Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 89

५६
कीरकथानकं
तम्मि पएसे दर्दू पुत्तं गयजीवियं सिणेहेण । हिययं फुडिऊण मयाइं दोवि विरसं रसंताई ।।१७७२।। तं तह दढ ण मए सदुक्खहियएण तं वणं चत्तं । गंतूण काणणंतरमवढिओ कीरगणमज्झे ।।१७७३।। एसो नियवत्तंतो तुज्झ मए साहिओ निवकुमार ! । इय कीरेणं भणिए पुणो वि तं पुच्छए कुमरो॥१७७४।। तं एरिसो वि पढिओ वाहस्स करे कह समारूढो। तो तस्स कहइ कीरो नियवासतरुस्स मूलम्मि ।।१७७५।। वल्लीसमुग्गमाओ पभिई ता जाव सो कुमारेण । कीओ वाहकराओ तस्स कए तो कुमारो वि ॥१७७६।। कारेइ कंचणमयं अइपवरं पंजरं सुवित्थिन्नं । तं तत्थ खिवेऊणं उचियाहारेहि पोसेइ ॥१७७७।। कुणइ य तेण समं सो रायकुमारो कहाउ विविहाओ। कत्थइ उचियम्मि खणे एवं कालम्मि वच्चंते अन्न दियहम्मि कीरो कुमरं हक्करिऊण आसन्नं । पुच्छइ जह तुह पिउणो तुज्झ समा केत्तिया कुमरा ॥ तेण भणियं जहेगो जेट्ठो कुमरोजेट्ठो कुमरो गुणेहि मम सरिसो। अन्ने अखमा लहुया गुणेहि जम्मेण य समग्गा कीरेण पुणो पुट्ठो कुमरो सो जेट्ठबंधवो तुम्ह। एग जणणीए जाओ किंवा जणणी विभिन्ना से ॥१७८१।। कुमरेण तस्स कहियं पुत्ता पंचेव अम्ह जणयस्स । ते कोर परं सव्वे जाया अन्नन्नजणणीए ।।१७८२।। कीरेण पुणो पुट्ठो कुमरो जह केण मंतिणा सद्धि । मंतेऊणं राया करेइ गरुथाइं कज्जाइं ।।१७८३।। कुमरेण तओ कहियं गुणायरो नाम चिट्ठए मंती । तेण सह सव्वकज्जं मंतेउं साहए राया ॥१७८४॥ कीरेण पुणो भणियं पीई सचिवस्स तस्स सह तुमए। किं जेटुबंधवेणं अहियथरा कहसु मे कुमर ।।१७८५।। साहेइ तस्स कुमरो पीइविसेसो तहाविहो तस्स। सचिवस्त न तेण समं नेय मए दोन्ह वि समोसो ॥१७८६।। तो भणइ वुढ्डकीरो किंपि निमित्तं तहाविहं सरिउं। तेण सह तए पीई कायव्वा कुमर अइनिबिडा ।।१७८७।। कुमरेण कीरवयणं तह त्ति पडिसज्जिऊण सचिवस्स। समयंसरम्मि जाए पुत्ते कहिऊण कीरस्स ।। १७८८।। नियपुरिसा पेसविया अभितारया गिहम्मि सचिवस्स । सकुसुम-तंबोलाइं गहिऊणं पवरवत्थाई ।।१७८९॥ वद्धावणयनिमित्तं सचिवस्स समप्पिऊण तं सव्वं । ते पुरिसा पभणंति य जह तुम्ह सुयं समुप्पन्नं ।।१७९०॥ सोऊण अज्ज कुमरो संजाओ अइ पमोयपडिपुन्नो। भणियं च अम्ह पिउणो रज्जस्स समुन्नई एसा ॥१७९१।। जं गरुयाणं पुरिसाण जायए संतईए परिवुढ्डी। रायदुइज्जनरस्स उ विसेसओ मंतितिलयस्स ।।।।१७९२।। तं सोऊणं मंती मणम्मि तुट्ठो अईव ते पुरिसे । सम्माणिउं विसज्जइ तम्मि दिणि जेट्ठकुमरस्स ।। १७९३।। दोण्हं पिय भज्जाणं मज्झाओ कोवमुवगया एक्का । तीसे गंतूण गिहे ठिओ कुमारो दिणं सयलं ॥१७९४॥ मन्नावंतो पच्छा निसीहसमए पसाइया एसा । तीए सहरइ सोक्खं अणुभूयं तेण कुमरेण ।।१७९५।। अह रत्तिजागरेणं निदाए परवसो पभायम्मि । सुत्तोसयलंपि दिणं संझाए उट्ठिऊण तओ ॥१७९६।। जेट्टो रायकुमारो सरीरआवस्सयं करेऊण । भोत्तूण दुइज्जाए पियभज्जाए समं रणि ॥१७९७।। अइवाहइ नीसेसं रहसोक्खपसत्तमाणसो तीसे। मणनिव्वुइकरणत्थं ईसा-दोसो व समहेउं ॥१७९९।। जायम्मि पभायम्मि तीसेय' सरीरकारणं जायं । तो तेण वग्गचित्तो संजाओ जेटुओ कुमरो ।।१८००। पासनिविट्ठो तीसे गमेइ दियह समग्गरयणि च । लहइ तओ सा निदं समुग्गयं तम्मि सूरम्मि ॥१८००॥ दिणरयणिजागरेणं संजायावेयणा सिरे तस्स । सुत्तो सयंपि पच्छा समुट्ठिओ तइयजामम्मि ॥१८०१।। जा भज्जाए सारं करेइ तासावि तम्मि समयम्मि । गयसव्वदेहबाहा समुट्ठिया एवमाईहिं ।।१८०२।। बहु कारणेहि वक्खित्तमणस्स न तस्स केणइ नरेण । मंतितणयस्स जम्मो निवेइओ जेट्टकुमरस्स ।।१८०३।। पच्छा नायम्मि वि तेण पेसियं किंपि नेय सचिवस्स । वद्धावणयनिमित्तं वत्थाईयं कुमारेण ॥१८०४।।