Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 92

सिरिमुनिसुव्वयजिदिचरियं
५९
खणमेत्तं पिन पावइ रन्ना सह दंसणं निवकलत्तं । कयसंकेओ थेवो तयंतिए संचरइ लोओ । १८७१ ॥ उवविस सयं पुनट्ठिए अत्थाणमंडवे गंतुं । सचिवो रज्जं चितइ गयाई इय काई विदिणाई ।। १८७२ ।। तत्तो दुइयपघोसो उट्ठविओ मंतिणा जह नरिंदो । कुट्टमहारोगेणं संजाओ गलियसव्वंगो ।। १८७३ ।। गंभीरो व थरोव निम्मलबुद्धी अहिगयकलो वि । नीसेससत्थपरमत्थजाणओ कम्मजोएण ।। १८७४ ।। जोव्वणणियम ण य मिच्छहिमाणस्स पबलयाए य । तव्विह जणवयणाणं उद्दीवणकारणाओ य ।। १८७५ ।। रज्जे अहिसेयं कारवेइ सो अत्तणो तओ मंती । लज्जं मोत्तूण नियं कुलक्कमं तह य पम्हसि ॥। १८७६।। अत्थामि निसीयइ विरइयअइपवरायनेवच्छो । सियछत्त चामराईरायालंकारपरियरिओ ।। १८७७ ।। तन्नयरनिवासिजणो सेसाण वि गामनयरमाईणं । लोओ आगंतूणं तं पणमइ दिन्नमंगलिओ ।। १८७८ ।। साहणियतंतवाला निओगिसामंतठक्कुराईया । पणमंत ढोयणेहि समन्निया ते समागतुं ।। १८७९ ।। अह पेसिऊण दूए मंडलिए भाणए नवो राया । आगंतुं मं पणमह जइ इच्छह अप्पणो रिद्धिं ।। १८८०।। सोऊण दूयवयणं मंडलिएहि तओ इमं भणियं । संवहिऊणं एमो गहिऊणं कि पि मंगलियं ।। १८८१ ।। इय भणिउं ते दूए नियपासे गोरवेण धारेंति । अह पेसिउं सदूए पसेप्परं सव्वमंडलिया || १८८२ ।। पुच्छति जहा तुब्भे कि काहिह नवयरस्स नरवइणो । गंतूणं पणमिस्सह किंवा नो एरिसं कहह ||१८८३ ॥ तो सव्वेहिं विभणियं तं पणमेउं न अस्थि अम्ह मणं । जइ तुम्हं सव्वेसि समुदाए निच्छओ होइ ।। १८८४ । तो एगोवरिकयं करेइ जइ सो तओ समग्गा वि । तुब्भे तं पडिगाहह तओ न सो तुम्ह पभवेइ ।। १८८६।। पडिवन्नं सव्वेहिं वि तेहि इमं पच्चयं करेऊण । देवप्फरिसाईयं नियपुव्वयसवहपुव्वं च ।। १८८६ ।। ते सव्वे संवहि ठिया तओ नियनिसु देसेसु । अहिणवनरिदद्या विसज्जिया तेहि भणिउमिमं ।। १८८७ ।। अम्हे कुक्कमागयन रिदवंसस्स चेव पाइक्का । तो तं चिय पणमामो न तुमं तस्सेव कम्मयरं ।। १८८८ ।। कम्म बिहु राया तुमंटिओ अप्पणावि तो अम्हे । पुव्वपुरिसक्क मागयनियदेसेकह न रायाणो ।। १८८९ ।। तो म्हं तुम्हं हि समपडिवत्ती न भिच्चपहुभावो । जइ एयं चिय जायइ तुज्झ थिरं तो तुमं लट्ठो ।। १८९० ।। तेसि मंडलियाणं सव्वेसि पासओ समागंतुं । सव्वे कहिति दूया अहिणवरायस्स तब्भणियं ।। १८९१ ।। सोऊण दूयवयणं संबुद्धो नियमणे नवो राया । चितइय जहा एए परोप्परं विहियसमुदाया ।। १८९२ ।। सव्वे वि हु मंडलिया मिलिया मह दुज्जया इमे ताव । पच्चतियरायाणो मिलति एयाण जइ कवि ।। १८९३॥ तो संप असे नियमेण उवद्दवंति तो एसो । होही गरुयअणत्थो एमेव ठिओ न संदेहो । । १८९४॥ तम्हा जह ट्ठिईए की उ इह अंबुवीचि नरनाहो । सव्वं पि जहा सुत्थं संजायइ तस्स पुन्नेहि ॥ १८९५ ।। अहं सयं पहूणं ठियाण पुव्विल्लयं पि माहप्पं । नीसेसं पि पलीयइ ससामिवचणजाणिय पावं ।। १८९६ ॥ अम्हं सेवयभावं चेव कुणताण जायए भद्रं । बहुनिवपरंपराएं आगयनिय सामिवंसस्स ।। १८९७।।
I
तुम काय तह कहवि जहा न को वि लक्खेइ । मज्झ कथं कूडमिणं अन्नह पच्छा वि माहप्पं ॥। १८९८ । न होइ तारि मह पुण्वं जह आसि गलियमाहप्पो । तो जीवंतो वि अहं होमि मयाओ वि होणयरो ॥। १८९९ ॥ माहप्पं अमुयंतस्स होइ मरणं पि धीरपुरिसस्स । भुवणे सलाहणिज्जं गयमाहप्पं न उण जीयं ।। १९०० ॥ इय चितिऊण पेस पुणो वि दूए तहेव सव्वेसि । मंडलवईण पासे सिक्खं दाऊण एरिसयं ।। १९०१ ॥ जह तुम्भे मा भणिहह एवं पच्छा न अम्ह जं कहियं । एसोहं तुम्हवरि चलिओ चिट्ठामि सिग्धं पि १९०२।। संपतो तुम्हाणं देसेस हवेज्ज तो समरसज्जा । जह जाणह सपमाणं तुब्भे अज्ज वि असिक विया । । १९०३ ॥