Page Text
________________
सिरिमुनिसुव्वयजिणिंदचरियं कीर कथानकमुच्यते-- एगम्मि महारने वणमझे अस्थि पायवो एक्को। गरुओ सरलखंधो साह-पसाहाहिं वित्थिन्नो ।।१६७५॥ गयणग्गलग्गसि हरो परोप्परं मिलियबहलदलपडलो। न खणंपि जस्स साहंतरेसु पविसंति रवि-किरणा।।१६७६। मणुयाण दुरारोहो कयाई नीडाई तत्थ आगंतुं । पंचहिं कीरसएहि सुहेण ते तेसु निवसति ॥१६७७।। आहाराइनिमित्तं चूयाइ वणंतरेसु भमिऊण । तत्थे व ठंति पुणरवि सीयायववाय-भयरहिया ॥१६७८।। इथ काले वच्चंते कयाइ रुक्खस्स तस्स मूलम्मि । वल्लीसमुग्गया तम्मि पायवे चडिउमाढत्ता ॥१६७८।। एक्को य ताण मज्झे चिट्ठइ कीरो अईव पोढमई । अन्न समयम्मि सा दिट्ठिगोयरे तस्स आवन्ना ।।१७८०।। तेण तओ ते भणिया मेलेऊणं सुया समग्गा वि । जह कोमलं पि तुब्भे वल्लि छिदेह लहु एयं ॥१६८१॥ अन्नह परिवड्ढंती पत्ता जरढत्तणं इमा तुम्ह । गरुयमणत्थं काही जस्स न पच्छा पडीयारो॥१६८२।। सक्को केण वि काउं तो तं पुच्छेइ सेसकीरगणो । कहसु कहं एइए अम्ह अणत्थो विहेयव्वो ।।१६८३।। तेण भणियं जहेसा परिवड्ढंती थुडस्सुवरि चडिही। खंधपएसम्मि तओ पोढाए तीए पयठाणं ।।१६८४।। आरोहताणं माणुसाण संपज्जिही तओ को वि । ठूण इमं उरि चडिउं गिन्हिसए तुब्भे ।।१६८५।। हसिऊण तेहि भणियं अच्चंतभयालुओ अहो तंसि । खोट्टेसि एरिसाइं भविस्साइं दीहाई ॥१६८६।। पढमुग्गयाय अज्ज वि एसावल्ली तओ पमाणम्मि। किं चडिही किं वा पुण सुक्किस्सइ को इमं मुणइ ॥१६८७।। जइ पुण आगंतूणं वणयरजीवो वि तोडिही एयं । इय सो हसिओ तेहिं काऊण ठिओ तओ मोणं ।।१६८८।। ता जाव सा समीवं पत्ता खंधस्सतो पुणो तेण । कीरेण सुया भणिया जह अज्ज वि किंपि नो नर्से ।।१६८९।। मिलिउं सब्वे तुब्भे खंडेह इमंसु तिक्खतुंडेहिं । तेहिं तओ पडिभणियं किमत्तियं अज्ज वि भयंते ॥१६९०।। जइया पेक्खिस्सामो कं पि चडतं मणुस्स मिह रुक्खे। तइया नीडेहितो उड्डिस्सामो गयणमग्गे ॥१७९१।। इय तेसि कीराणं वयणं आयन्निऊण सो कीरो। चितेइ जहा एए अबुहा तिरिय च्चिय वराया ॥१६९२।। उवएसस्स अजोग्गा कंठ-किलेसं करेमि तो कम्हा । एएहि सह मुहाए मोणं उचियमिह अम्हं ।।१६९३।। भवियव्वयाए दिळं जं किंचि तमेव एत्थ संभविही । इय चितिऊण त मज्झ संठिओ सो वि चिट्ठइ ॥१६९४।। अह अन्नया भमंतो वणम्मि एगो समागओ तत्थ । वाहजुवाणो धणुबाणसंजुओ तेण ते दिट्ठा ॥१६९५।। दूरट्ठिएण रुक्खंतरहे?निविट्ठएण तम्मि नगे। निवयंता तो चितइ सो वाहो एरिसं हियए ॥१६९६।। निहमि मग्गणेणं इमेसु जइ के पि एक्कयं तत्तो। सेसाण पडइ तासो तो जंति पलाइउं सव्वे ॥१६९७।। अह सो सर्वेसि चिय तेसि जुगवं पि संगहनिमित्तं । पासं पवणीकाउं तत्थेव ठिओ पडिक्खंतो॥१६९८।। ता जाव उड्डिऊणं तत्तो अन्नत्थ ते गया कीरा । आहाराईकज्जेण उठ्ठिउं सो तओ वाहो ॥१६९९।। गंतूण तम्मि रुक्खे तुंगम्मि वि जरढवल्लिठवियपओ। उवरि आरुहिऊणं नीडेसु निवेसए पासे ।।१७००॥ पच्चागया दिणंते पडिया पासेसु तेण ते सव्वे । आयड्ढिऊण पासट्ठिया वि नियमंदिरं नेउं ।।१७०१॥ पारद्धा ते कीरा मरणभओत्तत्थमाणसा सव्वे । जपंति वुड्ढकीरं जह जायं तुम्ह परिकहियं ।।१७०२।। तइया तुज्झ कहतस्स वि अम्हेहिं वि मूढबुद्धीहिं । न कयं भणियं संपइ पुणो वि ता छुट्टणोवायं ॥१७०३॥ अम्हाण कहसु कंचि वि झत्ति करेऊण परमकारुन्नं । जा अज्ज वि निक्करुणो एसो अम्हे न मारेइ ॥१७०४॥ तो भणइ वुड्ढकीरो संपइ मह कोवि न फुरइ उवाओ। जइया फुरिओ तइया कहिओ तुम्हं अपुट्ठो वि ।।१७०५।। इन्हि पुण तुम्हेहि समं निबद्धो अहं पि चिट्ठामि । एयम्मि महापासे वहिण कयंतसरिसेण ।।१७०६।।
www.jainelibrary.org
Jain Education International
For Private & Personal Use Only
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |