Page Text
________________
कुबेरदत्तचरियं
२
अह तेहिं तस्स दिक्खा दिन्ना सिवकेउणो दियवरस्स । सिक्खविओ जइकिरियं सो पच्छा पाढिओ कि पि अह सो सिवकेऊ खंतिपमुहदसविहसुसाहुधम्मजुओ । पंचसमिओ तिगुत्तो जाओ साहूजहुत्तगुणो ।।१०२५।। राया वि पइदिणं चिय गंतुं सपुरोहिओ स परिवारो । वंदइ सूरि सूराइमुणिजुयं ससिवकेउं च ।।१०२६।। सो वि सिवकेउसाहू नाऊणं निययमाउयं थोवं । कुणइ विणयं मुणीणं सहइ किलेसं च काएण ।।१०२७।। नियगुरुणाणुनाओ करेइ छट्ठट्ठमाइतवकम् । आयंबिलेण पारइ पज्जत्तं भुंजइ न तं पि ॥१०२८।। तस्स कुणंतस्स इमं समइक्कंताई पनरसदिणाई । अह सो नमिउं सूरि विन्नवए उत्तमट्ठकए ।।१०२९।। आराहगो त्ति नाउं समणुन्नाओ तओ इमो गुरुणा। आहारं पच्चक्खइ चउन्विहं जावजीवाए ।।१०३०।। अह कयपच्चक्खाणं तं नाऊणं विसेसओ राया। कयवहुमाणो सपुरोहिओ वि निच्चं पि दो वारे ।।१०३१।। आगंतूणं तस्संऽतियम्मि चिट्ठइ मुहुत्तमेगेगं । सो वि सुहज्झवसाणो सत्तदिणे अणसणे ठाउं ।।१०३२।। वयपरियायं सव्वं वीसं दियहाई दोहिं अहियाइं । सम्मं अणुपालेउं परमसमाहीए संपन्नो ।।१०३३।। मरिऊण समुप्पन्नो कप्पे सोहम्मनामए देवो। पंच पलिओवमाऊ अणुभुजइ तत्थ सुरसोक्खं ।।१०३४।। तं अणुइयम्मि सूरे परलोयगयं वियाणिउं राया। अइगरुयविभूईए कारइ तद्देह-सक्कारं ।।१०३५।। राया पुरोहिओ तह सूरि पुच्छंति कत्थ उववन्नो। सिपके उमणी मरिउं अह सुयनाणम्मि उवओगं ।।१०३६।। दाऊणं सूरिवरो साहइ सव्वं जहट्ठियं तेसि । सोऊण ते वि हिट्ठा जाया धम्मम्मि दढचित्ता ॥१०३७।। तेसिं उवरोहेणं कइवि दिणे तत्थ ठाइउं सूरी। तो ते अणुम्नवेडं तत्तो अन्नत्थ विहरेइ ।।१०३८।। इय सिरिमणिसुव्वयजिणिदचरिए सिरिसिरिचंदसूरि विरइए। पढमं बीयं च भवग्गहणं समत्तं सिरिमुनिसुव्वयसामिस्स तइयभवोपढमो वीओ य भवो मुणिसुव्वयजिणवरस्स चरियम्मि । एस मए परिकहिओ अह तइय भवं पवक्खामि।।१०३९।। अत्थि इह जंबदीवे महाविदेहं ति वित्थडं वासं। सूरनरिंदो व्व अणेगसंखविजओवलद्धजसं ।।१०४०।। तस्स य पुव्वविभाए दाहिणओ नीलवंतसेलस्स। सीयासरिउत्तरओ पच्छिमओ पुव्ववणभिमुहो।।१०४१।। तह एगसेलवक्खारपव्वयाओ य पुवपविभाए । पुक्खलवइ त्ति नाम विजयं जयविस्सुयं अस्थि ।।१०४२।। तत्थ भुवणप्पसिद्धं विस्सउरं नाभ अत्थि वरनयरं । जं विस्सयस्स निम्माणनिहसपट्टो व्व पडिहाइ ।।१०४३।। रमणिज्जस्स वि सम्वत्थ जस्स नयरस्स दूसणं एक्कं । जं पढमपेच्छयाणं नयणाई मणं च तं हरइ ।।१०४४।। विस्सस्स वि कमणिज्जो तं पालइ विस्सकतनरनाहो । विस्ससइ सच्चवयणस्स जस्स वयणम्मि विस्सं पि सेवापविसंतनमंतभूरिसामंतमउलिदेसेसु । पयजुयलनहाली सहइ जस्स मणिमालिय व्व ठिया ॥१०४६।। सव्वतेउरपवरा भज्जा तस्सऽस्थि विस्सकंत त्ति । विस्सस्स वि जा कंता कंतं एगं चिय पवना ।।१०४७।। तीए सह विसयसुहं अणुहवमाणस्स तस्स नरवइणो । वच्चइ पभूयकालो अवच्चरहियस्स निच्चं पि॥१०४८।। चिंता दूमियचित्तस्स तस्स अह अन्नया मणे पुरियं । जह नयरबाहिरट्ठियकुबे रजक्खस्स इच्छामि ।।१०५९।।
ओयाइयं जहा सो वंछियपुत्तं पयच्छए मज्झ । इय चितिऊण गंतुं जक्खाययणे तमच्चेइ ।।१०५०।। भणइ य जइ मे पुत्तो तुज्झ पहावेण उत्तमो होही। तोऽहं आगंतूणं तुह जत्तं कारइस्सामि ॥१०५१।। तुह संतियं च नामं तस्स करिस्सामि निययपुत्तस्स । इय जंपिऊण राया नियपाहायम्मि संपत्तो ।।१०५२।। अह अन्नया निसाए पच्छिमजामम्मि पेच्छए सुमिणे । सा घिस्सकंतदेवी कुबेरजक्ख ससिंगारं ।।१०५३।। तं दद्रु पडिबुद्धा सा सुमिणं कहइ निषइणो गंतुं । सो भणइ तुज्झ पुत्तो भविस्सए देवि ! गुणजुत्तो ।।१०५४।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |