Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 67

सिरिमुनिसुव्वय जिणिदचरियं
साबद्धगंठी तह त्ति पडिवज्जिऊण निववयणं । हरिसभर निव्भरंगी तयऽणुन्नाया पडिनियत्ता ॥ १०५५।। निभवणे संपत्ता अह सो सिवकेउसंतिओ जीवो । सोहम्माओ चविउं तीसे गन्भम्मि संभूओ ।। १०५६।। पुत्तत्ता सा विहु सुहंसुहेणं वहेइ तं गब्भं । संजाओ डोहलओ तइए मासम्मि अह तीसे ।। १०५७।। जह गंतू जिनमंदिरेसु पूएमि जह सहत्थेण । जिणबिंबाई सव्वाई साहुणो तहय वंदामि ।। १०५८।। freferrभपाओ ती कहिओ इमो नरवरस्स । तेण वि तीसे एसो डोहलओ पूरिओ झत्ति ।। १०५९ ।। अह पsिपुन्नमि दिने सुहेसु नक्खत्ततिहिमहत्तेसु । सो विस्सकंतदेवी पसवइ पुत्तं कमलनेत्तं ॥ १०६०।। aaras नरनाहं दासी पियवयणिया समागंतुं । वत्थाहरणेहिं इमं सम्माणइ विस्सकंतनिवो । १०६१ ।। वद्धावणं नरिंदो विस्सउरे कारवेद सव्वत्तो । कुंकुमरससित्तसमग्गमग्गभूसियपडायं च ।। १०६२।। गेहे हम्म निवद्वतोरणं गिज्जमाणमंगलयं । अप्फालियवरतूरं हरिसपणच्चंत तरुणियणं ॥ १०६३।। अक्खयवत्ताइं पुरंगणाण करयलगयाई पविसंति । कप्पियदंतुज्जलसयलतंदुलप्पयर पुन्नाई ।। १०६४।। ससिमंडलसरिसाई साहेति व ताई सहससंखाई । रायकुमारस्स अणेगचंद सहसाई जीवितं ।। १०६५ ।। फल-पत्त-कुसुम-वत्था-हरणकरा तत्थ आगया पुरिसा । वद्धाविरं नरिदं पच्चक्खा कप्परुक्ख व्व ॥ १०६६।। कुंकुमरसच्छाहिं छंडिज्जता जहिच्छमेत्थजणा । निवइनिउत्तनरेहिं निवारयंता वि सव्वंगं ।। १०६७।। देहम्मि अमायंतं बहुयत्तणओ बहिम्मि नोहरियं । सोहति उव्वहंता कुमारजम्माणुरायं च ।। १०६८ ।। तंबोल- विलेवण-कुसुमवत्थ - आहरणपमुहवत्थूहि । सम्माणइ सव्वजणं जहोचियं विस्सकंतनिव ।। १०६९॥ नाविकुसुमेहिं कारइ सुरमंदिरेसु पूयाओ । दुत्थियदीणाणाहाण देइ दाणं जहा जोगं ।।१०७० ।। इय गरुयपमोएणं समग्गनयरम्मि देसगामेसु । जायं वद्धावणयं निरंतरं जाव दहृदियहे || १०७१।। गंतूण कुणइ जत्तं कुबेरजक्खस्स नयरजणसहिओ । राया ठवेइ नामं कुबेरदत्तो त्ति पुत्तस्स ॥ १०७२ ।। पंचहि धाइहि जुओ नरिदभवणम्मि वद्धए कमसो । कुमरो कुबेरदत्तो देतो परियणमणानंदं ।। १०७३।। अह अमवासे समप्पिओ सो कलाण गहणत्थं । आयरियस्स समीवे कयसम्माणस्स नरवइणो || १०७४ ।। विएण उज्जमेण य पन्नाए गुणेण गिन्हइ कलाओ । बावतरं पि कुमरो थेवेहिं चेव दियहेहिं ।। १०७५ ।। पुण सम्माणइ राया आयरियं विउलदव्वदाणेण । कुमरो जोव्वणपत्तो रन्ना परिणाविओ तत्तो ।। १०७६ ।। कन्नाण सयं एगं महानरिदाण रूयवंतीणं । ताहि समं सो भोए भुंजतो गमइ दियहाई ।। १०७७ ।। सामंत-मंति-मंडलियपुत्तपरिवारिओ परिभमइ । उज्जाणकाणणाइसु कीलंतो विविहकीलाहिं ।। १०७८ ।। जिणमंदिरेसु वच्चइ अच्चइ जिणपुंगवाण पडिमाओ । पुव्वभवन्भासेणं अभणिज्जतो वि अत्रेण ।। १०७९ ।। चिइवंदणानिमित्तं समागए तत्थ पासिउं मुणिणो । वंदइ भत्तीए तओ पुच्छर जिणधम्मसम्भावं ।। १०८० ।। सुऊिण ते व धम्मागुगयं तह त्ति सद्दह । नियसीसं च धुणंतो धम्मपसंसं कुणइ हिट्ठो ।। १०८१ ।। एवं कमेण जाओ जिणिदधम्मम्मि सो महाकुसलो । निच्चलसम्मद्दिट्ठी करेड़ गिहिसमुचियं धम्मं ।। १०८२ ।। अह सो जुवायपर कुबेरदत्तो निवेसिओ रन्ना । मंगलउरस्स देसो कुमारभत्तीए से दिन्नो ।। १०८३ ।। नियसम्मिनित सुबुद्धिसचिवस्स नंदणो तेण । बुद्धिधणो नामेणं बालवयंसो परमभत्तो ।। १०८४ ।। चिट्ठs पासम्म ठिओ सयं नरिदस्स लद्धजसपसरो । अह अन्नया नरिंदे अत्थाणगए पभामि ।। १०८५ ।। नियपासाया समागम्मि नमिऊण निवइचलणेसु । दाहिणपासनिसने कुबेरदत्ते कुमारम्मि || १०८६ ।।
३४