Page Text
________________
सिरिमुनिसुव्वयजिणि दचरियं
जं लहु य कुमाराणं पेसियमवणीसरेण आहवणं । सवेसि इयराण य न उणो जेठुस्स कुमरस्स ॥२१३१।। इय चितंतो पत्तो कुमरो पासम्मि पुहइनाहस्स । नमिटं तस्स निविट्ठो तहसियनियडदेसम्मि ।।२१३२।। जा खिवइ तत्थ दिट्ठि ता पेच्छइ कहिय लोयसमवायं । पुब्वाभिमुहं सीहासणं च ठवियं रयणमइयं ।।२१३३।। अह सो उट्ठविऊणं वरासणे तम्मि ठाविओ रन्ना । रयणाइमए कलसे आणावेउं सलिलपुन्ने ।।२१३४।। देवीकहिए समए कुमरो कीरंतमंगलसएहिं । अहिसित्तो रज्जपए पणओ य निवाइलोएण ॥२१३५।। संते वि जेट्टपुत्ते एस मए ठाविओ नियपयम्मि। कुलदेवओवएसा ता तुम्ह इमो पहू इन्हि ।।२१३६।। जह चेव अहं दिट्ठो पुव्वं तुम्हेहि गरुयभत्तीए। तह दट्टव्वो एसो वि संपयं परमविणएण ॥२१३७।। इय सेसे सिक्खविउ पुव्वनिवो सिक्खवेइ नवनिवई । जह नियपुव्वनिवाणं लज्जं माणेसि तह कुज्जा ।२१३८।। जेट्ठस्स कणिट्ठाण य नियबंधुणं विणीयचित्ताण । जह जोग्गं दायव्वं सम्वेसि देसगामाई ॥२१३९।। सव्यंपि रायसोयं कम्मगयं गरुयभक्तिसंजुत्तं । नियपुत्तं व सया विह पासेज्जा परमपीईए ॥२१४०॥ इय पडिवन्ने तस्साएसे निवलोयअहिणवनिहिं । सो पुवनिवो दोन्हंपि कुणइ अब्भत्थणं एयं ॥२१४१॥ दिन्नो तुम्हं सामी तस्स वि दिन्नं इमं नियं रज्जं । दोन्नि वि कज्जाई मए कयाई इन्हि तु मह कज्जं ॥२१४२।। तुब्भे कुणह विसज्जह परभवकज्ज ममं पसाहेउं । अस्थि नई नयराओ अद्धाणे गाउयद्धस्स ॥२१४३।। तीसे तडम्मि गंतुं काऊणं अणसणं परिवसामि। ता जाव मह समप्पइ इहभवसंबंधियं आउं ।।२१४४।। सेसं पुण नीसेसं पुव्वं पि मए कयं नियं कज्जं । कारावियाई सुरमंदिराई बहुएसु ठाणेसु ॥२१४५।। दिनाई दाणाई दीणाणाहाइयाणं सर्वसि। तह पूइया य सव्वे वि लिंगिणो णेगवाराओ ॥२१४६।। तं नियपिउणो वयणं नवेण रन्ना तह त्ति पडिवन्नं । हक्कारिऊण भणियं पंचउलं कम्मठाणस्स ।।२१४७।। नइतीरे समभागे मंडवयं कारवेह वित्थिन्नं । तत्थं य साहारणनिध्वायपवाइयाइं ठाणाई ।।२१४८।। निम्मावेयव्वाइं जह आइच्चो उ एइ एयस्स । सव्वस्स वि निम्मवियस्स तह य तुब्भेहिं कायव्वं ।।२१४९।। इय भणिऊणं सव्वं विसज्जिऊणं जणं सयं गंतुं । वासगिहे आणावइ सपंजरं तत्थ तं कीरं ॥२१५०।। भणइ य जह सच्चपइन्न जंप जं किंचि वंछियं तुज्झ । कीरेण तओ भणियं सेच्छाए मुंच में इन्हि ॥२१५१।। रन्ना भणियं एयं सिद्धं चि य किंतु उववणे मज्झं । सव्वम्मि वियरियन्वं तए न गंतव्वमन्नत्थ ॥२१५२।। सिलियावसरे वित्त निच्चंपि तुम उवेज्ज मह पासे । आलावं काऊणं मए समं वि वच्चेज्जा ॥२१५३।। कीरेण तम्मि वयणे तहत्ति पडिवज्जियम्मि नरनाहो। सुत्तो पुणो पहाए समुट्ठिउं विहियतणु किच्चो ।।२१५४। सुरमंदिरेसु पूयं समग्गलिंगीण तहय सम्माणं । दीणाईणं दाणं कारावइ गुत्तिमुयणं च ॥२१५५।। तेणेव पसंगेणं पंजरं बंधाउ मोयए कोरं। विन्नत्ते पुरिसेहिं नइतीरे निम्मिए झुपे ॥२१५६।। पुव्वनिवं नियजणयं आरोहेडं सुहासणे पवरे। सयमारुहिउं तुरए कलिओ चउरंगसेणाए ।।२१५७।। नइसम्मुहं पचलिओ पत्तो झुपम्मि तत्थ जणयनिवं । उत्तारेउ मुंचइ सोविय मुंडियसिरो होउं ।।२१५८।। आइच्चस्साभिमुहं ठाऊणं अणसणं पवज्जेइ । तस्स समीवे राया सोलस-पडिचारए मुयइ ।।२१५९।। पंचहि भिच्चसएहि सह मुंचइ तत्थ तंतबालं च । पहरयदाणनिमित्तं तं ताहिवइ वि झुंपाइं ॥२१६०।। पाइक्काणं कारइ चउदिसि तस्स राय झुंपस्स । सट्टाणे गंतुमणो जा पणमइ पत्थिवो जणयं ॥२१६१।। ता तेण सो निसिद्धो पणमंतो एरिसं च संलवियं । जे अम्ह पूणिज्जा पुत्वनिवा आसणे तेसि ।।२१६२।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |