Page Text
________________
साहेति तस्स पुरओ समागया देव सूरपालस्स । पट्टइलस्स अणुपम्व नामा वरकन्नगा एत्थ ।।१४४६॥ रन्ना ते परिपुट्ठा सा संपइ कम्मि चिट्ठए ठाणे । साहेति ते वि जह सा निवसइ देवस्स वावीए ।।१४४७॥ पुण पुच्छिया निवेणं ते पुरिसा (एव) संपया तीसे। तुम्हेहि पेक्खिया केरिसि त्ति तो तेहि परिकहियं ।। अम्हेहि देव दिट्ठा जाओ काओ वि एत्थ इत्थीओ । रूयवईओ पुहईयलम्मि ताणं समग्गाणं ।।१४४९।। रूवेण समन्भहिया अणूपम्वा कन्नगा इमं अम्हे । जाणामो एयं पुणं सक्केमो पभणिउं नेय ॥१४५०।। जह एरिसया अन्ना संपइ नारी न विज्जए तिजए। जइ पुण का वि अदिट्ठा अम्हेहि वि अत्थि रूयवई । पेक्खिस्सइ देवो विहु सयं पितं संपयं चिय तओ किं । कीरइ दप्पणदंसणमाबद्धे कंकणे हत्थे ॥१४५२।। तो रन्ना ते पुरिसा भणिया गंतूण इय भणह तुब्भे। नयरारक्खं वयणेण मज्झ जह तं निएऊण ॥१४५३।। कत्थइ नयरस्स बहि मज्झे वा संगयं समावासं । अप्पह अणूपम्वाए तेण तओ दंसियावासे ।।१४५४।। तं तत्थ ठवेऊणं तुब्भेहिं झत्ति मम समागंतुं । कहियव्वमेरिसं तो तेहिं तह च्चिय करेऊण ।।१५५५।। आगंतूण कहियं नरवइणो तेण ते पुणो भणिया। नियनियगिहेसु भोत्तु तुब्भेहि तत्थ गंतूण ।।१४५६।। निच्चं पि चिट्ठियव्वं तीसे पासे दिया व राओ य । तुब्भेहिं परिचिएहिं तत्थ ठिएहिं जहा तीसे ।।१४५७।। अरई न होइ चित्ते जंतीसे किं (पि) जायए कज्जं । तुम्हेहिं वि कायव्वं तं सक्कं जं पुण असक्कं ।।१४५८।। तं मम आगंतूणं कहियव्वं तो इमं निवाएसं । पडिवज्जिऊण सव्वं तह चेव कुणंति ते निच्च ।।१४५९।। निवइनिउत्ता पुरिसा गंतूण अणूपम्वाए पासम्मि । रायाइकहाईहि कुणंति सययं मणविणोयं ॥१४६०॥ सा वि पइवासरं चिअ अग्रूपम्वा कयसरीरसक्कारा । तेहि समं कुणमाणी विविहकहाओ गमइ दियहे ।। से निवनिउत्तपुरिसा कया वि एवं भणंति हासेणं । सम्मुहमणूम्वाए जह अम्हे तुज्झ पिउगामे ।।१४६२।। पन्नासजोयणाई गंतूण तुमं तओ गहेऊण । एत्थागया इयाणि दिया य राओ य तुह सेवं ॥४६३। कुणमाणा चिट्ठामो परिणेही ता तुम जाया राया। होहिसि नियमेण तया नरवइणो तं पसायवई ।।१४६४।। तो अम्हाण पसायं कुणसि तुम कंपि तम्मि समयम्मि । कि वा नो परियाणसि दिट्ठ वि हु दिट्ठिपासम्मि ।। सा पभणइ ते पुरिसे मज्झ पसाएण जइ नराहिवई । देही एगं गामं तो तुम्ह चउन्ह वि जणाणं।।१४६६।। भूमि एगेगहलस्स तम्मि गामम्मि नियमओ दाहं । दाणिरहियं पसाएण वत्थजुयलं तहेक्केकं ।। १४६७।। जइ पुण दोन्नि लहिस्सं गामे तो पुव्वजंपियं सव्वं । दुगुणं पि पयच्छिस्सं तुम्ह अहं इह न संदेहो ।। १४६८।। एवं चिट्ठताणं सत्तट्ठगयाइं ताण दियहाइं । राया अन्नन्नपओयणेहिं अइवाउलत्तेण ।। १४६९।। गंतुं तत्थ न पारइ कन्नाए अणूपम्वाए आवासे । तो तीए नरनाहो तेसि पुरिसाण पासाओ ।।१४७०॥ एवं भणाविओ जह कज्ज अम्हेहि नत्थि जइ तुम्ह । तो सिग्घं पि विसज्जह अम्हे जामो जहा गामं ।।१४७१।। पाइक्का वसहा विय ससंदणा निरूवओगमेवेह । चिट्ठति कुणंता संबलस्स हाणिं अहं च तहा ।।१४७२।। इय गंतणं कहियं पूरिसेहिं तेहिं निवइणो पूरओ। तेण तओ तेसि चिय पासम्मि सुवन्नसयमेगं ।।१४७३।। संपेसियं निमित्तं तीसे तह भाणियं च एरिसयं । कज्जाउलत्तणेणं ठिओ अहं एत्तियदिणाणि ।।१४७४।। इन्हि जइ कज्जाणं सयाई बहुयाइं संभविस्संति। तह विय दिणदुगमज्झे तित्थाहं आगमिस्साम ॥१४७५।। चित्तम्मि का वि अधिई नियम्मि न तओ तए विहेयव्वा । दूरढाणाउ तुमं केण वि कज्जण एत्थ मए ॥१४७६॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |