Page Text
________________
अंबुवीचिरायाकहाणगं
गहिऊण इमं सिक्खं गएसु दूएसु ताण पासम्मि । अह सो नियठाणकयं मंतिं सिक्खविउमगते ॥१९०४॥ किपि तओ इय पभणइ ममकय कडयगयरस एत्थ भणिय? । तुममप्पिऊण लेहं मुहसंदेसं च दाऊण ॥१९०५॥ पेसिज्जा पुरिसजुयं भणिए समयम्मि एवमाइसिउं । सो नवराया ढक्कं दावेऊणं सयं चलिओ ॥१९०६।। हय-गय-रहजोहेहिं कलिओ चउरंगिणीए सेणाए । सिग्घपयाणेहि तओ तप्पेसियदूयकहणाओ ।।१९०७।। तह नियचारहितो मंडलिया जाणिऊण तं एतं । सव्वे संवहिऊणं मिलिया एगस्स अइबलिणो॥१९०८।। मंडलवइणो मंडलसीमाए तस्स लिति आवासं । आवाससमंतणं परिहारक्खं करेंति तहा ।।१९०९।। पच्चंतियनिवईणं पासे संपेसिऊण निय' दूए । जाणावयंति एवं तेहिं वि म भीसिया एए ॥१९१०।। जह अम्हे निय पुरिसे पेसेउं नवनिवं भणावेमो । जइ सो न थक्किही तो अम्हे तुम्हाण पक्खम्मि ॥१९११।। सव्वे संवहिऊणं सव्वबलेणं समागमिस्सामो । तुम्हेहि अवट्ठभो मणं पि न परिच्चएयव्वो ॥१९१२॥ इय पच्चंतियनिवईण वयणमायन्निऊण मंडलिया । सव्वे वि विसेसेणं सावट्ठभातओ जाया ॥१९१३।। पच्चंतियनिवईणं दूएहि नवो नरेसरो भणिओ। कडयम्मि समागंतुं अत्थाण सहाए उवविट्ठो ॥१९१४।। जह अम्ह सामिएहि भणाएहि भणावियं तुम्ह सम्मुहं एवं । अम्हे दढ ण तए लग्गेयव्वं समग्गाण ।।१९१५।। मंडलियाण इमाणं मा भणिहह जन्न अम्ह अक्खायं । एयं भणिज्जमाणं निसुयं मंडलियदूएहिं ।।१९१६।। तत्थागएहिं पुव्वं ताण समक्खं निवाण ते दूया । अहिणवरन्ना भणिया तुम्ह पहहिं कयं जुत्तं ।।१९१७।। एयम्मि चेव समए अप्पा जाणाविओ जमम्हाणं । एक्केण पयासेणं ते वि जहा सिक्खवेमि लहं ॥१९१८।। सिग्घं एज्जह इन्हि तुम्हे अंगीकया मए सव्वे । पंचहि किंतु निवेहि न सिज्झए कि पि ॥१९१८।। अन्ने वि पंचसत्तयअत्तसमे मेलिऊण नरनाहे । समरम्मि ढुक्कियव्वं जह मज्झ वि पुज्जए कोडुं ।।१९२०।। इय भणिऊणं तेसि पच्चक्खं तक्खणे लिहावेइ । रायाएसं पच्छा मुक्कस्स नियस्स सचिवस्स ।।१९२१॥ हय-गय-रहजोहाणं अद्धं सेनं मए तुह समीवे । मुक्कं चिट्ठइ सव्वं पेसेयव्वं तए तमिह ।।१९२२॥ मंडलियाणं दप्पं झाडेउं अग्गओ वयंतस्स । पच्चंतियनिवसमुहं मज्झ जहा मिलइ तं सिग्घं ।। १९२३।। इय रायाएस जुए पेसेउं सिग्धसंढिए पच्छा। मंडलियाण निवाण य दूए वि विसज्जइ स कोवं ॥१९२४।। तत्तो अत्थाणाओ उठेउं गुड्डुरम्मि पविसेउं । छन्नं सहत्थलिहियं लेहं बीयंपि पटुवइ ।।१९२५।। तस्सेव य जा सिक्खा दिन्ना तेणासि पुव्वमेगते । निय नयराओ नीहरमाणेणं तम्मि अट्ठम्मि ।।१९२६।। तत्तो पयाणढक्कं दवाविळ झत्ति भोयणम्मि कए । देइ पयाणं पुरओ आवासइ जोवणं गंतुं ॥१९२७।। तस्सावासस्स पुणो दाहिणओ अत्थि गाउयंतरियं । एक्कं विसमं दुग्गं अप्पणयं पव्वयाडम्मि ।।१९२८।। वित्थिन्नं धन्निधण-तण-पाणियपउरयाए संजुत्तं । चित्तेण पतंपि गहियं वज्झागारेण पुण चत्तं ॥१९२९।। तो मंडलियनिवेहि विनायं निय मणे जहेसनिवो। कंटयचडियो चिट्ठइ जुज्झिस्सइ कयरणुच्छाहो ॥१९३०॥ तो मंतयंति मिलिउं मंडलिया निवइणो उ दूएहिं । जह अम्हे समकालं सव्वे संजुत्तथा होउं ॥१९३१॥ तेण समं लग्गेमो जुज्झेउं निच्छयं इय' करेउ। मंडलिया निवईहिं दूयमुहेहिं इमं भणिया ।।१९३२।। संवहिउं तुब्भेहिं सठाण ठिएहिं ताव गयव्वं । आगच्छामो अम्हे जाव समीवम्मि तुम्हाणं ।।१९३३।। न य ठाणं चइयव्वं न य गंतव्वं च सम्मुहं तस्स । पडियंतु सहेयव्वं अम्हे वि लहुं पि एसामो ।। १९३४।। मंडलिएहि वि दूए पेसेउं भाणिया निवा एवं । जह तुम्हेहि भणियं तह अम्हे आयरिस्सामो ॥१९३५॥ तुम्हेहिं वि झत्ति परं आगंतव्वं न जाव एयस्स । आगंतूणं सेन्नं पच्छिल्लं मिलइ अइवहुयं ॥१९३६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |