Page Text
________________
सिरिमुनिसुव्वयजिणिंदचरियं
२२
तो घसिऊणं पढमं वलयं लाएसु सल्ल-ठाणेसु । सूरेण कयम्मि तहा उपखुडिया झत्ति ते कीला ।।६६८।। तो भणिओ बीयं पि हु घसिऊणं वणमुहेसु मे देहि । एवं कयम्मि तत्तो वणाई रूढाइं सव्वाइं ।।६६९।। सो जाओ सज्जंगो नियं सरूवं कहेइ तस्स पुरो । जह वेथडम्मि नगे नयरे सूरोदयम्मि अहं ।।६७०।। कणयधओ नामेणं खेयरराया समागओ एत्थ । विज्जा-साहणहेउं एगागी पवणवेगेण ।।६७१।। खरिदेणं दिट्ठो सपओयणगामिणा ससेन्नेण । पुव्वविरुद्धण तओ तेणाहं एरिसो विहिओ ।।६७२।। जइ तुममेत्थ न एंतो संपइ तो हं खणंतरस्सुवरि । पीडाए विहुरियंगो नियजीयं झत्ति विमुयंतो ।।६७३।। तो मज्झ तुम मित्तो परमो बंधू य अहव जणओ य । ता जं पभणसि इन्हि करेमि तं इच्छियं तुज्झ ।।६७४।। तो तेण भणियमयं अंबरयल-गामिणा तए मज्झ । नियदसण-दाणेणं धम्मं च जसं जणंतेण ।।६७५।। तिजयम्मि वि जं कि चि वि वत्थसुदुल्लहयरं तयं सव्वं । संसाहियं न एत्तो समीहियं किं पि मे अन्नं? ।।६७६।। तो कणयधओ पभणइ चिट्ठउ एमेव ताव एसट्ठो। नियनामठाण कहणेण संपयं कुणह मह सोक्खं ।। ६७७।। तो तेण तस्स कहिओ तत्थागमणावहीसवुत्तंतो । अह जोडियहत्थेणं सूरो खयरेणिम भणिओ ॥६७८।। काऊण मह पसायं वेयड्ढनगम्मि सूरुदयनयरे । पाहुणओ एहि तुमं मह जह मणनिव्वुई होइ ।।६७९।। तो भणइ सुरकूमरो अहं वसे विजयपालजवरन्नो। तेण तयाणाए विणा न जामि अन्नत्थ कत्थविय ॥६८०। तो कणयधओ जंपइ मोयाविस्सामि तस्स वि समीवे । गंतूण तुमं संपइ गरुयनिबंध विहेऊणं ।।६८१।। इय भणिउं सो खयरो गंतूणं विजयपालपासम्मि । मोयावइ तं कुमरं तस्सुवरोहेण सो मुयइ ।।६८२।। विज्जाकए विमाणे खयरेणारोविउं सपरिवारो । सुरो सपुरे नीओ जुवराया उण विजयपालो ।।६८३।। नयरम्मि विजयखेडे संपत्तो सह निएण सेन्नेण । कोसलपुरा उवणिए वालेउ आणए तत्थ ॥६८४॥ नीईए पयं पालइ कुव्वंतो जेट्ठबंधुणो भत्ति । राया वि भुवणपालो भूजइ निक्कंटयं रज्जं ॥६८५।। जाया बहवे पुत्ता छन् पि हु भाउयाण गहियकला । वेयढ्डनगे सूरो परिणइ खयराण धूयाओ ॥६८६।। कणयद्धयखरिदेण तस्स दिन्नाओ पवरविज्जाओ। बहुमाहप्पजुयाओ रणसाहेज्जं कुणंतस्स ।।६८७।। सूरेण सहाएणं नियरि पवणवेगखरिदं । निद्धाडिऊण कणयद्धएण गहिउँ पुरं तस्स ॥६८८।। दिन्नं सूरस्स करेइ रज्जमेसोवि अखलियपयावो । कोसतपुरम्मि तह विजयखेडनगरम्मि गंतूण ॥६८९।। मिलइ नियभाउयाणं कया वि विज्जाहरेहि परियरिओ । तयणुन्नाओ वच्चइ पुणो वि वियड्ढसेलम्मि।६९०। सूरोदयपुरबाहिं समागयं भुवणतुंगमणिनाहं । नाऊण नहयरपरकणयधओ पेसए पुरिसं ।।६९१।। कंचणउरम्मि नयरे आणेउं सूरनरवरं तत्थ । गंतूण सूरिपासे सयं तु निसुणेइ धम्मकहं ।।६९२।। सूरो वि खयरराया कणयद्धयपुरिससंजुओ झत्ति । तत्थागंतुं वंदइ सूरि तओ धम्म तओ सुणइ ।।६९३॥ अह पडिबुद्धो सूरो दढसम्मत्तो सुसावगो जाओ । कइवयदिणपज्जते वच्चइ अन्नत्थ सूरि वि ।।६९४।। कणयद्धयमणुन्नविउं पत्तो सूरो वि कंचणउरम्मि। सूरस्स सुओ जाओ लक्खणवंतो य सुकुमालो ॥४९५।। इय जाइ सुहं कालो ससि भुवणपालपभिईणं । जयधम्मो उग्गतवं काऊणं सद्विवाससए ॥६९६।। चम्मट्ठिसेसदेहो जाओ चंकमणसत्तिपरिहीणो। जावज्जीवं पि तओ पच्चक्खइ सव्वमाहारं ।।६९७।। पच्चक्खाणे वि ठिओ पुन्विल्ल पराभवं सरंतो सो। मासते मरिऊणं विज्जकुमारो सुरो जाओ ॥६९८।। पुन्वभवं सरिऊणं कुप्पइ तो उवरिभुवणपालस्स । सो देवो आगंतुं तस्सऽत्थाणे निसन्नस्स ।।६९९।। होऊण अदिट्टतणू पाडइ सीहासणाओ तं झत्ति । धरणियले बंधेइ य फुडतबाहाहि चोरं व ॥७००।।
For Private & Personal Use Only
Jain Education International
www.jainelibrary.org
| SR No. | 001564 |
| Book Title | Munisuvratasvamicarita |
| Original Sutra Author | Chandrasuri |
| Author | Rupendrakumar Pagariya, Yajneshwar S Shastri, R S Betai |
| Publisher | L D Indology Ahmedabad |
| Publication Year | 1989 |
| Total Pages | 376 |
| Language | Sanskrit |
| Classification | Book_Devnagari, Literature, & Story |
| File Size | 9 MB |