ।।२१२२।। एवं पयंपिऊणं पडिहारे उवरए खणंतरओ। निग्गंतुं नरनाहो कुलदेवीमंदिरम्मि गओ ॥२१२३।। कइवयपुरिससमे उट्ठाऊणं तत्थ केत्तियं पि खणं । तत्तो लह आगंतुं नियपासायम्मि तेण तओ ॥२१२४।। रन्ना ससंभमेणं पंच पहाणाइरायलोयस्स । हक्कारयाई संपेसियाई तिन्हं पि कुमराणं ।।२१२५।। तुम्ह कणिट्ठाण तओ कुमरेणं पुच्छिओ तओ एसो । जेट्टकुमारस्स गयं आहवणं पुहइ नाहस्स ।।२१२६।। तेण भणियं न अज्जं वि पेसिज्जंतं तया जया रन्ना । तुम्हा हवणनिमित्तं पट्टविओ हं इह कुमार ! ॥२१२७।। एत्थंतरम्मि पल्लाणिएण कुमरस्स झत्ति आगंतुं । विन्नत्तं जह तुरओ चिट्ठइ पल्लाणिओ बाहिं ।।२१२८।। कुमरो कसिंगारो अह तम्मि तुरंगमे समारुहिउं । चलिओ रायाभिमुहो वच्चंतो चिंतए एवं ।। २१२९।। सच्चं तं मनिज्जइ कहियं कीरेण मज्झ जं इन्हि । एयस्स वि निय पेसियनरपरिकहणाणुसारेण ॥२१३०॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |