Page Text
________________
सिरिमुनिसुव्वयजिदिघरियं परमेरिसमच्चब्भुयमम्हाण न दिट्ठिगोयरे पत्तं । अम्ह इमो उवयारो कुबेरदत्तेण कुमरेण ।।१२५१।। अज्ज कओ आणीया उवरोहेऊण एत्थ जं अम्हे । णयणमणाणंदयरो दिट्ठो देवो तओ एसो ।।१२५२।। खस-परबलसीहेहि वि भणियं अइविम्हयप्पवन्नेहि । गरुयाणं कोवो वि हु जायइ इयराण गणहेऊ ।।१२५३।। जइ अम्ह उवरिकडयं न करेंतो कह वि एस वरकुमरो। ता कह आगंतव्वं अम्हाणं होतमिह नयरे ।।१२५४।। कह एरिसो य देवो तो अम्हाण लोयणपहम्मि । कह पेच्छंता अम्हे पूयाबलिपमुहमे रिसयं ।।१२५५।। विस्सस्स वि आणंदं कुणमाणं विस्सकंतदेवस्स । चरणारविंदजुयलं कह पेक्खंता य अइदुल्लहं ।।१२५६।। संपइ अम्हे एयं देमो ओवाइयं नियमणम्मि । जइ कह वि हु चिट्ठामो एत्थेव ठिया सयाकालं ।।१२५७।। इय तेसि वयंताण वि संपत्तो तत्थ विमलजससूरी । सो वंदिऊण देवे उवविट्ठो उचियठाणम्मि ।।१२५८ ।। निवविस्सकंतपमुहेण वंदिओ सो असेसलोएण । कुमरो कुबेर दत्तो भद्दयभावं मुणेऊण ।।१२५९।। सिरिविस्सकंतरम्नो परबलसीहस्स खसनरिंदस्स । पडिबोहकए पभणड सूरि जह कहह धम्मकहं ।।१२६० ।। सूरी वि दिट्टि खेवं कुबेरदत्तस्स तेसु दळूण । नाऊण ताण भावं जहजोग्गं धम्ममुवइसइ ।।१२६१।। सोऊण सूरिवयणं संजाया ताण धम्मपडिवत्ती । तो वंदिऊण सूरि समुट्ठिया ते समग्गा वि ।।१२६२।। रना सह गंतूणं धवलहरे ते विसज्जिया सव्वे । निययावासम्मि गया मणे धरंता परमहरिसं ।।१२६३।। अप्पाणं सुकयत्थं संपत्तीए जिणिदधम्मस्स । मन्नंता निच्चं पि हु वंदंति गुरुं च देवं च ।।१२६४।। कइवयदिणपज्जते दोन्नि वि सम्माणिऊण नरवइणा । परबलसीह-खसनिवा विसज्जिया निययदेसेसु ।।१२६५।। नियदेसेसु गया ते कारेंति जिणेसराण भवणाई । पूयंति तेसु देवे निच्चं वंदंति भत्तीए ॥१२६६।। कुमरोवयारमसमं मन्नता माणसम्मि ते निच्चं । पत्तमउव्वं वत्थु पेसंति कए कुमारस्स ।।१२६७।। अह तेहिं अन्नसमये नियनियरज्जेसु तुरयहेडाओ । गहियाओ तम्मज्झे दो दो तुरए अइपहाणे ।।१२६८।। निव्वाडेउं एक्कक्कलक्खमुल्ले कुबेरदत्तस्स । कुमरस्त कए पेसंति निययपुरिसाण पासम्मि ।।१२६९।। नेऊण तेहिं तुरया समप्पिया ते कुबेरदत्तस्स । तेणावि विस्सतस्स अप्पिया नरवरिंदस्स ।।१२७०।। राया वि जहिच्छाए पथच्छए तुरगमेगं । तेण वि निरिक्खिऊणं एगो गहिओ पवरतुरगो॥१२७१।। मंगलउराओ पुरिसो अह बुद्धिधणेण कुमरपासम्मि । पट्टविओ विन्नत्तीलेहं नियमप्पिऊण जहा ॥१२७२।। तम्हाएसेण मए निप्फाइयमेत्थ जिणहरतुंगं । मज्झम्मि ठाविया तह जिणिदपडिमा पवररूवा ॥१२७३।। तह वित्थरेण महया दसाहिया कारिया मए तीसे। पडिमादसणहेउ जड तुम्हे संपयं एह ।।१२७४।। मंगलउरम्मि नयरे तो हं एत्थेव तुम्ह आगमणे । 'पवणं करेमि सव्वं जहा गमिस्सामि तत्थेव ।।१२७५।। २तं लेहं गहिऊणं सो तो मह तुम्हहि जेण आगंतु। पणममि तुम्ह पाए कडयाओ समागयाण अहं ।।१२७६।। अह तेण बुद्धिधणपेसिएण पुरिसेण विस्सउरनयरे । आगंतूणं लेहो समप्पिओ निवकुमारस्स ।।१२७७।। बद्धिधणपेसियं तं लेहं अवहारिऊण निवकुमरो। देइ पडिलेहमेयं जहा गमिस्सामि तत्थेव ।।१२७८।। तं लेहं गहिऊणं गंतुं मंगल उरम्मि सो पुरिसो। बुद्धिधणस्स समप्पइ तं दढ़े सो वि हिट्ठमणो ।।१२७९॥ बद्धिधणो सव्वं पिहु पवणं कारवइ तम्मि नथरम्मि। सिरि विस्तकंतरायं कुमरो वि अणुन्नवेऊण ।।१२८०॥ कुणइ नियं संवाहं नयरे मंगलउरम्मि गमणत्थं । आमंतिऊण गणयं पुच्छइ दिवसं अह कुमारो ।।१२८१।। आरुहणत्थं अहिणवतुरयम्मि चउण्ह पवरतुरयाणं । मज्झाउ नरिंदेणं दिन्नम्मि मयंकनामम्मि ।।१२८२।। जोइसिएणं गणिऊण साहिओ सोलसम्मि अह् दिवसे । तुरयारोहणदिवसो तो कुमरो अन्नतुरयम्मि ।१२८३।।
१: पवणं करेमि सव्वं तत्थेव थिरा जइ उ तुम्भे ।सं। २. दायब्बो आएसो तो मह तुम्हेहिं जेण आगंतु ।सं।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |