Page Text
________________
३६
सिरिमुनिसुव्ययजिणिंदचरियं
परिभमणनिउत्तेहिं रयणीए संचरेण दूराओ। नाऊणं संलविया अम्हे एवं जहा परओ ॥१११९॥ के जंति इमे पुरिसा उभा पडिखेह तेसिमुल्लावं । एयं सोऊण तओ अम्हे तुरियं चिय पलाणा ॥११२०॥ दो वि जणा पुरओ हं सो पच्छा एइ तेहिं तो मुक्को। बाणो तेण हओ सो पडिओ य मओ य महिव?।।११२१॥ तो भयसंतत्थो हं वेगेण पलाइओ विसेसेण । तं जाव समागंतुं ते विनियत्ता तओ पच्छा ॥११२२॥ अह अवगयलेहत्थो सोऊणं लेहवाहवयणं च । झत्ति कुविओ नरिदो पयाणढक्कं दयावेइ ॥११२३॥ आइसइ सव्वसामंतमंडलाहिवइपमुहनियसेन्नं । संवहणत्थं गंतुं जत्ताए अप्पणा सद्धि ११२४।। अह विन्नवइ कुमारो कुबेरदत्तो नराहिवं एवं । देव ! इमो आएसो दायव्यो मज्झ पसिऊण ।।११२५।। इय भणिऊणं लग्गो पाएसुं नरवरस्स तो कुमरो। राया वि विस्सकंतो पडिवज्जइ तं कुमरवयणं ॥११२६।। आइसइ सव्वसेन्नं कुबेरदत्तेण सह कुमारेण । आएसेण समं चि य कुमरो वि पयाणए ठाइ ॥११२७।। सेन्नपि सहरिसमणं समं कुमारेण वच्चइ समग्गं । अनुकूलसउणजणिओच्छाहमखंडप्पयाणेहिं ।।११२८।। हेसंततुरयथट्टै गज्जंतगइंदवरघडाडोवं । धुन्वंतधयवडायं चलंतरहमक्कचिक्कारं ॥११२९।। वग्गंतभिच्चवग्गं वजंतअणेगतूरसंघायं । तं वक्कवुक्करवबहिरियंबरासेसदिसियक्कं ॥११३०॥ कइवयपयाणगाणं पज्जते पभट्ठवेइ अह कुमरो। छन्नं चिय नियसेन्नं थेवंपि सदेससीमाए ॥११३१।। कारेइ वबंधं खसनरवइहेरियाण एंताणं । गंतण सयं पच्छा आवासं तत्थ गिन्हेइ ॥११३२।। थेवं चिय नियपासे सेन्नं धरिऊण वामदाहिणओ। सेसं ठावेइ बलं अदूरदेसम्मि पच्छन्नं ११३३।। तंबोलियवेसेणं गहिऊणं नागवल्लिपत्ताई। हेरियपुरिसे नियए पेसइ खसरायसेन्नम्मि ॥११३४।। कन्नम्मि कं पि सिक्खं दाऊणं ते वि जंति तत्थ तओ। पत्ता खसनरवइणो वट्टावंधस्स पुरिसेहि ।।११३५॥ न लहंति पुरो गंतुं करेंति ते उत्तरं तओ एवं । अम्हे लाहनिमित्तं चलिया खसरायसेन्नम्मि ।।११३६।। गहिऊण केत्तियाई वि पन्नाइं तेहिं तो विमुक्का ते । पत्ता खसनिवकडएभमिउं विक्कंति पन्नाई ।।११३७।। हेरंति सव्वसेन्नं भेट्टेऊणं खसस्स नरवइणो । गहिऊण अक्खराइं तस्स तओ ते नियत्तंति ॥११३८।। जति तओ तेसि चिय वट्टाबंधट्ठियाण पुरिसाण । पासम्मि समप्पंति य खसनिवदिन्नक्खराई तओ ॥११३९॥ तत्थऽक्खरेसु लिहियं जह एए अम्ह कडयमज्झम्मि। पन्नाई गहेऊणं एहिति तहा पयाहिति ॥११४०।। एएसिं तुम्हेहिं कायव्वो नो उवद्दवो तम्हा । दायव्वं वोलावयताण तहा वयंताण ॥११४१।। इय अक्खरत्थमवहारिऊण तो तेहिं ते इमं भणिया। जह तुब्भे भयरहिया गच्छह आगच्छह तहेव ।।११४२।। तो तेहि हेरिएहि कवडेण कओ निओ नरो एक्को । मंदो तं पालेउं तत्थ कयं झुपडं एक्कं ॥११४३।। तो तेण मिसेण इमे चिट्ठता तत्थ तेसिमायारं। परिभावयंति सम्म केत्तियभूमीए अत्थि गमो ॥११४४॥ सवलीवई पुरिसं करेंति नट्ट कयावि कवडेण । तस्स गवेसणहेउं भमंति ते तत्थ तो दूरं ११४५।। कइवयदियहेहि तओ नाऊण गमागमं समग्गं पि । ते कुमरहेरियनरा खसपुरिसाणं कहेऊण ।।११४६।। पन्नाणयणमिसेणं कुबेरदत्तस्स जंति पासम्मि । साहेति तस्स पुरओ पच्छन्नं सेनगमणपहं ॥११४७॥ तो वामदाहिणेसु सेन्नेसुं हेरियाण मज्झाओ। दो दो पुरिसे पेसइ कुमरो दाऊण कन्नम्मि ॥११४८॥ सिक्खवणं तह अहिनाणसंजुयं अप्पिऊण लेहं च । लेहस्स तस्स मज्झे लिहाविओ तेणिमो अत्थो॥११४९।। मग्गेण जेण ए वयंति तुम्हेहि तेण गंतव्वं । अम्हाणं तुम्हाण य अमुगे ठाणम्मि संजोओ ॥११५०॥ नियहेरियपुरिसेहिं दंसियमग्गेण संझसमयम्मि । संवहिउं संचलिओ कुबेरदत्तो निवकुमारो ॥११५१।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |