Page Text
________________
कुरदत्तरियं..
सव्वप्पणा वि कुमरस्स तस्स दिट्ठी मुणिम्मि तम्मि ठिया । वणसिरिदसणचिरभमणजायखेय व्व वीसंता तं दट्टण विगप्पइ कुबेरदत्तो मणम्मि निवतणओ । आसावहाणणमम्हं इममासापूरयं जायं ॥१३५०।। निम्माणुसेवि रन्ने एयम्मि जमेस मुणिवरो अम्ह । सुपसन्नवयणकमलो नयणाण पहम्मि ओइन्नो ॥१३५१।। एयस्स दसणेणं अम्ह कयत्थाई ताव नयणाई। जायाइं संपयं पुण पणामकरणेण काओ वि ।।१३५२॥ होउ कयत्थो एसो इयचितेऊण वच्चइ समीवं । तस्स मुणिस्स कुमारो जाव तओ सो न दिढेि पि ॥१३५३॥ उम्मीलइ थेवं पि हु पुणो वि तो चितए मणे कुमरो । जह एस महप्पा चत्तसव्वसंगोनिरीहो य ।।१३५४।। जइ देविंदो वि सयं एरावणवारणम्मि आरूढो । आगच्छइ कह वि इहं तं पि न एसो अवेक्खेइ ।।१३५५।। सिद्धिसुहबद्धलक्खो असेससंसारसोक्खनिरवेक्खो। तेलोक्कसिरि पि न एस मन्नए तणसमाणं पि ।।१३५६।। एमेव ठियं एवं अजपमाणं अपासमाणं पि । पाएसु पणमिऊणं करेमि सुपवित्तमप्पाणं ।।१३५७।। इय चितिऊण गंतूण पणमए मुणिवरस्त चरणेसु । अवणीसरस्स तणओ पूरिज्जंतो पमोएण ॥१३५८।। अवणेतो चरणरयं तस्स मुणिदस्स निययकेसेहि । कम्मरयं पि पमज्जइ अप्पणयं निवइणो तणओ ।।१३५९।। संवाहिऊण चरणे चिरं मुणिदस्त तस्स दिट्ठीए । पुरओ चेव निविट्ठो तग्गयदिट्ठी खणं कुमरो॥१३६०।। कुमरकर फासेणं नियपयकमलेसु जायमाणेण । दिण्णुवओगो साहू उस्सग्गं पारिऊण लहुं ।।१३६१।। उवविसइ तत्थ फासुयभूमिपएसम्मि तणपलिच्छन्ने । पुण उट्ठिऊण वंदइ कुमरो भत्तीए तं साहुं ।।१३६२।। साहू वि धम्मलाभं दाऊणं पुच्छए निवकुमारं । निम्माणुसम्मि रन्ने एयम्मि तुमं कुओ भद्द ! ।।१३६३।। साहेइ तओ कुमरो कुबेरदत्तो नियसमयं पि । तत्थागमणनिमित्तं तस्स पुरो मुणिवरिदस्स ।।१३६४।। अह विस्सकंतनरनाहनंदणो जाव तस्स साहुस्स । पासम्मि कि पि कोऊहलेण पुच्छिस्सइ सरूवं ॥१३६५।। चइऊण दूरमंबरभायं थिरविग्गहो तओ जाओ । कयवारुणिप्पसंगो सूरो संकुइयकरपाओ ।।१३६६।। अत्यगिरिमत्थयाओ ढलिऊणं पडइ जलहिमज्झम्मि। करचंडो वारुणिलालसो य बहु लहइ वसणाइं ॥१३६७।। संहरिऊण हास कमलमुहं मउलियं कमलिणीए । नियनाहे अत्थमिए कुलीण नारीण जुत्तमिणं ।।१३६८।। रत्तंबरपरिहारं करेइ पच्छिमदिसा तओ झत्ति । लोगंतरम्मि पत्ते नियरमणे सहसकिरणम्मि ॥१३६९।। तो साहुणा कुमारो भणिओ जह भद्द ! संपयं अम्ह । करणिज्जविसेसो को वि वट्टए तं करिस्सामो ।।१३७०।। कुमरेण तओ सहस त्ति सीससंघडियपाणिजयलेण । पणमंतएण साहू विन्नत्तो कुणह नियकिच्चं ।।१३७१।। तुब्भे संपइ अम्हे पुण एत्थ वि तुम्ह पायपउमाणं । होउमदूरासन्ना चिट्ठिस्सामो मुहुत्तं पि ॥१३७२॥ विहियाणुट्ठाणस्स वि पज्जंते तुम्ह मुहमयंकाओ । नीणंतवयणजुन्हाजलेणनिव्वावइस्सामो ॥१३७३।। नियसवणकंदराई तत्तो साहू कयासणविसेसो। नियकिच्चम्मि पयट्टइ कुमर वि जहुत्तमायरइ ।।१३७४।। एयाओ विहसियाओ उइयम्मि दिणे सिरे मह रिउम्मि। तम्हा तस्स परोक्खे नासेमि इमाण नाम पि ।।१३७५।। इय चितिउं च तिमिरं लद्धप्पसरं पहावियं तुरियं । सव्वदिसाविलयाओ कोवेणेगत्थ मेलेउं ।।१३७६।। तह कुणइ जहा तासि कालीकय आणणाण पविभाओ। थेवो वि न लक्खिज्जइ केण वि दक्खण वि नरेण पसरइ घणंऽधयारो छुट्टो कसिणो व्व केसपब्भारो । नट्ठम्मि नहमणिम्मी नहलच्छीए रुयंतीए ।।१३७८।। कालेण पाढएण व तिमिरमसीए विलिपियं सयलं । गयणफलयं विसालं तारक्खरकड्ढणनिमित्तं ।।१३७९।। निम्मलचक्खू वि जणो विमलं मलिणं तया समं विसम। पासइ समरूवं चिय नत्थि विवेओ तमंधाण ॥१३८०॥ पसरते तिमिरभरे जुगवं चिय सव्वमेव संजायं । नीलीरसस्स मज्झे मज्जेउं कड्ढियं व जयं ।।१३८१॥ धवलं पि वत्थु तमसंगमेण कसिणं व पासए लोओ। दुज्जणमिलिओ सुयणो विदीसए तस्स सारिच्छों ।।१३८२।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |