Page Text
________________
कुबेरदत्तचरियं
कुमरेण तओ सीसे हत्थे आरोविऊण इय' भणियं । चिट्ठामि कहासवणुक्कुंठियहियओ कहह तुन्भे ।।१४१६।। तो कहइ मुणी वि जहा इहेव विजयम्मि अत्थि वरनयरं । हरिसउरं नामेणं अमराण वि जं मणोहरणं ।। नामेण हरिसपालो पालइ नीईए तं पुहइवालो । विक्कमगुणसंपन्नो निट्ठविया सेसपडिवक्खो। ॥१४१८।। अंतेउरप्पहाणा देवी तस्सऽस्थि हरिसमइनामा । नियगुणरूवाइगुणेहिं देवीण विहरइ जा गव्वं ।।१४१९॥ ताणं जाओ पुत्ता सिरिहरिसो नाम हरिससंजणओ। जणयाणं सेसाण वि जणाण नयणेहिं दीसंतो॥१४२०।। सिरिहरिसपालरन्नो समए अन्नम्मि निययदेसस्स । मज्झाओ आगंतुं पणिही पुरिसेहि परिकहियं ।।१४२१।। जह अम्हे देवेणं आसी नियमंडलस्स मज्झम्मि । सयलसरूवियाणणकज्जेण निरूविया पुत्वं ।।१४२२।। पइगामं पइनगरं परिब्भमंतेहि देव ! अम्हेहिं । अन्ननेहि मिसेहिं लोएण अलक्खियं तेहिं ।।१४२३॥ धन्नउरनीमगामे भवणे पट्टइलसूरपालस्प । दिट्ठा एगा कन्ना अणनसाहारणगुणोहा ॥१४२४।। रूवेण पुण रइं पि हु लज्जावंती सयं सलज्जा वि । सयलित्थि लक्खणेहिं संजुत्ता पसत्येहिं ।।१४२५।। इन्हि जोव्वण पत्ता जस्स वि तस्स वि य अप्पसरिसस्स । तो निच्छएण दाही तज्जणओ सूरपालोतं ।।१४२६।। देवस्सेय जोग्गा सा परिणेउं तओ समाणेउं । देवो परिणेउ सयं तं कन्नं मा विलंबेउ ।।१४२७।। तन्वयणसवणसमणंतरं पि संजायगरुयअणुराओ । राया पेसइ पुरिसे राया सं समप्पेउं ।।१४२८।। धन्नउरनामगामे पासे पट्टइलसूरपालस्स । तं कन्नं पत्थेउं समप्पिओ तेहि गंतूण ॥१४२९।। तत्थ सिरिहरिसपालाएसो गामाहिवस्स हत्थम्मि । कहियं च रायवयणं अइहिट्ठणं तओ तेण ।।१४३०।। भोयण-न्हाणाईओ ताण कओ गोरवो अइमहंतो । हक्कारिऊण गामस्स लेहयं दंसए तस्स ।।१४३१॥ रायाएसं तं वाइऊण सो तस्स साहइ तयत्थं । जह आणावइ राया निरिक्खिउं कन्नगं तुज्झ ।।१४३२।। अह सो भज्जाए सह काऊणं मंतनिच्छयं पच्छा । संवाहइ तं कन्नं अणूपम्व सह सजणणीए ॥१४३३। तज्जणणीए तिहुयणदेवीए सगडमारुहंतीए। केणावि सम्मुहं चिय' झडत्ति छीयंतओ एसो ॥१४३४॥ अवसउणो एस महल्लउ त्ति नाऊण नियमणे भीया। पच्छा नियत्तिऊणं गिहे पविट्ठा ठिया जंती ।।१४३५।। धूया अणुपम्वा पुण पिउणा संपेसिया विहेऊण । वत्थाइसंवाहं आरोहेऊण वरसगडे ॥१४३६।। तीए सह पट्टविया एगा कम्मायरिया तहा चउरो । पाइक्का आउहपाणिणो य बहुदिन्नसंवलया ।।१४३७।। सम्माणिऊण रन्नो पुरिसो तेसि भलाविया एसा । भणिया य ते णि मं ते विसज्जए जइ इमं राया। तो कुलसेणिह पत्ता जह होइ इमा तहा करेयव्वं । तुम्हेहि मए एसा समप्पिया तुम्ह निय थवणी ।।१४३९।। सह एईए य अहं पि संपयं एमि तत्थ परमेत्थ । संजायविसंवाया कुडुंबिया के वि चिट्ठति । ।।१४४०।। संबोहिज्जति न ते जइ संपयमेव तोसमच्चलिउं । दोण्ह वि पक्खाणं बहुकुटुंबिया जति अन्नत्थ ।।१४४१।। तो तो संबोहेउं अहं पि पट्टीए आगमिस्सामि । जइ किंपि दिव्ववसओ अन्नं पि न जायए विग्धं ॥१४४२।। अह ते नरिंद-पुरिसा अणूपम्वं कन्नगं गहेऊण । सिग्घपयाणेहि गया नयरे हरिसउरनामम्मि ।।१४४३।। नयरासन्नपहाओ पुरओ होऊण निवइणो पुरिसा । 'निववावीदेसपासे कन्नं मोत्तुं पुणो ते उ ॥१४४४।। जंति नरिंदसमीवे दट्टण नरेसरेण दूराओ। आलत्ता सपमोयं ते पुरिसा पणमिऊण निवं ॥१४४५॥
१ निववावीए सहट्ट सह कन्नाए गहेऊण (इति पाठान्तरे)
Jan Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |