Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 50

सिवकेऊ चरियं
दूरम्मि ताव चिट्ठह तुब्भे जे मुणह सबमियरं पि । अन्नं पि किं पि पुच्छह जो किर जाणइ न तद्दोसे ॥५०७॥ तो तेहिं वड्ड-पुरिसेहिं जंपियं सचिव! एवमेवेयं । तुह वयणं थेवं पि हु न अन्नहा जायए नूणं ॥५०८।। अह सचिवो ते नज्जइ मझुवरोहेण कि पि मा तुब्भे । पडिवज्जिस्सह वयणं वितहं पितह त्ति भावेण ॥५०९।। तो ते वयंति सचिवं करणिज्जो चेव तुम्ह उवरोहो । किं तु समयंतरे न उण एत्थ समयम्मि कायव्वो ।।५१०।। इन्हि जहट्ठियं चिय वत्तव्वं मंतणं कुणंतेहिं । जुवराय-तणय-दोसा सयमणुया य अम्हेहिं ।।५११।। अह भणइ सुमइमंती एवं सुय-दोससिओ संतो। गुणवं पि विजयधम्मो कह जोगो होइ रज्जस्स ।।५१२।। जइ राया निरवच्चो होइ तओ तं पि ठाविमो रज्जे । न उणो संतम्मि वि भुवणपाल-कुमरे गुणनिहिम्मि ।।५१३।। वड़-मणुस्सेहिं तओ भणियं जह भुवणपाल-वरकुमरो। हक्कारिऊण इन्हिं जाणाविज्जइ इमं अटुं ।।५१४।। सुमइसचिवेण भणियं संजाओ संपयं दिणद्ध-खणो । भुत्ताणंतरमेत्था गंतुणं इय करिस्सामो ।।५१५।। काऊण मंत-निच्छ्यमिय ते सव्वे वि नियगिहेसु गया। चिर-गूढ-परोप्पर-पयडियप्पभावा सुही जाया ॥५१६।। अह तेसि वडुपुरिसाण मज्झओ तुरय-साहणाहिवई । साहणिओ नामेणं साहइ तं मंतणं सव्वं ।।५१७।। नियनंदणस्स पुरओ एगते हरिसरायनामस्स । सो भुवणपालकुमरस्स सेवओ अहिणवो तइया ।।५१८।। गंतूण तेण कहियं पुरओ कुमरस्स तक्खणे चेव । कुमरो वि हरिसरायं विसज्जिऊणं नियावासे ।।५१९॥ हक्कारावइ सिग्धं पइसागरमप्पणो समीवम्मि । तं हरिसराय-साहिय-वुत्तंतं साहए तस्स ।।५२०।। भणइ य तहा जहेयं संभाविज्जतमेव संजायं । किंतु इह पुच्छणिज्ज इमं मए तुम्ह पासम्मि ।।५२१।। जं वड्डमणुस्सेहिं सुमइमहामंतिणो इमं कहियं । जयधम्मकओ दोसो अम्हेहिं वि अस्थि अणुहूओ ।।५२२।। ता कि केणणुभूयं जयधम्मकयं ति मुणसि कि पि तुम? । मइसागरो पयंपाइ जाणतो कि पि चिट्ठामि ।।५२३।। तो आह भुवणपालो मज्झ वि साहेह किं पि जं मुणसि । सो कहइ जहा पढमं सेणाहिव-सूरनामस्स ।।५२४।। जो आसि समर-काले आरोहण-समुचिओ वर-तुरंगो। नीओ हराविऊणं तेण तओ पउमनाभस्स ।।५२५।। नामेण पउमनाभस्स संतिया रोहिणी समवरुद्धा। नीया हराविऊणं सिरियादेवि त्ति नामेण ।।५२६।। साहणियभुज्जमाणग्गामाओ विणिग्गया य जन्नत्ता। नाऊण सदेसगया गहिया जयधम्म-पुरिसेहिं ।।५२७।। तह संधि-विग्गहा हिव-सिरिहर-गिहिणी गया विजयखेडे । निय धूया सा सुरए वोल्लावणयम्मि मयमणुए ।५२८। सा विणियत्ता तत्तो एंती मग्गे समग्गमविसारं । हरिऊण सुद्धसंखा काऊण समुज्झिया तेहिं ।।५२९।। एवं चिय पडिहारंगरक्खमाइण सेसपाणं पि । कारणपुरिसाण मणे असमाही अत्थि तेहिं कओ ॥५३०।। कुमरेण तओ भणिओ मंति-सुओ एरिसं तए मज्झ । जाणतण वि कम्हा कया वि जाणावियं नेय ॥५३१।। अह मंति-सुओ जंपइ इमं न जयधम्मदूसणं स-कयं । किं तु मए स-मईए तम्मि इमे ठाविया दोसा ॥५३२।। तो आह भुवणपालो कह एवं तो कहेइ मंति-सुओ। जीसे कज्जम्मि हओ वल्लहराओ वसुहगामे ।।५३३।। सा नियभज्जा दासी तेण कया अप्पणो पिया भज्जा । तीसे भाया नामेण भद्द ओ तस्स अइदइओ ।।५३४।। आसारूढो भड-चडगरेण गरुएण परिभमइ एसो। जयधम्मकुमाराओ अविभिन्नं पासइ जणो तं ॥५३५।। सो लहइ जइ वि दव्वं बहुयं जयधम्मकुमर-पासाओ। तस्स न तह वि पहुप्पइ किंचि वि वेसापसत्तस्स ।।५३६।। निव्वासियववएसं काऊणं पेसिओ मए एक्को । पुरिसो तस्स समीवे वीसंभट्ठाणमइगरुयं ॥५३७।। जा का वि मए सिक्खा तस्स विइन्ना इओ वयंतस्स । तीए तेणेसो विप्पलोभिउं कारिओ एवं ।।५३८।।