Page Text
________________
कुवेरदत्तचरियं
पच्छन्नो गंतुणं उभओ पासेसु वेढए पुरिसे । खसरायसंतिए ते वट्टाबंधम्मि विणिउत्ते ।। ११५२ ।। जेहिं कथमाहं ते विणा सिया सेसयाओ बंधेउं । गहिया तत्तो सह अप्पणा य संचालिया सव्वे ।। ११५३ । पुरओ नियपुरिसेहि वट्टाबंधो कराविओ तत्तो । दाहिणवामाई नियसेन्नाई मेलिऊणं च ।। ११५४ ॥ चओ पुरओ गंतुं दियहं निग्गमइगुत्तठाणम्मि । कुमरो कुबेरदत्तो रयणीए तस्स पुरिसेहि ।। ११५५ ।। उहि आणि खसनरिदचरपुरिसा । कुमरस्स अप्पिया पुच्छिया य कुमरेण ते बेंति ।। ११५६ ।। ह अम्हे पट्टविया खसनरवइणा नियाण पुरिसाण । वट्टावंधनिउत्ताण सुद्धिकरणत्थमज्जजओ ।। ११५७।। तेसि मज्झाउन कोवि आगओ तस्स सुद्धिकहणत्थं । तो अवसेरी जाया तेण निउत्ता तओ अम्हे ।। ११५८ ।। कारविया कुमरेण ते सव्वे लोहसिखलाबद्धा । पढमं रयणी पहरं गमिउं तत्थेव तो कुमरो ।।११५९ ।। चलिओ सव्वबलेणं पच्छिमजामम्मि खसनरिदस्स । आवासे गंतूणं पडिओ नी संकचित्तस्स ।। ११६०॥ बंधि संग हिओ खस नरिंदो तओ पत्तो वि । करि तुरय- कोससहिओ पलाइयं सेस सेन्न तु ।। ११६१ ॥ निए के विविणट्ठा कयाउहा जोहा । अह कुमरो पेसेउं पुरिस रणधवलपासम्म ।। ११६२ ।। tray सरूवं जह गहिओ बंधिऊण खसराया । अम्हेहि अज्ज सुत्तो रयणीए पच्छिमे जामे ।। ११६३॥ रणधवलो सोऊणं तुद्रुमणो तस्स कहगपुरिसस्स । देइ पसायं विउलं वत्थालंकारमाईयं ॥। ११६४ ॥ पेसेउ नियपुरिसं पासम्मि कुबेरदत्तकुमरस्स । मग्गावर कणचोप्पडमेवं च तहा भणावे ।। ११६५ ।। जह तुब्भे वीसत्था सयमेज्जह एत्थ चोप्पडकणं तु । पट्ठवह झत्ति तम्हा सीयइ कयं विणा तेण ।। ११६६ ।। कणचोप्पडकोट्ठओ पट्टवियाओ कुबेरदत्तेण । कुमरेणं बहुयाओ तत्तो रणधवलकडयम्मि | | ११६७।। घावयाविऊणं घाइयपुरिसाण सपरपक्खे वि । तइय दिने सो पत्तो सयं पि रणधवलपासम्म ।। ११६८ । नाऊण तओ एवं परबलसीहो मणम्मि संखुहिओ । जह संपयं भविस्सइ कोट्टवरोहो चिरकालं ।। ११६९॥ कणचोप्पडं तु सव्वं निट्ठियमम्हाण नयरमज्झम्मि । तो सयमेव मरिस्सइ छुहाए मज्झट्ठियं सव्वं ॥ ११७०॥ इस चितिऊण पेस कुबेरदत्तस्स निवकुमारस्स । पासम्मि नियं पुरिसं तस्स मुहेणं च विन्नवइ ॥ ११७१।। परबलसीहो एवं जह तुम्हे अम्ह देह अच्छलियं । तो आगंतुं अम्हे पणमामो तुम्ह पाएसु ॥ ११७२ ।। परबल सीनरेण इय विन्नत्ते कुबेरदत्तेण । कुमरेण तस्स दिन्नो हत्थो पट्ठीए सपसायं ।। ११७३॥ पडिवनं तव्वयणं सम्माणेऊण तं तओ तेण । सह नियपुरिसं पेसइ परबलसीहस्स पासम्मि ।। ११७४ ।। कुमरो कुबेरदत्तो परबलसीहो वि कुमरपुरिसस्स । काऊणं सम्माणं अइबहुयं तेण सह तत्तो ।। ११७५।। नोहरिजं नयराओ आगंतूणं कुबेरदत्तस्स । कुमरस्स पडइ पाएसु सो वि उट्ठाविडं एयं ।। ११७६॥ आलिंगइ अइगाढं दावइ उचियासणं च नियपासे । विन्नवइ मउलियकरो परबलसीहो तओ कुमरं ।। ११७७।। गिरिमज्झनिवासीणं अम्हाणं तुम्ह दंसणं दुलहं । जइ अविणयं कुणतो अहमेयं नेय तो नाह ! ॥ ११७८ ।। कह तुम्हे इह ता कह हुतं तुम्ह दंसणं अम्ह । ता अविणओ वि एसो गुणहेऊ अम्ह संजाओ ।। ११७९।। वच्च सव्वरसं पि हु मज्झ इयाणिं न को वि असमाही । तुह पयदंसणलाहस्स जेण सव्वस्स मवि थोवं ॥ इय विन्नविऊण तओ परबलसीहो समग्गमवि निययं । उग्गणइ बालवद्धं कुबेरदत्तस्स कुमरस्स ।। ११८१ ।। सीहउरनयर मज्झे कुमरं तो नेइ परमभत्तीए । सम्माणइ तत्थ गयं ढोयइ सव्वं भंडारं ॥ ११८२ ॥ मणि-मोत्तिय रुप्प - सुवन्न - कंस-दूसाइयं तओ तस्स । कुमरो वि तं समग्गं गहिऊणं तस्स तं नयरं ।। १९८३ ।। देइ पसाएण पुणो देसेण समन्नियं समग्गेण । वत्थाहरणाईहिं य सम्माऊण अइवहुयं ।। ११८४॥
Jain Education International
For Private & Personal Use Only
३७
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |