Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 58

सिवकेऊचरियं
तो पयरेहि अवन्नाए गमियमे यस्स जंपियं एयं । तं दियहं सत्वं पि हु तो सिवके ऊ ठिओ छुहिओ ॥७६५।। बीयम्मि दिणे भणिओ पियरेहि भोयणस्स करणत्थं । सिवकेऊ तो जंपइ जइ मं मुंचह वयं गहिउ ॥७६६।। पियराइं तस्स मोणं काऊण ठिाई तो खणं एगं । अह सिवकेउं पुच्छंति ताई कि गिन्हसि वयं तं ? ॥७६७।। सो भणइ सियवडाणं पासम्मि अहं वयं गहिस्सामि । तप्पियरेहि भणियं कुविएहि तओ इमं झत्ति ॥७६८।। जइ मरसि छहाए तुमं एवं चिय संठिओ तहवि अम्हे । सुद्दाण सियवडाणं पासम्मि तुमं न मुंचामो ॥७६९।। जइ वि तुह नत्थि लज्जा भट्ठस्स तहावि लज्जिमो अम्हे । माहणकुलसंभूयसुद्दाण तुमं समप्पंता ? ॥७७०।। तो पभणइ सिवकेऊ मोत्तूणं मच्छरं वियारेह । जइ तुब्भे तो जाणह जमंतरं विप्प-सुद्दाण ।।७७१।। तो भणइ विस्सभूई सिवकउं मक्कमच्छरा अम्हे । कायव्वम्मि वियारे तो दिय-सुदंतरं कहसु ।।७७२।। तो सिवकेऊ पियरं पभणइ जंताय ! कहसु ताव तुमं । बंभणजाईमत्तं तुम्ह पमाणं किरियरहियं ।।७७३।। किरिया पमाणमहवा जइ जाई केवल च्चिय पहाणा। तो मंसासी सुरपाणगो य गो-इत्थि वहगो य ।।७७४।। माहणजाओ पुत्तो तुम्हाणं पूयणिज्जपयजुयलो। अह किरिय च्चिय पुज्जा तो जाइअसग्गहं मुयह ॥७७५।। कत्थ विय जत्थ पासह किरियं तं माहणं व सुई वा । पूएह भत्तिसारं कुविअप्पेहि किमन्नेहिं ।।७७६।। तो भणइ विस्सभई सियंबरेसुं न विज्जए किग्यिा । वेयज्झयणं संज्झाए वंदणं न्हाण-हणणाइ ।।७७७।। तो सिवकेऊ पभणइ पियरं जह जा वि सा वि तुह किरिया । किं ताय पूयणिज्जा किं वा धम्मेण संजुत्ता? ७७८। जइ ताव पढमपक्खो तो गंछय-छिपयाइ-पयइजणो । सब्वो वि पूषणिज्जो जं सो धि करेइ निय किरियं ॥७७९।। अह धम्ममई किरिया तुम्ह मया न उण किरियमेत्तं पि । तो पढम चिय धम्मो जाणिज्जउ सेय-पीओ वा। ७८०। धम्मम्मि निच्छियम्मि सत्थज्झयणाइयं अणुट्टाणं । परिभाविज्जउ सच्चं निउणमईए नियमणम्मि ।।७८१।। सो जत्थ जत्थ जायइ धम्मो तं तं पमाणमिह सव्वं । जत्थ पुण तस्स हाणी जायइ तं नूणमपमाणं ।।७८२॥ धम्मो त्ति नाममेत्तं तुन्भे जाणह न तस्स परमत्थं । एमेव परं निदह अयाणमाणा मयवसेण ॥७८३॥ तो विस्सभूइविप्पो सुयस्स वयणेहिं अइपगब्भेहि । सावट्ठ भेहि य नियमणम्मि संकाउलो जाओ ॥७८४॥ पभणइ पुत्तं अम्हे जइ जाणामो न धम्मपरमत्थं । ता अवखेहि तुम चिय जो जाणइ पुच्छियव्वो सो॥७८५।। तो सिवकेऊ पभणइ सुणेहि अक्खेमि धम्मसव्वस्सं। जं अत्थि मए निसुयं मुणिणो नाणिस्स पासम्मि ।।७८६।। एयं धम्मरहस्सं जं किर हिंसा असेसजीवाणं । थूलाण य सुहुमाण य उप्पाइज्जइ न थेवावि ॥७८७॥ अह विस्सभूइविप्पो जंपइ जह अम्ह दंसणे वि इमा । हिंसा विणिवारिज्जइ दूरं सुइ-सइ-पुराणेसु ॥७८८।। पुण सिवकेऊ पभणइ वारिज्जइ केवलं चिय वईए। तुम्हं मयम्मि हिंसा रक्खिज्जइ न उण काएण ।।७८९।। जं जन्नेसु पसूणं कीरइ घाओ बहुप्पयाराण। जो कुणइ खणद्धेण य दाहं सयलस्स नयरस्स ।।७९०।। सो बहुजीवखयकरो तप्पिज्जइ हुयवहो घयाईहिं । तह जीवाण सरूवं न नज्जए नेय हिंसाए ।।७९१।। कइविहभेया जीवा तेसिं काई व जोणि ठाणाइं । कइ इंदियाइं के सिकेसि वा केत्तियं आउं? ॥७९२।। तह कइ भेया हिंसा रक्खिज्जइ केण सा उवाएण? । इच्चाइ सरूवं तुम्ह किंचि न कहिज्जए सत्थे ।।७९३।। तं चिय कहेह तुब्भे जेण हवइ अप्पणो कुटुंबस्स। इहलोए निव्वाहो विउलो वावारविरहे वि ।।७९४।। दिज्जति माहणाणं गामागर-पट्टणाई पवराई। धवलहराइं काराविऊण वित्थिन्नतुंगाइं ।।७९५।। धण-धन्नसमिद्धाइं मुसलुक्खल-सिल-घरट्टपमुहेहिं । सव्वेहिं चिरच्छेहिं जुयाई सेज्जासणेहिं ।।७९६।। तह वाहणाइं सेज्जा-वालय पमुहाई जुत्तवसहाई। जच्चतुरंगा पल्लाणकवियआहरणसंजुत्ता ।।७९७॥