Page Text
________________
सिरिमुनिसुव्वयजिणिंदचरियं अह नामकरणदियहे पुत्तस्स नियस्स तेण सचिवेण । वहुओ नरिंदलोओ निमंतिओ नायर जणो य ।।१८०५।। भुंजाविऊण सम्माणिऊण जह जोग्गयं समग्गं पि। मंती विसज्जइ जणं रायनिमित्तं तु सयमेव ॥१८०६।। भोयण-वत्थालंकारमाइयं सव्वमेव गिन्हेडं । वच्चइ नरिंदगेहे समप्पए तस्स नीसेसं ॥१८०७।। उचियं आलविऊणं सम्माणेऊण तं नरिंदो वि । मंतिं विसज्जइ गिहे नियकज्जरओ सयं होई ॥१८०८।। सचिवेण रायलोओ जया निमंताविओ तथा ते वि । दोनिवि जेट्टयुमारा निमंतिया तस्स जेट्टण ॥१८०९।। पडिसिद्धं आगमणं नियं विहेऊण उत्तरं कि पि । पडिवन्नं तु कणि?ण सो गओ तस्स गेहम्मि ॥१८१०॥ कडिदोरयगेवेज्जंगुलीयकडयाइगहिउमाहरणं । पडिकुप्पासं तह पुत्तजणणिजोग्गाई वत्थाई ।।१८११।। तत्थ य पणमंते मंतिनंदणे वालहारहत्थम्मि । अप्पइ तस्साहरणं तह पासे वड्डमहिलाए ॥१८१२।। पुत्तजणणीनिमित्तं समप्पए पवरपट्टवत्थाई। मंती वि तस्स (कय) भोयणस्स नरवइकुमारस्स ॥१८१३।। अइगरुयं सम्माणं पवराहरणेहिं कुणइ वत्थेहि । काउं उचियालावं तो नमिउं तं विसज्जेइ ॥१८१४।। कुमरस्स सचिवाण एवं पइ दियहं वट्टए महापीई । अह अन्नया य रन्नो जाओ अणियत्तओ रोगो ॥१८१५॥ एगो पहाण वेज्जो तं जाणइ तह गुणाथरो मंती। जणनिव्वुइजणणत्थं तहा वि सो अवसरं कुणइ ॥१८१६।। अन्न दियहम्मि राया सचिवेण समं करेइ मंतणयं । रोगेण मह सरीरं अईव विहुरीकयं इन्हि ।।१८१७।। ता थेवं चिय जीयं मज्झ इयाणि कहेह को रज्जे। अहिसिचिज्जइ दोन्ह वि जेटुकुमाराण मज्झाओ॥१८१८।। विनवइ निवं मंती कुसलत्तेणं कलाण रूवेण । चाएण विक्कमेण य दोन्नि वि कुमरा समा ताव ।।१८१९।। किंतु कणिट्ठो कुमरो लोयावज्जणगुणेण अब्भहिओ । रन्ना भणियं रज्जं पुनायत्तं न गुणवसगं ।।१८२०॥ पुरिसस्स गुणेहितो पसरइ कित्ती जणाणुराओ य । वेसविलय व्व धणीणं रायसिरी सरइ कयसुकयं ॥१८२१॥ मंती पभणइ नरवर ! पढम चिधं सउन्नपुरिसस्स । जंजणहिययावज्जणजणया दीसंति तस्स गुणा ।।१८२२।। राया जंपइ सच्चं सचिव ! गुणा होति पुन्नजोएण। किंतु परं पुन्नाण वि नाणत्तं दीसइ जणम्मि ॥१८२३॥ काइं वि पुन्नाइं जणे जणेति गुणरासिमेव पुरिसस्स। न उण लवं पि सिरीए सो सिरिमंतस्स अन्नस्स ।।१८२४।। गुणरहियस्स वि पासे गंतूण गुणी भरेइ नियमुयरं । पसुपाया वि हु पुरिसा पहुणो पुनहिं जायंति ॥१८२५।। जह अंबुवीचिराया तो मंती पुच्छए निवं सामि । को अंवुवीचि कहसो जाओ राया इमं कहह ॥१८२६॥ अह कहइ निवो नयरे एक्कम्मि इहासि कोवि नरनाहो । विक्कमपसाहियासेससूरसीमालमहिवालो॥१८२७॥ सेविज्जतो सविणयमन्ननरिंदेहि गमइ सो कालं । अइविउलं तस्स परं पुत्तो एक्को वि नहु अत्थि ॥१८२८।। सच्चो वाइयदेवाण दिन्नओवाइएहि बहुएहिं । जाओ एगो पुत्तो मुत्तिधरो किंतु सुन्नमणो ॥१८२९।। सो जंपिउं न याणइ जइ तिसिओ होइ वेइ तो अंबु । छुहिओ य विचि जपइ तो जायं अंबुवीचि त्ति ॥१८३०॥ नाम लोयपसिद्धं मूलिल्लं तस्स नाममवलत्तं । जोव्वणसमयाभिमुहो संजाओ जाव सो कुमरो॥१८३१॥ ताव सहस त्ति राया अवियक्कियजायसूलरोगेण । अइउक्कडेण कलुणं विलसंतो निहणमुवणीओ ॥१८३२।। सो अंबुवीचिकुमरो सचिवेणऽहिसिंचिओ तओ रज्जे । सीमालनंरिदेहिं विपणओ सर्वहिं आगंतुं ॥१८३३।। कारेऊणं पवरं सिंगारं अवसरम्मि आणेउं । उववेसिज्जइ निच्चं मणिमयसीहासणे राया ॥१८३४॥ रायालंकारजुओ उवरिधरिज्जंतधवलछत्तेण । वीइज्जतोसियचामरेहि रमणीकरग्गेहि ।।१८३५।। तं नमिऊण समग्गो नरिदसामंतमंडलियवग्गो। अत्थाणम्मिनिसीयइ कयंजलीनियनियट्ठाणे ॥१८३६॥ आएसो पुण कीरइ सव्वेहि वि तेहिं मंतिणा भणिओ। जह जोग्गयाए सव्वं-करेइ फेडेइ सो मंती ॥१८३७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |