Page Text
________________
६५
सिरिमुनिसुव्वयजिणिंदचरियं जेट्टाउ जो कणिट्ठो रायसुओ तस्स एयमप्पेह । एवं च तं भणिज्जह सुहासियाई अउब्वाइं ॥२०६६।। लिहियाइं एत्थ चिट्ठति ताई तुम्हाण चेव उचियाई । तम्हा हिययत्थाई कायब्वाइं तए झत्ति ।।२०६७।। तो तेण मंतिपेसियपुरिसेणं तस्स रायउत्तस्स । तं भुज्जं अप्पेउं कहियं जं. मंतिणा भणियं ।।२०६८।। कुमरो वि वाइऊणं तं भुज्ज सव्वमेव मणमज्झे । हसिउं जंपइ एयाई मज्झ पुव्वं सउव्वाई ।।२०६९।। किं कायव्वमिमेणं भुज्जेण इमं तओ पयंपतो । फाडेउं तं अइलहु खंडरयाई करेऊण ।।२०७०।। नियदेहधूवणत्थं आणियनिद्धूमपावए खिवइ । अह मंतिपेसियनरो तं अणुजाणाविउं गंतुं ॥२०७१।। मंतिस्स कहइ तं कुमरचेट्ठियं भुज्जदहणपज्जतं । तं सोऊणं मंती वि हरिसिओ चितइ मणम्मि ।।२०७२।। तह पेसियं मए तं लिहियं काऊण अन्नववएसं । तह चेव तेण रक्खियमेयं इयरेहिं दीसंतं ।।२०७३।। ता मइमंतो कुमरो गंभीरो रज्जजोग्गओ चेव । जइ पुहईए पुग्नं तो होही तीए एस पई ॥२०७४।। अह सो कुमरो तं भुज्जलिहियमलैं कहेइ कीरस्स । एगंतं काऊणं तो कोरो भणइ तं कुमरं ॥२०७५।। सुज्झुवयारं काउं समओ सो एस अज्ज मह जाओ । कल्लदिणे तो तुमए एवं एवं विहेयव्वं ॥२०७६।। कुमरो वि कीरवयणं साभिप्पायं मणे मुणेऊण । कयहरिसो सव्वं चिय पडिवज्जइ तं तह च्चेव ॥२०७७।। तो बीयदिणे गोसे कुमरो कुलदेवयाए देवच्चं । सद्देउ भणइ रहे तुज्झ अहं कि पि साहेमि ।।२०७८।। नियगुज्झं जइ न तुम अन्नस्स कहेसि सुठ्ठ वि पियस्स । पडिवन्नं तेण तहा देवयसवहं विहेऊण ॥२०७९॥ आह कुमरो निसाए सुत्तो हं अज्ज सुमिणए भणिओ । कुलदेवयाए कल्ले जहा तए पूइयव्वाहं ।।२०८०॥ तो गिन्हिऊण दम्मे चउरो कारेहि देवयापूयं । पुच्छंतस्स कहेज्जा मए इमा कारिया पूया ॥२०८१॥ संझाए अंधयारे पेक्खिस्समहं पि पूयमागंतुं । इय सिक्खविउं दम्मे समप्पिऊणं तहा चउरो ।।२०८२।। कुमरेण पेसिओ सो दिणावसाणम्मि कारए पूयं । रायकुलदेवयाए भणिए समयम्मि कुमरो वि ॥२०८३।। कक्खाए खिविऊणं कीरं कुलदेवयाए आययणं । वच्चइ ठियम्मि निवमंदिरस्स पुवुत्तरदिसाए ।।२०८४।। धूवंगाराणयणे देवच्चयमाइसेइ जाइ सयं । कुलदेवयाए पासे पच्छिमभाए मुयइ कीरं ।।२०६५।। उग्गाहिऊण धूयं नमिउं थुणिउं च देवयं तत्तो । नीहरिउ नियगेहे गच्छइ तत्तो निवगिहम्मि ।।२०८६।। रायाएसेण तओ पडिहारेणं जणो समग्गो वि । सेवावसरनिमित्तं समागओ एरिसं भणिओ ॥२०८७।। न करिस्सइ अज्ज निवो रयणीए अवसरं तओ तुब्भे। वच्चह सव्वे वि नियं निवासमह सो कुणइ एवं ।।२०८८।। सो वि कुमारो तत्तो उठेऊणं पयाइ नियगेहं । राया वि सुई होउं नियसियसियधोयवरवत्थो ॥२०८९।। थेवंगरक्खसहिओ गंतुं कुलदेवयाए भवणम्मि । दट्ठ पूयं पुच्छइ विसेसपूया कया कण ।।२०९०।। इन्हिमिमा देवीए कहेइ देवच्चओ मए विहिया । राया बेइ किमळं पुज्जयरो कहइ पुत्तकए ॥२०९१॥ रन्ना भणियं एसा अज्ज वि सज्जोक्किया तए विहिया। तो अवणिस्सामि तओ एवं एईए उरिपि ॥२०९२।। पूयं करिस्समवरं इय भणिउं पूइउं निवो नमिउं । थोऊण य तं देवि इच्छयमट्ठ मणे धरिउं ॥२०९३।। तीसे पुरो महीए घेत्तु संथारयं तओ तम्मि । खणमुवविट्ठो ठाउं निवज्जए पिहियसव्वंगो ॥२०९४। कीरो मणे वि चिंतइ एसोच्चिय' मज्झ जंपिउं समओ। जावज्जवि न सुयइ एस पत्थिवो पासइ न सुमिण।२०९४। अन्नह देवीए दंसियम्मि सुमिणम्मि मज्झ वयणाई । संकं उप्पाएउं डंभं पयडी करिस्संतिः ॥२०९६।। अह आयरक्खदेवच्चएसु सयणट्ठिएसु दूरम्मि । कीरो जंपइ कोमलसद्देण फुडक्खरं एयं ।।२०९७।। भो भो महानरेसर! तो राया जग्गमाणओ चेव ।तं वयणं सोऊणं विम्हियहियओ विचितेइ ॥२०९८।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |