Page Text
________________
सिरिमुनिसुव्वयजिदिचरियं
धम्माधम्मागासा-पुग्गल कालो य पंच वि अजीवा । पढमचउअत्थिकाया पुग्गलरूवी न उण सेसा ।। ९२८ ।। धम्मो चराचराणं दव्वाणं गइ उवग्गहं कुणइ । ठाणोवग्गहकारी तेसि महम्मत्थि काओ उ ।। ९२९।। आगासं अवगास्स दायगं तं अणतयं नेयं । धमाधम्मा दोन्नि वि लोगागा सप्पमाणा उ ।।९३० ।। वन-रस-गंध-सह-फासाणं जीवियस मरणस्स । नीसासूसासाणं छायायव सुह- दुहाईणं ।। ९३१।। इंदिf जं कि पित्थु अन्नं पि अस्थि संसारे । सव्वस्स तस्सुवग्गहजणगा पोग्गलमयक्खंधा ।। ९३२।। कालो समयाइअणेयभेयभिन्न मणुस्खेत्तगओ । चोहसरज्जुपमाणम्मि पुग्गला सव्वलोगम्मि ।। ९३३ || धा सा इतिति भेया हवंति पढम तिए । परमाणु त्ति चउत्थो भेओ पुण पोग्गलाण भवे ॥ ९३४।। समय सरूवो कालो एवमजीवा हवंति चोट्सहा । नाणावरणं दंसणआवरणं वेयणीयं च ।। ९३५।। तह मोहणिज्जमाउं नामं गोयं च अंतरायं च । कम्मस्स अट्ठ वि इमा मूलप्पयडीओ नायव्वा ।। ९३६ ।। पंच- नव-दोन्नि छवीस - चउर इग सत्तरि दोन्नि-पंचेव । मूलपयडीण उत्तरपयडीओ इमाओ जह संखं ।। ९३७।। एयास मज्झाओ नेयाओ पुन - पावपयडीओ । सायं उच्चागोयं सुरनर गई आणुपुव्विदुगं ।। ९३८ ।। तह पंचियजाईपंचसरी राई अंगुवंगतिगं । संघयणं संठाणं दोन्नि वि एयाई पढमाई ।। ९३९ ।। वन्न-रस-गंध-फासा पवरा तह अगुरुलहपराधायं । ऊसासाऽऽयवउज्जोयसोहणा तह विहायगई || ९४० ॥ तसवायर पंज्जत्तं पत्तेयथिरं सुभं च सुभगं च । सुस्सरआएज्जजसं तित्ययरं चैव निम्माणं ||९४१॥ तिन्निय आऊणि तहा बायालं होंति पुन्नपयडीओ । मइ सुयओही मणपज्जवेय केवलनाणपणगस्स ।।९४२।। आवरणाई पंच निद्दाउ पंच चक्खु अच्चक्खू । ओही केवलमेसि दंसणचउगस्स आवरणं ।। ९४३।। तह असुहवेयणीयं कोहो माणो य माय- लोभो य । चउरो इमे कसाया पत्तेयं होंति चउभेया ॥ ९४४ ॥ पदम अनंता बंधी अपच्चक्खाणा य पच्चखाणस्स । आवरणा संजलणा एवं सोलस इमे होंति ।। ९४५ ।। हास - रइ- अरइ- सोगा-भयं दुगंछा य होइ छक्कमिणं । इत्थी पुरिस नपुंसगवेया तिन्नेव मिच्छत्तं ।। ९४६ ।। छवीसं पयडीओ मोहस्स इमाओ नरयआउं च । नरयगई तिरियगई तयाणुपुत्रीदुगं चेव ।। ९४७॥ एगि दियाइजाईचउगं संघयण सहनाराय । नारायमद्धनारायखीलिया तह य छेवट्ठ ||९४८ ।। संठाणं पुण नग्गोहमंडलं साइवामणं खुज्जं । हुंडं पंचम- मसुहा वन्न रसा-गंध-फासा य ।। ९४९ ।। उवधायविहायगई असुहा तह थावरं च सुहमं च । अपजत्तं साहारणमथिरं असुभं च दुभगं च ।। ९५० ।। दूसरमणएज्जं अजसकित्तिनामं च नीयगोयं च । अह दाण- लाभ-भोगो-वभोगविरियंतरायं च ।। ९५१ ।। इय सव्वाओ इमाओ वासीइ होंति पावपयडीओ । इंदियपंच कसाया चउ पाणवहो मुसावाओ ।। ९५२ ।। अदिन्नग्रहण मेहुणपरिग्गहाकाइया १ हिगरणीया २ । पाओसिय ३ परियावणि४ पाणइवाईय५ आरंभी६ ।। ९५३॥ परिगह७ मायावत्तिय मिच्छत्त९ आपच्चखाण १० दिट्ठी य११ । पुट्ठिय १२ तह पाड़च्चिय १३ समंतु णिवाइ १४ नेसत्थी १५ ।। ९५४ ।। अणभोगा २० । पउग२१ समुदाण२२ पेमा२३ दोसा २४ किरिया इरियवहिया २५ ।। ९५५ ।। surati किरिया तिन्निय जोगा य मण-वयण काया । इय बायालीसविहो कम्माणं आसवो होइ ।। ९५६ ।। सम५ गुत्ती ३ धम्मो १० अणुपेह१२ परी सहा २२ चरितं च५ । सत्तावन्नं भेया पणतिय भेयाइसंवरणे ।। ९५७ ।। अणसभेयाइतवो बारसहा तेण निज्जरा होइ । कणगावलिभेया वा अहव तवोऽणेगहा भणिओ ।। ९५८ ।।
साहत्थिय १६ आणवणी १७ वियारणी १८ अणवकख १९
३०
Jain Education International
For Private & Personal Use Only
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |