Page Text
________________
सिरिमुनिसुव्वयजिणिदचरियं
जम्हा जो च्चिय' दोसस्स कारओ होइ एत्थ सो चेव । निग्गहणिज्जो रन्ना सव्वकुडुंबस्स मज्झाओ ॥१५४३॥ लोए वि हूँ एसो च्चिय सुव्वइ आहाणओ जयपसिहो। जत्थेव होइ दोसो अक्कोसो पडइ तत्थेव ।।१५४४॥ अंगमवंगं वा किं पि सव्वदेहस्प मज्झयारम्मि । ज चि य अहिणा दटें छिज्जइ तं चेव छएहिं ।।१५४५।। तम्हा तीसे पुत्तो उप्पज्जिस्सइ कया वि कि नेथ । उप्पन्नो वि समत्थो कया वि होही अह न होही ॥१५४६।। संजाओ वि समत्थो अम्हेहि समं करिस्सइ विरोहं । सो किं वा न करिम्सइ इच्चाइ ससंसए पक्खं ।।१५४७।। इन्हि चिय कह एयं इत्थीवहसंभवं महापावं । वरसंतिअणुठेमो सत्थे वि इमं जओ भणियं ।।१५४८।। तिन्नि महापावाइं इमाइं सज्जो फलंति पुरिसाण। इत्थिवहो बालवहो तइओ नियसामिणो दोहो ॥१५४९।। जम्मि समयम्मि होही अवयारी अम्ह नंदणो तीए। पडियारो कायव्वो तहाविहो को वि तइया वि ।।१५५०।। संवच्छरपज्जते जस्स सरीरे भविस्सर रोगो । इन्हि चिय सज्जंगो कह सो कड्ढाइयं पियइ ॥१५५१॥ अह मंती नाऊणं नरिंदहियवस्स निच्छयं त्वं । अन्नमुवायं परिचिंतिऊण नियभणियअट्ठस्स ।। १५५२॥ विन्नवइ निवं एवं तुम्ह मई देव ! निउणगंभीरा । धम्माणुगया य तहा परिणामसुहावहा चेव ।।१५५३।। अम्ह मई विवरीया पमाणमिहदेव ! तुम्ह आएसो। अह तं विसज्जिऊणं मंति राया हरिसणलो ॥१५५४।। हक्कारिऊण पुरिसे सयं निउत्ते अणूपम्वा पासे । आइसइ पट्ठइलसूरपालधूयं पुणो नेउं ।।१५५५।। तस्सेव समप्पह सिग्घमेव गंतूण धन्नउरगामे । रायाएसं पडिवज्जिऊण ते उट्ठिया तत्तो ॥१५५६।। कहियं गंतूण अणूपम्वाए सव्वं प तेहि निववयणं । तीए वि चितियं नियमणम्मि जइ एरिसं रन्ना ॥१५५७॥ भणियं मज्झ समीहियमेव तओ तेण निम्मियं एयं । जेणंतेउरगुत्ती निरोहदुक्खाउ छट्टाहं ॥१५५८ ।। इय चितिऊण भणियं पयडं पुरओ नरिंदपुरिसाण । दिन्नो जो वि नरिंदेण को वि अम्हाण आएसो ॥१५५९।। सो चि य सीसस्सुवरि पढमं चि य आसि एरिसं नायं । नियगामाओ वि मए एत्थाभिमहं चलंतीए ॥१५६०।। कि चिट्ठति क्याई एत्तिय पुन्नाई अन्नजम्मम्मि । अम्हेहिं जेण राया परिणिस्सइ अप्पणा अम्हे ॥१५६१॥ कत्थ इमो नरनाहो अणेगसामंतपणयपयकमलो । कत्थाहं कोडुंबियकन्ना गामम्मि वत्थव्वा ॥१५६२।। तम्हा दुग्घडमेयं जं होमि अहं इमस्स किर कंता । को मज्झ इह विसाओ लब्भइ दिन्नं नियं चेव ॥१५६३॥ एत्तो च्चिय जणणीए मज्झ मए सह तओ चलंतीए। संजाओ अवसउणो झडत्ति केणइ पुरो छीयं ।।१५६४।। संपइ बंधवतुब्भे नियभइणीए ममोवरि करेउं । अइगरुयं कारुन्नं नेउं मं मुयह पिउपासे ।।१५६५।। नियपडिवज्जाए वि हु होइ इमं ताव तुम्ह करणिज्जं । सयमेव नरिंदेणं दिन्नाएसे विसेसेणं ॥१५६६॥ अह रन्नो पुरिसेहिं सविसायं जंपियं इमं वयणं । समहं अणूपम्वाए एत्थ वि को भइणि संदेहो ॥१५६७॥ एसो मणम्मि खेओ अम्हाणं वट्टए अइमहंतो । जं पत्तं पि हु चत्तं रन्ना पत्तं तुह सरिच्छं ।।१५६८।। इय मन्नामो अन्नो को वि सउन्नो नरो इह महीए । अम्ह पहुणो वि पासाओ अत्थि जो तुह वरोहोही ॥१५६९।। जे पिउपेसियपुरिसा अणूपम्वाए सहागया तत्थ । तेहिं नरेसरपुरिसा पुट्ठा विम्हिइयहियएहिं ॥१५७०।। जह भो? तुब्भेहिं इमं विन्नायं कि पि कारणं जेण । रन्ना न हु परिणीया अणूपम्वा कन्नगा एसा ।।१५७१।। संपेसिऊण तुब्भे एत्तियजत्तेण जा इहाणीया । अइगरुयसंभमेणं आवासो दाविओ जीसे ।।१५७२।। तुम्ह करे अप्पेउं संवलयं पेसियं तहा तुब्भे । आइट्ठा जह राओ दिया य तत्थेव ठायव्वं ।।१५७३।। सयमिहआगंतूणं पलोइया साहिलासदिट्ठीए । आलविया ससिणेहं अणूपम्वा पत्थिवेण जहा ॥१५७४॥ तं तुम्हाण वि सव्वं पच्चक्खं चिय तह निवाएसा। पुरिसित्थीलक्खणजाणएहिं एत्थेव आगंतुं ॥१५७५।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |