Page Text
________________
सिवकेऊचरियं भवणवइ-वाणमंतर-जोइसियसुराण होइ सवेसि । रयणीओ सत्ततण सोहम्मीसाणयाणं पि ।।८९६॥ एक्केक्कहाणि सेसे दु दुगे य दुगे चउक्कए चेव । गेवेज्जे रयणिदुगं अणुत्तरा एग रयणितणू ॥८९७।। बावीससत्ततिन्नि य दसवाससहस्स होइ परमठिई। भू-जल-वाउ-वणाणं जलणस्स उ तिनिहोरत्ता।।८९८।। पुढवाईया पंच वि सुहुमा वि हवंति सव्वलोयगया। अंतमुहुत्तठिईया अंगुलअस्संखभागतणू ।।८९९।। एसु वणस्सइकाओ अणंतओ चेव न उण पत्तेओ। वाहिज्जति न केणइ न वाहगा कस्स वि इमे वि ।।९००। वासा वारसअउणा पन्नअहोरत्तमासछक्कं च । बि-ति-चरिदिय-आउं संखाइसु वासबारसग ।।९०१।। पंचिदिएसु रयणाइपुढविनेरइयठिइकमाअयरा । एगं ति सत्त-दस-सत्तरे व बावीस-तेत्तीसा ।।९०२।। बीयाइपुढविछक्के मोत्तुं तेत्तीस सा जहन्नठिई । दसवाससहस्साई जहन्नठिइ होइ रयणाए ।।९०३।। तिरिएसु थलवरेसुं गन्भुन्भवचउपयाण पलियतिगं । सम्मच्छिमाण चुलसीवाससहस्सा ठिई तेसि ।।९०४।। गव्भयउरगाणं पुव्वकोडिसम्मुच्छिमाण तेवन्नं । वाससहस्सा गम्भयभुयगाण वि पुवकोडी उ ॥९०५।। सम्मुच्छिमाण तेसि वाससहस्सा हवंति वायाला । मच्छाइजलयराणं उभयाण वि पुवकोडीओ ॥९०६।। गब्भयपक्खिसु पलिया संखविभागो समुच्छिमेसु पुणो । तेसु ठिई बावत्तरिवाससहस्सा मुणेयव्वा ।।९०७।। कम्मा-कम्मगमणुया तिपलियठिइणो उ अंतरद्दीवे । पलिया संखं सठिई अंतमुहुत्ता समुच्छिमगा ।।९०८।। भवणवईणं सागरमब्भहियं होइ वणयराणं तु। पलियं ठिइ दोन्ह वि दसवाससहस्सा जहन्नठिई ॥९०९।। जोइससुराण पलियं सवासलक्खं तु पलियअडभागो । तेसि पि जहन्नठिई विमाणवासीण तेत्तीसं ।।९१०।। अयरा उक्कोसठिई जहन्नपलियं इमं तु ओहेण । भणियं भवणाईयणं इन्हि तु विसेसओ वोच्छं ।।९११।। चमरस्स ठिई अयरं बलिणोतं अहियमुरगपभिईणं । जम्माण सड्ढपलियं ऊणमुईणाण पलियदुगं ।।९१२।। अद्ध टुअद्धपंचमपलियाई चमर-बलिविहूण ठिई । नवनागाइवहणं पलियद्धं दाहिणिल्लाणं ।।९१३।। देसूणमुईणाणं पलियं अह वंतरीण पलियद्धं । चंदाण ठिई पलियं सवासलक्खं रवीणं तु ॥९१४॥ पलियं वाससहस्सऽब्भहियं पलियं गहाण एगं तु । नक्खत्ताण तयद्धं चउभागो तारगाणं तु ।।९१५।। चंदाईण चउण्हं जहन्नठिइ होइ पलियचउभागो। ताराण अट्ठभागो देवीण ठिई अओ वोच्छं ॥९१६।। पलियद्धमद्धलक्खं वासाण ठिई मयंकदेवीणं । वाससयपणगसहियं पलियद्धं भाणुदेवीणं ।।९१७।। पलियद्धमणूणऽहियं गहदेवीणं चउत्थअडभागा । अहिया उक्कोसठिई देवीणं रिक्ख-ताराणं ॥९१८॥ चउ चंदाइवहणं जहन्नठिइ होइ पलियचउभागो। तारगदेवीणं पुण नेओ पलियट्ठभागो उ ।।९१९।। दो१साहिरसत्त३साही४दह५चोइस६सत्तरे व७अयराइं। सोहम्मा जा सुक्को तदुवरि एक्केक्क मारोवे।९२०॥ जावुवरिमगेवेज्जे इगतीसं सागराइं परमठिई । विजयाइसु इगतीसं जहन्न उक्कोसतेत्तीसं ।।९२१॥ सव्वट्ठम्मि विमाणे तेत्तीसं चेव सागराइं ठिई । अजहन्नअणुक्कोसा सेसजहन्नठिई वोच्छं ।।९२२।। पलियं १ अहियंर दो अयर३ साहिया ४ सत्त५ दसय६ लंतगए । एक्केक्कवुड्ढिसेसे जातीसं नवमगेवेज्जे ।।९२३। सम्मुच्छिमतिरियपणिदिया वि अमणामणुस्स तिरियाओ। गब्भयथी-पुम-अपुमा सुर-थी-पुमसेस अ पुमाओ।९२४। इय एगिदियमाईजीवा पंचिदियावसाणा य । सव्वे वि सभेयजुया होंति पजत्ता य अपजत्ता ॥९२५।। सम्मच्छिम मणुया पुण अपजत्ता चेव ते विणस्संति । पज्जत्ती इह सत्ती ताहिं जया होंति पज्जत्ता ।।९२६।। आहार १सरीरि२दियपज्जत्ती ३आणुपाणु४भास५मणे६ । चत्तारिपंचछप्पियएगिदिय-विगल-सन्नीणं ।।९२७।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |