Page Text
________________
५८
अंबुवीचिरायाकाणग
सेवइ निवाण मज्झे कस्सइ एगस्स संतियं धूयं । परिणावइ सो मंतिप्पवरो तं अंबुवीचिनिवं ।।१८३८।। जह तज्जाओ पुत्तो रज्जधरो जायए पुणो कोवि । इयवच्चंते काले वुढ्डो मंतीगओ निहणं ।।१८३९।। तेण मरतेण तओ मंतिपए ठाविओ निओ पुत्तो । सो वि तह चेव रज्जं चितइ सव्वं पि अप्पवसं ।।१८४०।। जह सेलमइपडिमा निवसइ देवालयस्स मज्झगया। तह अंबुवीचि राया चिट्ठइ अत्थाण विणिविट्ठो।।१८४१॥ केवलपणाममेत्तस्स भायणं सेसयं समग्गंपि । रज्जफलं अणुभुंज्जइ सचिवो भोप्पो व्व देवउले ।।१८४२।। अह अन्नया य सचिवो भणिओ आसन्नसेवय'जणेण । एयस्स पिसियपिंडोवमस्स कि अंबुवीचिस्स ।।१८४३।। तुडभे कुणह पणाम निप्फलमेव य अकिंचि कारिस्स । तुम्हायत्तो सव्वो इह रज्जे वट्टए लोओ ।।१८४४।। तुम्हं चिय आएसं अवेक्खए न उण अंबुवीचिस्स। ता होह सयं चिय रज्जसामिणो मुयहभिच्चत्तं ॥१८४५।। इयपभणंतो पढमं सचिवेणं चाडुजंपओ लोओ। काऊण भीमभिउडि निवारिओ पणिउं एवं ।।१८४६।। जह जंपंता तुब्भे किच्चमकिच्चं न कि पि चितेह । सामित्तमत्थए कि हवंति सिंगाई काई पि ।।१८४७।। सासेण जस्स सव्वो रज्जजणो ससइ सो कह न राया । एत्तो वि परं अन्नं होइ कुणंताण अववाओ।।१८४८।। उचिवेण इमं भणिया ते सव्वे झत्ति संठिया मोणं । एवं गयाइं कइवय-दिणाणि पच्छा पुणो तेहिं ।।१८४९।। अन्नेसि पासाओ समए अन्नम्मि भाणिओ सचिवो। पुवुत्तमट्ठमेसो सोऊणं गमइ मोणेण ।।१८५०।। विनायं तेहि तओ जह एयमिमस्स कि पि निय चित्ते । पडिहासियं न अम्हे निवारिया तेण एएण ।।१८५१।। पुव्वणिरेहि सह तो मंतियमेएहि संपयं किं चि । सचिवस्स अम्हवणं सुहाइयं तेण नो रुट्ठो ॥१८५२।। तम्हा पुणो वि समयंतरम्मि भाणिज्जए समीवाओ। अन्नेसि केसि पिहु सचिवो पडिवज्जइ जहेयं ।।१८५३।। तो कम्मि वि पत्थावे अन्नयरेसिं पुणो वि केसि पि । पासाओ सो सचिवो भणाविओ जह बहू लोओ ॥१८५४।। तुम्ह गुणेहि रंजियहियओ जंपेइ एरिसं चेव । पडिबिंबवज्जियं जइ सचिवो रज्जं सयं कुणइ ।।१८५५।। तो लट्ठहोइ तहा अम्हाण मणोरहा वि पुज्जति । परमेवं तुम्ह पुरो न कोइ सक्कइ जणो वोत्तुं ॥१८५६।। अम्हे हि विजं एवं भणियं तं थरहरंतजीहाए । तुम्ह भएणं परमऽभणिएण न य निव्वुई लहिमो।।१८५७।। जइ तुम्हें पडिहासइ तो एवं कुणह अहव मा कुणह । सेसाण पुण जणाणं सुहं हविस्सइ इय कयम्मि ।।१८५८।। इय सोऊणं मंतीचित्तम्मि वि चितए तओ एवं । सवेसि पि जणाणं एगमयं ताव संजायं ।।१८५९।। भणिओ एएहिं अहं इमम्मि अट्ठ पुणो पुणो तम्हा । इन्हि मह कायव्वं केरिसमेवं निरूवेमि ।।१८६०।। जेसि अववायाओ संकेमि अहं सयं पि ते ताव । कारिति एयमट्ठ मज्झ समीवाउ सव्वे वि ॥१८६१।। रज्जाइं न कस्स वि सासणम्मि लिहियाइं होंति एयाई। जेण विवज्जासो वि हु इह अत्थे दीसइ जयम्मि ।। केसि पि बहुनरेसरपरंपराए समागयं रज्ज। हत्थाउ उत्तरंतं दीसइ दिव्वस्स जोएण ।।१८६३॥ केसि पि कम परंपरसेवा निव्वत्तयाण वि नराण । रज्जसिरीएइ अउव्व पुरिससंगूसुयमण व्व ।।१८६४।। तम्हा ढलिऊण सयं समागयं रज्जमेयमम्हाण । पाएण पेल्लिऊणं परिच्चयंताण न हु जुत्तं ।।१८६५।। भवियव्वमेरिसं चिय जइ पुण अम्हाण अत्थि इह समए । काऊण किपि छउमं करेमि एवं तओ इन्हि ।।१८६६। पच्चंतिथरायणो तहा महामंडलाहिवइणो य । आणाए मज्झ ठिया वट्टिस्संते जइ तहेव ।।१८६७।। तो लट्ठ एमेवयवहिस्सएणुक्कमेण पुरओ वि । अह किंपि विसुत्तिस्सइ तो कालुचियं करिस्सामो।।१८६८।। इय चितिउमन्नदिणे गिह मझे चेव धारिओ राया । सचिवेण न अत्थाणे निवेसिओ सो समाणेउं ॥१८६९।। अट्ठाविओ पघोसो एरिसओ तेण सव्वलोयम्मि । जं किर अज्ज नरिंदस्स देहे अपडुत्तणं जायं ॥१८७०।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |