Page Text
________________
कुबेरदत्तचरियं
आणावियासि तेहि वि नरिंदपुरिसेहि तत्थ गंतूणं । गेहे अणूपम्वाए निर्वादिनं अप्पियं कणयं ।। १४७७ ।। कहियं च सव्वमेव यती से पुरओ नरिदसंदिट्ठे । परितुमणा जाया अणूपम्वा तक्खणे वि तओ ।। १४७८ ।। दिवस ओ या वि अणूपम्वाए आवासे । एतं दट्ठूण निवं समुट्टिया आसणाओ तओ ।। १४७९ ।। सिग्घं अणूप वा जवणिया थोवं तिरोहिओ अप्पा । तीए तओ नरिंदो पल्लंके पुव्वठवियम्मि ।। १४८० ।। विट्ठतं दन्नं इय जंपए सुयणु ! एहि । किं तुज्झ पेइयहरे एरिसओ चेव आयारो ।। १४८१ ।। जं पाहुणम्मि समागम्म गम्मइ पलाइउं दूरे । इय निवभणियम्मि इमा सहायपुरिसेहि भणिऊण ।। १४८२ ॥ आणीया नरवइणो समीवदेसम्म तो करेऊण । अंगुट्ठि उवविट्ठा रत्ना संभासिया एसा ।। १४८३ ।। तुह मुह दंसणहे अम्हे एत्यागया मयंकमुहि ! । तं पुण न पेक्खसे अम्ह सम्मुहं नमिय मुहकमला ।। १४८४ । । पास ट्टिएहिं भणिया पुरिसेहिं तओ नरिदेवयणस्स । सणियं सणियं सम्मुहमवलोयइ सा वि खणमेकं ।। १४८५ ।। राया लोणजुयलं तीसे वियसियसरोयदलदीहं । सरलं नासावंसं बिबीफल सरिसमहरं च ।। १४८६।। हत्थे असोयपल्लवतुल्ले कुम्मु व्व उन्नए पाए । पयडे पलोइऊणं सेसंगं वत्थठइयं पि ।। १४८७।। संठाणविसेसेणं दिट्ठा वयणाणुसारओ तहय । निरुवमख्यं नाउं विम्हइओ चितइ मणम्मि || १४८८ ।। उभडसिंगारविवज्जिया विदिट्ठा मणं विमोहेइ । जइ ताव इमा तो कर्यासिंगारा केरिसं करिही ।। १४८९ ।। तस्सेव य रज्जकल तस्सेव य मणुयजीवियं सहलं । तस्सेव य विसयसुहं जस्सेसा जायए जाया || १४९० ।। इच्चाइ चितिऊणं मयणवसाउलमणो खणं राया । नियबीडयं पयच्छइ तीसे कप्पूरदलकलियं ।। १४९१ ।। अव्वत्तजंपिरीए लज्जा पूरिज्जमानहिययाए । तीए सह काऊणं जहोचियं कं पि आलावं ।। १४९२ ।। राया समुट्ठिऊणं नियपासाए पथाइ तत्थ गओ । हक्कारिऊण पभणइ नारी लक्खणविऊपुरिसे ।। १४९३ ।। गंतून अणूपम्वकन्नगाए देहम्मि लक्खणं नियह । जोग्गा नरिदभज्जत्तणस्स किं वा अजोग्गा सा ।। १४९४ ।। गंतूण तेहि सम्मं निरिक्खिऊणं अणूपम्वादेहं । आगंतूणं कहियं रनो जह अत्थि जोग्गत्तं ।। १४९५।। तीसे नरिंदभज्जत्तणम्मि तह सा जणिस्सए पुत्तं । अइयपयाववंतं पुहईए पसाहगं पवरं । । १४९६ ।। सम्माणिऊण रत्ना विसज्जिया ते पहिट्ठचित्तेण । हक्कारिऊण पुट्ठा विवाहलग्गं तओ गणया ।। १४९७।। गणिऊण तेहि लग्गं कहियं पंचमदिणम्मि नरवइणो । रायामच्चेण तओ पुणो वि ते पुच्छिया एवं ।। १४९८ ।। परिणीयाए इमाए कन्नाए अणुपत्राभिहाणाए । अम्ह पहुणो भविस्पर कल्लाणपरंपरा पुरओ ।। १४९९ ।। पुच्छालग्गस्सुवरिं जोइसिएहिं तओ समग्गेहिं । परिभाविऊण भणियं निवपच्चक्खं अमच्चपुरो ।। १५०० ।। परिभाविताणं जोइसम्म जं किं चि एइ सुहमसुहं । तं अम्ह कहं ताणं रुसियव्वं नेय तुम्हहिं ।। १५०१ ।। सचिवेण त भणियं जोइसदिट्ठ जहट्टियं तुम्ह । निम्मलमणभावाणं को अवराहो कहंताणं ।। १५०२ ।। तो तुम्भे नीसंका होऊणं कहह जह परिन्नायं । रन्नो वा अन्नस्स व मा कुणह भयं परिकहंता ।। १५०३ ।। तेहि त जोइसजाणएहि रनो पलोइयं वयणं । तो रन्ना वि तह च्चि य ते भणिया जह अमच्चेण ।। १५०४ ।। सेसाण सम्मएणं जोइसियाणं कहेइ तो एक्को । अन्ने सव्वे वि गुणा तीसे दोसो इमो एक्को ।। १५०५ ।। एईए जो पुत्तो भविस्सए सो इमस्स नयरस्स । रायाणं हणिऊणं हढेण गिन्हिस्सए रज्जं ।। १५०६ ।। पुण पुट्ठा ते रन्ना एयस्स पुरस्स सामिणो तस्स । किं नाम जं हणिउं एईए सुओ निवो होही ।। १५०७ ।। जोइसिएणं भणियं नाम न मुणिज्जए विसेसेण । सामन्नेणं नज्जइ हरिसउरा हिवइभावेण ।। १५०८ ।। रन्ना भणियं नज्जइ नाम विसेसो कहं वि जइ तत्तो । जइ अम्ह बायगो सो अणूपम्बं तो न परिणेमि ।। १५०९ ।।
Jain Education International
For Private & Personal Use Only
४७
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |