Page Text
________________
कुबेरदत्तचरियं
सट्ठाणनिविट्ठ सुं समग्गसामंत-मंतिपमहेसु । विन्नत्तो पडिहारेण सीसआरोवियकरेण ।।१०८७।। जह देव ! दारदेसे कडयाउ समागओ गहियलेहो। पुरिसो चिट्ठइ रणधवलदंडनाहेण पट्टविओ ॥१०८८।। रायाएसेण तओ पवेसिओ एस दारवालेण । विहियपणामो लेहं पणामए रायचलणाणं ॥१०८९।। राया वि संभमेणं गहिऊण करेण छोडिऊण सयं । परिभावइ तं लेहं अवहियहियओ असेसं पि ॥१०९०।। सथिसिरी विस्सउरे नयरे महिमहिलतिलयभूयम्मि । सिरिविस्सकंतरन्नो स पयावक्तभुवणस्स ।।१०९१।। पयपउमाइं सिरिविजयकडयओ दंडनाहरणधवलो । विणएण पणमिऊणं धरणीयलमिलियपंचंगो ॥१०९२।। विनवइ जहा देवाएसेण अहं इहुत्तरदिसाए । परबलसीहस्सुवरि समागओ पल्लिनाहस्स ।।१०९३।। देवनिउत्तेण समं चउरंगबलेण दप्पकालिएण । सीहउरदेससीम अणेगगिरिवलयं दुपवेसं ।।१०९४।। परबलसीहो वि ममं एतं नाऊण नियबलसमेओ। देसे पविसंतेणं मए समं गिन्हए जुज्झं ।।१०९५।। ठाणे ठाणे विसमे गिरिघट्टारोहणावयरणम्मि । समसुगमभूमिभागे पलाइउं जाइ दूरम्मि ।।१०९६।। एवं जुज्झंतो सो छलेण सद्धि मए गए ताव । जा सीहउरं नयरं समागयं जोयणतिगेण ।।१०९७।। पच्छा पलाइउं सो सीहउरपुरस्स मज्झमणुपत्तो। दाराई पिहेऊणं नयरस्स ठिओ कयपयत्तो ।।१०९८।। काऊणं पायारं अहिट्ठियं बहुयजोहसहसेहि । एगेण जोयणेणं सीहउरपुरस्स बाहिम्मि ।।१०९९।। गंतूण मए गहिओ आवासो वेढियं च सव्वत्तो। तं नयरं अइविसम अगाहजलभरियपरिहाए ।।११००। वित्थिन्नाए तीसे परंते एगगाउयायामा । चिट्ठती घणकंटी खणिऊणं मूलओ एसा ॥११०१।। कड्ढाविया असेसा संजाया अम्ह कडयलोयस्स । इंधणमई व पउरं पईण पाईण जम्मसु ॥११०२॥ तिसु भाएK नयरस्स तस्स पुहई कया करयलं व । करि-तुरय-रहवराणं रणजोग्गा जोयणपमाणा ।।११०३।। उत्तरभाए गिरिवलयदुग्गम (वणसंड ? ) वड्डखड्डाहिं । विसमं च तत्थ वियरइ वणयरमणुओ वि किच्छेण ।। तत्थ वि पाययलोओ धणुद्धरो खग्गखेडयकरो य । पउरो निरूविओ जणपवेसनिक्कासरक्खट्ठा ।।११०५।। एवं कयम्मि कइवयदिणेहिं निग्गंतु निययनयराओ । सीहबलो नामेणं परबलसीहस्स लहुभाया ।।११०६।। खसरायस्स समीवे गंतूणं तस्स इच्छिउं दव्वं । उप्पाएइ भयमिणं वुच्छेए अम्ह तुम्हाणं ।।११०७।। उवरि करिस्सइ कडयं रणधवलो दंडनायगो नियमा । अम्हे तुम्हे वि दुवे मिलिउं तम्हा इयाणि पि ।।११०८।। एवं उच्छेएमो इय सोउं सो वि लोभभयवसओ। आगंतुं वेढेउं नियसव्वबलेण अम्ह बलं ।।११०९।। विसमट्ठाणम्मि टिओ उक्खंदं देइ अम्ह सेन्नम्मि । परबलसीहो वि तहा कथसंकेओ नियपुराओ ।।१११०।। निग्गंतुं रयणीए समकालं चेव देइ उक्खंदं । एवं पि पकुव्वंता अम्ह पहुप्पंति तेनेय ॥११११।। कित परं अम्हाणं कडए कणचोप्पडाण संकडयं । न लहइ जओ पविसिउं बाहि रुद्धेसु मग्गेसु ॥१११२।। सत्तट्ठयपट्ठविया जुयलीओ लेहवाहयाण मए । ताओ तुम्ह समीवे पत्ताओ कि व नो एवं ? ॥१११३।। अम्हे नहु जाणामो पडिवत्ता कावि नागया ताव। एयं च लेहवाहयजुयलं किच्छेण कडयाओ ॥१११४।। नीहारेऊणं रयणीए जामम्मि पच्छिमे छन्नं । दाऊणं वोलावयमुम्मग्गेणं च पट्टवियं ।।१११५॥ परिभाविऊण एवं करणिज्ज होइ कि पि जं उचियं । तं कायव्वं तुरियं देवेण अहं निराभा (हा) रो।।१११६।। देव ! चलणाण पुरओ विन्नत्ते संपयं तओ एयं । लेहत्थं नियहियए अवहारेउं नराहिवई ॥१११७।। तं लेहवायनरं पुच्छइ चलिओ दुइज्जओ तुह जो। सो कत्थ तेण कहियं खसरनोरखगनरेहि ।।१११८॥
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |