Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 95

अंबुवीचिरायाकहाणगं
चिर पवसिओ विआवइ वाहीघत्थो विउठुइ पुणो वि।बंधणगओ विमुच्चइ मओ त्ति झीणा कहा लोए॥१९६९।। तो तेहिं पुणो भणियं न हु सोहइ सुन्नमासणं रन्नो । रायालंकारधरो जाव निसन्नो न तत्थ नरो ॥१९७०।। तो ते मए पणिया जह जीवंते इमम्मि अन्न नरं । न हु रज्जम्मि ठवेमि जम्हा सो रज्जगिद्धमणो ॥१९७१।। रज्जं छडावेउं कहं चि नो तीरए पुणो पच्छा । पड़देहम्मि वि जाए अम्ह निव अंबुवीचिम्मि ।।१९७२।। तो तेहि इमं भणियं जह अम्हे नेय अन्नपुरिसस्स । नाम पि हु वि सहेमो रज्जम्मि ठविज्जमाणस्स ॥१९७३॥ जइ तुम्हे सयमेव य कहमवि अंगीकरेह निवइत्तं । तो होइ अम्ह सम्मयमन्नह वत्तं पि न सहेमो ॥१९६४।। अंगीकयम्मि रज्जे तुम्हेहि निवो वि जइ पडुसरीरो। जायइ तहा वि लट्ठ तं रज्जे तं पुण तुमे ठवह ।।१९७५।। ते एवं चंपंता मए निसिद्धा अणेगजुत्तीहि । अन्नसमयम्मि मिलिउं वहुएहि जणेहिं इय भणियं ।।१९७६।। तह चेव पुण निसिद्धा मए इमे एवमन्नअन्नेसु। समएसु भणंताणं तेसि मज्झय मज्झय कुणंतस्स ।।१९७७।। पडिसेहं बहुवारं मए वि पडिवनमन्त्रसमयम्मि । तेसि वयणं उवरोहओ य जुत्तत्तणाओ य ॥१९७८।। दिसिजत्ता नीहरिए मइ पच्छा रायगोत्तदेवीए । मुद्धकुमारीदेहे अवयरिउं एरिसं भणियं ॥१९७९।। कम्मेण जेण रोगो रन्नो देहम्मि आसि संजणिओ । तं बहखीणप्पायं संजायं वट्टए इन्हि ।।१९७९।। मज्झकहिओसहेहि तेगिच्छं कुणह संपयं तुब्भे । अगणियदिणाण मज्झे जह नीरोगो हवइ राया ॥१९८१॥ अह पासवत्तिएहि तह चेव कयम्मि अंबुविचिनिवो। निग्गयकर-चरण-नहो कणयसरिच्छच्छवी जाओ।।१९८२।। मंडलियाणं दूएहिं पुच्छिओ सो पुणो वि मंतिनिवो। देवी कहिएहि वि ओसहेहि कह निम्मिया किरिया।।१९७३।। अह कहइ मंति रायो एक्केणं ओसहेण कारविओ। नरनाहो वमणविहि विरेयणं पुण दुइज्जेण ।।१९७४।। तइएण ओसहेणं उवलेवो कारिओ सयलदेहे । एएण विहाणेणं राया आरोग्गमणुपत्तो ॥१९७५॥ ओसहकिरियाईयं निमित्तमेत्तं समग्गमेवेयं । सुहकम्मेणं तह देवयाए सव्वं कयं लट्ठ ॥१९८६॥ अन्नेणा किमुत्तेणं अम्हं चिय एस कोइ पुण्णुदओ। जं अम्ह इमो सामी पुणन्नवंगो पुणो जाओ ॥१९८७।। सामिदोहभिसंकं बज्झो वि जणो विमुच्चिही मज्झ । तं चिय ससामिमिन्हि पुणो वि रज्जे ठवंतस्स ॥१९८८॥ तो मंडलेसराणं या जपंति जुगवमेवेयं । तुम्हं चेव न केवलमम्ह वि सामीण पुन्नमिणं ।।१९८९॥ सामिरहियाण तेसि जं जाओ संपयं पुणो सामी। मच्छगिलिग्गिलिनाओ अन्नह होतो सुदुव्वारो ।।१९९०।। एत्थंतरम्मि तिइ मंतिनिवो अप्पण्णो मणे एवं । पेच्छ अहो पुन्नाणं जह माहप्पं परिप्फुरइ ॥१९९०॥ निव्ववसायस्स वि जं तस्स पहुत्तस्स नामसवणे वि । ते च्चिय दूया एए संपइ जपंति कह विणयं ।।१९९२।। जे पुव्वं जपंता निठुरवयणाई सम्मुहं अम्ह । सव्व ववसायाणं पि हु निय सामित्तं कुणंताण ।।१९९३।। इय चितिऊण भणियं पयडं दूयाण सम्मुहं तेण । जह चिट्ठह जंपता संपइ तुब्भे पुरो मज्झ ।।१९९४।। तह तुम्ह सामिणो विहु जइ पिस्संति तो सुहं होही । सव्वत्थ वि कथवि कीलिया विहल्लिस्सए नेय ॥१९९५।। दूएहि तओ भणियं सारो नाणस्स पच्ओ चेव । अम्हेहि समं तुब्भे संपइ पेसेह नियपुरिसे ॥१९९६।। जेण नियसामियाण विपासाओ एरिसंभणावेमो। अज्ज वि सविसेसं चिय पच्चक्खं तुम्ह पुरिसाण ।।१९९७।। तो मंति नरिंदेणं पमुइयचित्तेण तक्खणा चेव । इयबुद्धिमंतपुरिसा हक्कारेउं समाइट्ठा ।।१९९८।। दूरहिं इमेहि समं वच्चह पासम्मि मंडलवईणं । अम्हेहिं जमाइठं तमिमे तेसि कहिस्संति ।।१९९९।। तं सोऊणं किंचि वि जंते जपंति सम्मुहं तुम्ह । तं तुब्भेहिं सिग्घं कहियव्वं मज्झ आगंतुं ।।१२०००। अहमेत्तो दाऊणं पयाणयं निययदेसमज्झम्मि । गंतूणं ठाइस्सं जाव तुमे एस मह पासे ॥२००१।।