Page Text
________________
२८
सिरिमुनिसुव्वयजिणिंदचरियं नरतिविहकम्मभूमि य अकम्मभूमी य अंतरद्दीवा । भवण-वंतर-जोइ-वेमाणिया भेया चउविहा देवा ।।८६४॥ असुरा नागा विज्जू सुवन्न-अग्गीय-वाउ-थणिया य । उदही दीवदिसाविय दस भेया भवणवासीणं ।।८६५।। भूय-पिसाया जक्खा य रक्खसा किन्नरा य किं पुरिसा। महोरगा य गंधव्वा अट्टविहा वाणमंतरिया ॥८६६।। चंदा तह आइच्चा गहा चउत्था य होति नक्खत्ता। तारा जोइसिया इय पंचविहा होंति नायव्वा ॥८६७॥ कप्पोवग-कप्पाइगभेया वेमाणिया भवे दुविहा । कप्पोवगबारसहा कप्पाइग होंति दुवि भेया ।।८६८।। सोहम्मीसाण सणंकुमार-माहिद-बंभलंतगया । सुक्क-सहस्साराणय-पाणय तह आरणच्चुयया ॥८६९।। इय कप्पोवग-बारस-गेवेज्जअगुत्तरा दुहा इयरे । गेवेज्ज तत्थ तिविहा हेट्ठिम-मज्झिमुवरिमभेया ।।८७०।। पत्तेयमिमे तिविहा हेटिमहेट्ठिमगमाइभएण । हेट्ठिमहेट्ठिम १ हेट्ठिममज्झिमगं २ हेट्ठिमोवरिमं ३ ।।८७१।। मज्झिमहेट्ठिम मज्झिममज्झिमगं मज्झिमोवरिमगं च । उवरिमहेट्ठिम उवरिममज्झिमगं उवरिमोवरिमं । ८७२। विजयं च वेजयंतं जयंतमपराजियं च सव्वट्ठ। एवं विमाणभेया अणुत्तरा होंति पंचविहा ।।८७३।। पुढवि-दगागणिमारुय-एक्कक्के सत्तजोणिलक्खाओ । वणपत्तेय-अणंते दस-चोद्दस-जोणि-लक्खाओ ।।८७४।। बि-ति-चउरिदिसु दो दो चउरो चउरो य नारय-सुरेसु । तिरिएसु होंति चउरो चोद्दस-लक्खा य मणुएसु ।८७५।। इय पुढविकाइयाई पंचाणुत्तरसुरावसाणाणं । सव्वेसि जीवाणं चुलसीई जोणिलक्खाइं ।।८७६।। संजायइ एगिदिय-नेरइय-सुराण संवुडा जोणी। विगिलिंदियाण वियडा गब्भभवाणं उभयरूवा ।।८७७।। सुरनारयाण जोणी होइ अचित्ता वि मीसिया गब्भ । सेसाण तिहा जोणी सीओसिणा नारय-सुराण ॥७॥ तह गब्भयाण तेउक्काए उसिणा तिहा उ सेसाणं। मणुया पणिदितिरिया गब्भयसेसा अगब्भभवा ॥८७९।। बारस-सत्त-तिसत्तय-सत्तट्ठय-नव य अट्ठवीस व । कुलकोडिलक्खभू-जल-जलणा-निलविगलहरियाणं ॥८८०॥ अद्धत्तेरस-बारस-दस-दस य नवट्ठ-वीस-पणुवीसा-जलयर-पक्खि-चउप्पय-उर-भुयचर-देव-निरयाणं ॥८८१॥ कुलकोडिलक्खबारसनराण कुलकोडि सव्व एगत्ते । एगा कोडी सत्ताणवई लक्खाइं सड्ढाई ।।८८२॥ पुढवी-जल-जलणा-निलसरीरमंगुलअसंखभागमियं । जोयणसहस्सम हियं वणस्सईणं हवइ देहं ।।८८३॥ सामन्नणं “एयं एत्थ इयाणिं तु भन्नइ विसेसो। वणस्सइकाओ दुविहो पत्तेय-अणंतभेएण ॥८८४।। तत्थ य अणंतकाइयसरीरमंगुलअसंखतमभागे । तह वाउकाइयाण वि तेत्तिय मत्तं चिय सरीरं ॥८८५॥ तत्तो असंखगुणियं तेउसरीरं तओ असंखगुणं । दगदेहं तत्तो वि य असंखगुणियं पुढविदेहं ॥८८६॥ जोयणसहस्समहियं पत्तेयवणस्सईण विन्नेयं । तं च समुद्दाइसुवल्लिकमलनालाइनायव्वं । ८८७।। संखाईणं बेइंदियाण बारस उ ज़ोयणा देहं । मकोडयाइतेइंदियाण कोसत्तियं देहं ।।८८८।। भमराइणं चउरिंदियाण देहं तु जोयणपमाणं । पंचिंदिएसु नारयदेहं पढमाए पुढवीए ।।८८९॥ सत्त-धणु-तिनि-रयणी छ अंगुला दुगुणदुगुणमेयं पि । सेसपुढवीसु नेयं जा पंचधणुस्सया अंत ।।८९०।। तिरिएसु थलयरेसु उरगा जोयणसहस्सदीहतणू। इइ गब्भयाण माणं इयराणं जोयणपुहत्तं ॥८९१।। गब्भयचउप्पयाणं छगाउयाइं सकीरपरिमाणं। सम्मुच्छिमाण तेसिं तं जायइ गाउयपुहत्तं ।।८९२ जलचारिसु मच्छाणं सम्मुच्छिम-गब्भयाण य सरीरं । जोयण सहस्समाणं पक्खिसु दोसु वि धणु
पुहत्तं ।।८९३।। कम्मा-कम्ममहीसुं उक्कोसेणं तिगाउया मणुया । गब्भभवा अंतरदीवयाउ अडधणुसया यामा ।।८९४।। सम्मुच्छिममणुयाणं सरीरमंगुलअसंखतमभागे । ते गव्भयमणुयाणं सोणिय-सुक्काइसु हवंति ।।८९५।।
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |