Page Text
________________
सिरिमुनिसुव्वयजिणिदधरिवं वित्थरिए तमपसरे सामलवन्नो समिद्धिमणुपत्तो । को वा न लहइ लच्छि उदयं पत्ते सपखम्मि ।।१३८३॥ सव्वत्तो वियरिओ तुसारकरतारतारयानियरो । नहमंडले विरायइ तमालदलसामलच्छाए ।।१३८४।। गयणमणि परिणटुं अन्नसंतीए गयणलच्छीए । चंकमणसमभिन्न व्व बिदुणो सेयसलिलस्स ।।१३८५।। कालेण मालिएण व खित्तो वरसेयकुसुमपब्भारो । उत्ताण परिसएरंडपत्तपिहियम्मि पट्टम्मि ।।१३८६।। नहमंडललच्छीए नाउं मयलंछणस्स आगमणं । सियवन्नेण विरइओ कुसुमसमूहेण पयरो व्व ।।१३८७।। मरगयपत्ते हारं व पोइउं मोत्तियाइं खित्ताइं । सामाए भामिणीए मयंकदंसणसयन्हाए ।।१३८८।। इयभीसणंधयारे वियरंते सयलभुवणवलयम्मि। भीयं व तं अरन्नं जायं सव्वं पि अइनिहुयं ।।१३८९।। नगसाहागयविहगं पसुत्तनीसेसपायवसमूहं । नियनिलयनिलुक्कसमग्गवणयरप्पाणिसंघायं ॥१३९०।। परिचत्तसत्तसंचारमुवरयासेससहसंदोहं । घोरइ व घोरघग्घरघूयडघोसेहिं कयनिदं ॥१३९१।। नियमुहकुहरपविट्ठ भुवणं दट्ट ण इय समग्गं पि । पडियतारादसणो हसइ व तमरक्खसो हिटो ।।१३९२।। निव्वत्तियनियकिच्चो साहू सज्झायवावडो होइ । कुमरो वि समागंतूण पणमिउं तस्स साहुस्प ।।१३९३।। पासम्मि निसीयइ जोडिऊण नियपाणिपंकयाण जुयं । साहू वि तस्स नाउं सुस्ससं कहइ धम्मकहं ॥१३९४॥ धम्मकहं कहमाणस्स तस्स मुणिणो मुहं अपाते। रायकुमरे तिमिरप्पसरेण तिरोहिया ताहे ।।१३९५।। तस्स प्पगासहेउं व उग्गओ तिमिरमवहरइ राया। तस्सागमणे अप्पाणमुज्जलं कुणइ रयणी वि ।।१३९६।। पडिबुद्धेण (व) मुणिदेसणाए चंदेण झत्ति मुक्काइं । चंदुज्जय'? बंधाओ सव्वाइं वि भमरवंदाइं ॥१३९७।। बंधविमोयणसंजायहरिसभरनिब्भर व्व भमरगणा । गुंजियमिसेण ससिणो कुणंति गुणमंडलग्गहणं ।।१३९८।। जुन्हादुद्धपवाहेण ससहरो सयलमंबरं झत्ति । पक्खालिऊण धवलं करेइ घणतिमिरमसिमलिणं ।। १३९९।। छुहियाण चओरविहंगमाण सकुडुंबयाण व जहिच्छं । दिन्नं ससिणा पीऊसपाणमणियंतित्तिकरेण ।।१४००। निवडतदुद्धधारा संकाए मुद्धभुयगपोएहि । पिज्जइ जुन्हा अविवन्नतन्हमुत्ताणि य मुहेहि ॥१४०१।। ससिकर संवलियाणं मलिणाण विधवलिमा समुल्लसइ । उत्तमगुणाण संगेइविगुणो वि गुणित्तणं लहइ।।१४०२।। पारयरसेण पक्खालियं व खडियारसेण सित्तं व । जायं जयं पि जुन्हा धवलं फलिहेण घडियं व ॥१४०३।। कागी नियभत्तारं बगसंकाए परिच्चएऊण । तं सदं तं सद्देण जाणिउं पुण समल्लियइ ॥१४०४।। पत्थुयकहावसाणे कुबेरदत्तो पुणोवि पणमेउं । विन्नवइ जोडि (य) करो तं मुणिमेवं विणयजुत्तो ।।१४०५।। तुम्ह समीवम्मि मुणिदपुच्छिउं कि चि अत्थि मह वंछा । निद्दावयण परिस्समपीडा तुम्हं जइ न होइ।।१४०६।। तो तुम्हाएसेणं पुच्छामि तओ मुणी कुमरमाह । निद्दा-पमायमज्झे वज्जेयव्वा तओ एसा ।।१४०७। मणिवसहेहि निच्चं अह कीरइ तो निसाए जामदुगा। उवरि जामो एगो कायव्वो न उण पुरओ वि ॥
सज्झायपरायणाण साहण। क्यणस्समो विविडिओ पहरो इन्हित किंचणो॥१४०९।। पढमो गओ निसाए ता पुच्छ जहिच्छमप्पणोऽभिमयं । इय साहुणा पभणिओ पुच्छइ तं पमुइओ कुमरो। भयवं ! कहेह एवं मज्झ करेऊण अइगुरुपसायं । कम्माइं बलियाई किं वा बलिओ पुरिसयारो ।।१४११। अह साहुणा पभणियं कुमार ! दोन्नि वि इमाई वलियाई। नियनियठाणम्मि तओ बलियत्तं दोन्ह वि समाणं ।। कम्मऽणुरूवो जम्हा ववसाओ होइ सव्वजीवाणं । ववसाएण य कम्म जीवस्स जणिज्जए नूणं ।।१४१३।। सिद्धते वि हु भणियं बलियत्तं कम्मपुरिसयाराणं । अन्नोन्नं संजायइ कस्स वि कइया वि अबलत्तं ।।१३१४। एयम्मि वइयरे तुह अक्खेमि कहाणयं जहा सम्मं । परिणमइ तुज्झ एसो अट्ठो सव्वो मए कहिओ ॥१४१५।। १. तं दुज्जय बंधाओ पा० ।
पढमदा
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |