Page Text
________________
कुबेरदत्तचरियं
...
आरुहिऊणं चलिओ कमेण पत्तो य मंगल उरम्मि । पविसइ महसवेणं पढम चिय जाइ जिणभवणे ॥१२८४॥ अहिणवणत्थं निम्मवियम्मी पंचविहेणऽभिगमेण पविसेइ । जय जय रवं कुणंतो निसीहिया पुव्वयं तत्थ ।।१२८५।। रोमंचकंचुइज्जंतविग्गहो जिणवरिंदपडिमा । कुणइ विहीए पूयं सुंगधवरकुसुममाईहिं ।।१२८६॥ विहिणा वंदइ देवं उवउत्तो सारथोत्तथुइपुव्वं । अह उवविसिउँ कारइ खणमेगं तत्थ पेक्खणयं ॥१२८७।। पुण पणमिऊण देवं नियपासायम्मि वच्चए कुमरो । तत्थ कयभोयणविही बुद्धिधणं सचिवमाइसइ ।।१२८८।। बीयदिणाओ पभिई कारावेउ दसाहियं पुण वि। कुमराएसेण तओ बुद्धिधणो कारइ तहेव ।।१२८९।। घोसावए अमारि दस वि दिणाई दसाहिया मज्झे । महया विच्छड्डेणं वित्ताए दसाहियाए तओ ।।१२९०।। जोइसियकहिदिवसे मयंकतुरए समारुहइ कुमरो। नयराओ बहिं गंतु तं वाहइ वाहियालीए ।।१२९१।। विखा धाराविउरी झंपाइविचित्तवाहणविहीए। वित्थडसंकडएहि य कडएहि वाहिउं अह सो॥१२९२।। मुक्को उवरिमवेगे तुरओ कुमरेण दीहरपहम्मि । निज्जिणइ जवेण तओ धणुमुक्कं बाणमनिलं च ।।१२९३।। अइभूमि वच्चंते तम्मि तुरंगम्मि खंचए कुमरो। वग्गं जाव तओ सो अहिययरं वंधए वेयं ।।१२९४।। कुमरो विहु गाढयरं आयड्ढइ सव्वथामओ रस्सि । तुरओ वि हु अब्भहियं धावइ पुरओ समं विसमं ॥१२९५।। अगणतो गयणतलं लंघिउकामो व्व पाडिसिद्धीए । रविरहतुरंगमाणं वच्चंतो उत्तरदिसाए ॥१२९६।। इय कुमरतुरंगाणं परोप्परं खंचणम्मि चंकमणे । पारद्धपयत्ताणं गयाइं कइवयमुहुत्ताई ॥१२९७।। अइदूरं वच्चंते कुमरम्मि तुरंगमोवरिगयम्मि । तस्स अवसं तुरंग नाऊण कुमारसेन्नं पि ।।१२९८।। पट्ठीए वेएणं पहावए जाव ताव सो कुमरो । दसणपहमइकतो पच्छाओ पयाणुसारेण ॥१२९९।। तुरयस्स जाइ सेन्नं ताइं वि नट्ठाइं पवणपहथाई । पच्छा अन्नायदिसं खिन्नं च नियत्तए सेन्नं ॥१३००। कुमरो थिरं पि भवणं नियइ भमतं व तुरयरयवसओ । अहवा अप्पाणं पिव परं पि पेच्छंति चपलगई ॥१३०१।। पन्नरसजोषणाई नीओ अडवीए तेण तुरएण । कुमरो कुबेरदत्तो संतो तंतो विसन्नो य ॥१३०२।। मुयइ कराओ वग्गं झपं दाऊण उत्तरिउकामो । जाव कुमारो तुरओ ताव ठिओ तक्खणे उड्ढो ॥१३०३॥ सासाऊरियहियओ कोवेण व कंपमाणसव्वंगो। कुमरेण तओ नाओ जहेस विवरीयसिक्खो त्ति ॥१३०४।। दीहरअद्धाणसमेण विहुरियं जाणिऊण तं तुरयं । उत्तरिऊणं तत्तो उत्तारइ वक्खरं कुमरो॥१३०५॥ उल्लोडियम्मि कविए मुहकुहराओ तुरंगमस्स तओ। नीहरियं पाणेहि लद्धवयासेहि व लहुं पि ॥१३०६।। दिवसद्धेण वि कुमरो अइभूमि सो गओ हयविलग्गो। अहवा आसारूढाण होइ दूरं पि आसन्नं ॥१३०७।। दवदड्ढपएसाओ तत्तो पुरओ पयाइ जा कुमरो। आसन्नं चिय पेच्छइ ताव पुरो बहलवणसंडं ॥१३०८।। घम्मेण वम्महेण व अह ताविज्जतअसहसव्वंगो । वणलच्छीए दूइं व पेसए सो नियं दिट्ठि ।।१३०९।।। तद्दिट्टिनिवडणुम्माहिय व्व आसन्नसेवयं सा वि । आहवणत्थं दूयं व पेसए तस्स मिउपवणं ॥१३१०॥ पवगसमागमसंजणियनिव्वुई नंदणो वि नरवइणो । वणलच्छीए समुहं संचलिओ मंदमंदगई ॥१३११॥ पसरंतपवणपरियपायवसाहग्गहत्थमुक्केहि । कुसुमहिं विविह्वन्नेहि वणसिरी रयइ पयरं च ।।१३१२।। नीसेसवणसिरी दंसणम्मि ऊसुयमणो वि सो कुमरो। पहखिन्नो वीसमिउं वंछइ एगत्थ छायाए ॥१३१३॥ सूरो वि करप्फासं पि न लहए जीए अहिलसंतो वि । अन्नोन्नमिलियदलनिवहताहाणं समीवाओ ॥१३१४।। . मुद्दियमंडवसणाहलयहरमज्झंतरम्मि पविसेउं । तमइसिणिद्धं कुमरो सेवइ छायं जहिच्छाए ।।१३१५।। पवणपहल्लिरपल्लवपरोप्परासंगजणियसुक्कारं । सिक्कारं व कुणंति कामुयमणमोहसंजणयं ॥१३१६।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |