Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 83

कुबेरसचरियं
सम्मं निरूविऊणं अणूपम्वाए सरीरमियभणिजं । रूवेण लक्खणेहिं य संजुत्ता कन्नया एसा ।। १५७६ ।। उचिया परिणेउं नरवरस्स तस्स विय तेहि इय कहियं । हक्कारिऊण गणए रन्ना वि गणावियं सिग्घं ।। १५७७।। लग्गं विवाहजोग्गं तेहिं वि पंचमदिणम्मि तं कहियं । लग्गगणावणवत्ता तुम्हेहिं चिय इमा कहिया ।। १५७८ ।। जीसे कज्जम्मि कयो उवक्कमो एत्तिओ नरिंदेण । पडिसिद्धं परिणयणं जं तीसे तं महाचोज्जं ।। १५७९ ।। अब्भित'रया तुब्भे इमम्मि कज्जम्मि ताव नरवइणो । वच्चह पासम्मि सया जाणिस्सह कारणं तम्हा ।। १५८० ।। त्रिपुरिसेहिं भणियं जेत्तियमेत्तं तुमे वि याणेह । अम्हे वि तेत्तियं चित्र जाणामो न उण अब्भहियं ।। १५८१ ।। तो कन्नापुरिसेहि भणियं जह तुम्ह चेव पासाओ । निवउल मज्झसख्वं अम्हे वि वियाणिमो न सयं ।। १५८२ | रायपुरिसेहि भणियं नायं जं आसि तत्थ अम्हेहिं । तं कहियं तुम्हाण वि कहिए उ विवाहलग्गम्मि ।। १५८३॥ ओसारिऊण लोयं सेसमसेस पि मंतियं तेहि । रन्ना सचिवेण तहा सह जोइसिएहिं खणमेक्कं ।। १५८४ ।। पच्छावि सज्जिऊणं जोइसिए केवलेण सचिवेण । सह किं पि जंपियं पत्थिवेण सुइरं पबंधेण ।। १५८५ ।। अह तं पि विसज्जेउं रन्ना हक्कारिऊण अम्हाणं । दिन्नो आएसो जं अणूपम्वं नेह पिउपासे ।। १५८६ ।। अब्भितरयं पुण तत्थ कारणं किं पि नेयजाणामो । उद्देसेणं नज्जइ अमच्चवयणेणिमा चत्ता ।। १५८७ ॥ जोइसियाण वि वयणं संभाविज्जइ पयट्टमिह किंपि । पढमं चिय तेहि समं किचि जओ मंतियं तत्थ ।। १५८८ ।। एवं ते निवपुरिसे पजंपमाणे अणूपम्वा भगइ | अम्ह सहायाणमिमेसिमुत्तरं केत्तियं देह ।। १५८९ ।। जइ वाउलया एए कंठकिलेसं कुणंति फलरहियं । तो एएहि जहा कि तुम्हे चिय वाउला होह ।। १५९० ।। तीसे पिउपुरिसेहि पजंपियं एरिसं विसन्नेहि । किह अम्हे वाउलया न हवामो जे समाउं ।। १५९१ ।। एएण नरिंदे भरिया वायस्स जोयणसयद्धं । कारविया विहलं चिय खडफडं संबलखयं च ।। १५९२।। तत्तो अणूपवाए ते निय पिउणा नरा इमं भणिया । नीसेसं चिय तुम्हे अविमंसियमेव जंपेह ।। १५९३।। जम्हा नियगामाओ दिट्ठा तुम्हहिं एत्थ एंतेहि । मग्गे अणेगगामा अदिट्ठपुव्वा तहा नयरा ।। १५९४ ।। तह सुरलोयसमाणं सयलं पि पलोइयं इमं नयरं । हरिसउरं नामेणं निवासठाणं नरिदस्स ।। १५९५।। दिट्ठो इंदसमाणो नरनाहो तह इमो हरिसपालो : संबलए वि हु दिन्नं रन्ना तुम्हाण कणयसयं ।। १५९६॥ एवं अणूपम्वार जंपतीए वि रायपुरिसाणं । मज्झाओ एक्केणं ते तप्पुरिसा इमं भणिया । १५९७।।
५०
पुण अणूप वा पिउणो जाई अयाणमाणेण । न कयं परिणयणं नरवरेण इय अस्थि मह संका ।। १५९८ ।। तेहि त पडिभणियं उत्तमखत्तियकुलम्मि संभूओ । पट्टइलसूरपालो अम्ह पहू नज्जए पयडो ।। १५९९ ।। जम्हा पउमिणिनयरी नरिदअरिमहणस्स नत्तुयओ | सावक्कभाउएणं हयम्मि जणयम्मि एयस्स ।। १६००॥ जणणी गहिऊण इमं थणंधयं चेव पढमरयणीए । एगागिणी पलाणा मिलिया सत्थाहवरुणस्स ।।१६०१।। तेण समं संपत्ता एत्तियदूरम्मि धन्नउरगामे । उपन्नजरे पुत्ते निवायगेहं गवेसंती ।। १६०२ ।। पट्टइलजोगपालस्स मंदिरे आगया तओ तेण । दठ्ठे सा परिपुट्ठा कहियं तीए रुयंती ।। १६०३ । सघं पि निसरूवं तेण वि संजायगरुयकरुणेण । सा धूया पडिवन्ना सगोरवं धारिया सगिहे ।। ९६०४।। जाओ तो निरुओ कइवयदियहि सूरपालो सो । पट्टइलजोगपालो जणणीए सूरपालस्स ।। १६०५ ।। आवज्जिओ सभज्जो सपरियणो विणयवित्तिकरणेण । तह कह वि जह चिट्ठइ तन्नामग्गहणलग्गो सो ।। १६०६ ॥ पासइ य सूरपालं नियपुत्ताओ वि अहियनेहेण । सो वि विणीयत्तणओ सुवल्लहो सव्वलोगस्स ।। १६०७।। सो कमसो वड्ढतो दुइज्जठाणम्मि अत्तणो विहिओ । पट्टइल जोगपालेण कम्माणत्तं मुणेऊण ।। १६०८ ।।