Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 101

कीरकहाणयं
संपइ तुमं निविट्ठो तो अम्हाणं पितंसि नमणिज्जो। जइ न पडिच्छसि पणइं अम्ह तुमं मा करिज्जासि।।२१६३।। रन्ना भणिओ जणओ जोडि (य) हत्थेण सविणयं एवं । सीहासणे निविट्ठो ताय अहं पुवनिवईण ॥२१६४।। जइ इन्हि तो पणइं अन्नस्स न कस्सई करिस्सामि । तुम्हे पुण नमणिज्जा मज्झ सया जेहिं तु हि ॥२१६५॥ दिन्नं मे जम्ममिणं तयणुकया पालणागुणारुहणं । रज्जं विइन्नमिन्हि दूरेचिट्ठतु एयाई ॥२१६६।। सव्वाई कारणाई अन्नंपि इहत्थि कारणं गरुयं । जं चत्तसव्वसंगो देवो संपइ मुणिसमाणो ॥२१६७।। लिंग किंपि न गहियं देवेण इमो मुणित्तण वि भेओ। मुणिणो उ सुरिंदाण वि हवंति नमणिज्ज पयकमला ।। किं पुण अम्ह नरिंदाण वंदणिज्जा इमे न जायंति । जो पुण देवेण कओ सन्नासो दुक्करो एसो ।२१६९।। कयसन्नासो पुरिसो नमंसणिज्जो मुणीण वि हवेइ । का उण गिहीण वत्ता एवं नवनिवइणो वयणं ॥२१७०।। रायमहापुरिसेहिं समत्थियं अणसणी तओ राया। तुण्हिक्को होऊणं अवढिओ पणमिओ रन्ना ॥२१७१।। सेसेण वि लोएणं सव्वे वि विसज्जिया तओ तेण । अणसणिणो उठेउं निय-नियठाणेसु संपत्ता ।।२१७२।। रन्ना जेट्ठो भाया भणाविओ पेसिऊण नियपुरिसं । जो तुहभिमओ देसो कहेह तं जेण ते देमि ।।२१७३।। तेणुत्तरं कयमिणं ताओ किंपि जीवए ताव । तस्सेव य सेविस्सं पयारविंदाइं पासगओ ।।२१७४।। तो देसेण न कज्ज संपइ मे किं पि जम्मि समयम्मि । इच्छा म (ज्झ) भविस्सइ तम्मि सयं चिय कहिस्सामि तं जेटुबंधुवयणं कहियं पुरिसेण तेण आगंतुं । रन्नो सहा निविट्ठस्स तेण सो पेसिओ पुणवि ॥२१७६॥ सिक्खविउं जह सेवं तायस्स अहं पि आयरिस्मामि । तह वि मए रज्जभरो तायाएसेण पडिवन्नो ॥२१७७॥ तो तुम्हे वि हु देसं गहिऊणं तत्थ कंपि नियपुरिसं । अन्नं पेसेह सयं चिट्ठह पुण ताय पासम्मि ॥२१७८।। ताएण अहं रज्जे अहिसित्तो जेण कारणेणेयं । विइयं चिय सम्वेसि अमच्चपमहाण पुरिसाण ॥२१७९।। जइ अत्थि रज्जवंछो तुज्झ तओ तं अहं समप्पेमि । इन्हि चिय गिण्डं तुमं तम्ह अहं सेवओ होमि ।।२१८०।। इय जंपियम्मि रन्ना सहानिविट्ठो जणो समग्गोवि । अन्नोन्नं वयणाई पलोइऊणं धणइ सीसं ॥२१८१॥ चितेइ तहा चित्ते अहो इमो को वि अइमहासत्तो। जस्स उदारत्तणमेरिसंतहा विणय-वित्तीय ॥२१८२।। तो जइ जेट्टो कुमरो पडिवज्जिस्सइ कहं चि रज्जसिरिं । अम्हे हि तह वि एसो निवारियव्वो पयत्तेण ।।२१८३।। तस्स पयच्छंतो रायलच्छिमवणीसरोगभयचित्तो । पुव्वनरिदेण जओ अम्ह इमो दंसिओ सामी ।।२१८४॥ नियहत्थेण निय पए पइटिओ देवओवइट्ठो य । तम्हा वइऊण इमं कहमन्नं सामियं करिमो ।।२१८५।। किंतु घरं मा भणिमो संपइ एयस्स सम्महं किं चि । निय रन्नो जा न सुयं जेट्टकुमारस्स पडिवयणं ।।२१८६।। अह सो रायनिउत्तो पुरिसो गंत्ण जेट्टकमररस । पुरओ साहइ सव्वं नियपामि पयंपियं अट्ठ ॥२१८७।। अह सो चिाइ जेद्रोकूमरो नियमाणसम्मि विम्हइओ। कह तेण घडमाणं भणियं मह भाउणा एयं ।।२१८८।। एवं मणम्मि वि जओ न चितए को विजं सयं लद्धं । रज्जं दिज्जइ अन्नस्स कस्सई निययपिउणो वि।।२१८९।। जं रज्जत्थे लोओ घायइ जणयं सहोयरं बंधुं । पुत्तं पि सयं जायं किं पुण सावक्कबंधस्स ॥२१९०।। को वि पयच्छइ रज्जं सकन्नहियओ सहत्थमारूढं । ता एस मज्झ भावं लहिउं एवं पयंपेइ ॥२१९१।। पडिवज्जेमि अहं जइ रज्जग्गहणं तओ हवइ मज्झ। केवलमेव लहत्तं न रज्जलाहो न देसो य ।।२१९२॥ अह होइ कह वि दोसा तो सो वि सुते य वज्जिओ होइ । तम्हा पुव्विल्लं चिय कीरउ इह उत्तरं इन्हि ।।२१९३॥ वीमंसिऊण सम्म पच्छा जं किंपि संगयं होही। तं काहामो इय चितिऊण तं उत्तरं देइ ।।२१९४।। सो पुरिसो तं वयणं आगंतूणं निवेयए रन्नो। तं सोऊणं राया वि धारिउं मुयइ चित्तम्मि ॥२१९५।।