Munisuvratasvamicarita

SR No.: 001564
Original Sutra Author: Chandrasuri
Author: Rupendrakumar Pagariya, Yajneshwar S Shastri, R S Betai
Publisher: L D Indology Ahmedabad
Publication Year: 1989
Total Pages: 376
Language: Sanskrit
Classification: Book_Devnagari, Literature, & Story
File Size: 9 MB

Page 49

सिरिमुणिसुव्वयजिणिदचरियं
तसिं मग्गंताण वि रन्ना सह दंसण न संजायं । पृच्छति ते सरूवं रायसरीरस्स निच्चं पि ।।४७४।। पासे पहाण-पुरिसाण ते वि जपंति सुदरो होही। कइवयदिणाण मज्झे राया सिरिसच्चधम्मो त्ति ।।४७५।। वेज्जा.य एंति जंति य मज्झे पविसंति राय-पासम्मि । तेगिच्छं अकुणंता वि लोय-संतोसजणणत्थं ।।४७६।। पुरिसाण पहाणाणं वयणेणं राय-सन्निहाणम्मि । चत्तारि पंच व जणा चिट्ठति ठिया अहोरत्तं ॥४७७।। मइसागरेण पुट्ठो पुणो वि सो देवगुत्त-केवलिओ। संपइ केत्तियमाउं रन्नो सिरिसच्चधम्मस्स ।।४७८।। दसमम्मि दिणे कहिया तेण समत्ती नरेसराउस्स । मइसागरेण कहियं एवं तो भुवणपालस्स ॥४७९।। राय-पुरिसाण चित्तं नाउं सो अप्पयम्मि अणुरत्तं । चिठेइ गहिय गरिमो सुहासुहं किं पि नो वेइ ।।४८०।। मइसागरो वि एवं जाणतो चिट्ठए विहियमोणो। अन्नम्मि दिणे वेज्जा राय-समीवम्मि गंतूण ।।४८१॥ दठूण देह-चेठें तस्स तओ निग्गया बहिं एए। वड्ड-मणुस्साण पुरो रहम्मि एवं निवेएंति ॥४८२।। जह महया कट्टेणं जइ अट्ठदिणाइं जीवए राया। रिठेहि जेण नायं अम्हेहिं न चलए एयं ।।४८३॥ तयणंतरं निवेण वि तम्मि खणे चेव नियसरीरस्स। नाऊण अहरभावं आहूया ते महापुरिसा ।।४८४॥ भणिया य जहा सिग्घं आणावह विजयधम्मजुवरायं । जह तं सयमेव अहं ठवेमि निययम्मि ठाणम्मि ।।४८५॥ अह मत्थय-विणिवेसिय-हत्थेहिं इमेहि कय-पणामेहि। पडिवन्नं तं वयणं रन्नो सिरिसच्चधम्मस्स ॥४८६।। अह ते गंतूण बहिं रायाएसं लिहावयंति इमं । सिरिकोसल-नयराओ सिरिमंतो सच्चधम्म-निवो ॥४८७॥ सिरिविजयखेडनामे नयरे सिरिविजयधम्मजुवरायं । आइसइ जहा अम्हं सरीर-कारणमइ महंतं ॥४८॥ ता सिग्घं चिय तुमए रायाएसस्स दंसणाओ वि। मोत्तूण विजयखेडं भोत्तव्वं अह वसइयव्वं ॥४८९॥ जह जीवंतेण मए सह जायइ तुज्झ सण-वणिज्जं । अन्नह पूण अइगरुयं काहिसि अवरत्तयं पच्छा ।।४९०।। एसो रायाएसो नेऊणं दंसिओ नरवइस्स । वड्ड-मणुस्सेहिं तओ पसंसिउं सच्चधम्मेण ।४९१॥ भणियं जह इन्हि चिय संपेसह सिग्घ संढिमारूढं । पुरिसंकं पि इहळे खणं पि कज्जो न हु विलंबो ।।४९२।। आएसो त्ति भणित्ता पहाणपुरिसा तओ विणिक्खंता । मिलिऊण एगठाणे पारद्धा मंति एवं ।।४९३।। एयम्मि राय-वंसे चि उ आरभ जइ वि एस कमो । जं किर कणिट्ठ-भाया अहिगारी होइ रज्जस्स ।।१९४॥ राया वि सच्चधम्मो बद्धपइन्नो इमम्मि अट्टम्मि । जइ वि ह तहा वि वीमंसिऊण एयं विहेयव्वं ॥४९५।। एवं पहाण-पुरिसाण वयणमायन्निऊण वर-सचिवो। सुमई मणम्मि चितइ पूरिज्जंतो पहरिसेणं ।।४९६।। जो चेव मज्झ भावो मणम्मि सो चेव से सयाणं पि। एयाण महापुरिसाण नण जंपति तेणेवं ।। ४९७।। दिनाएसा वि सयं निवेण सिरिसच्चधम्मनामेण । तम्हा मज्झ समीहियमिह सिज्झिस्सइ असंदिद्धं ॥४९८।। इय चितिऊण जंपइ सुमई नीसेसमंतियण-तिलओ। सिरिसच्चधम्मरन्नो आएसो मत्थयस्सुवरि ॥४९९।। अम्हाण माणणिज्जो गुणवं जुवराय-विजयधम्मो वि। तह वि जहट्ठिय अत्थो भणियव्वो मंतण-ठिएहिं ।।५००॥ जइ वि हु सुसाउ अन्नं इंदिय-पल्हायणं बलकरं च । सविसमुवजीवियं तं तह वि भवे जीवियंतकरं ॥५०१॥ सुरही वि सीयलो विहु चंदण-लाही-भुयंग-कय-वेढो । जणइ अणत्थं नियना सेविज्जतो सुहत्थीहिं ।।५०२।। जइ वि सिरिविजयधम्मो सयं गुणाणं बहूण आवासो। तह वि सुय-नेह-मूढो तस्स उवेक्खेइ सो दोसे ॥५०३॥ केत्तियभेत्ते कहिमो तुम्ह पुरो तस्स संतिए दोसे । एक्काए जीहाए सव्वे सक्का न ते कहिउं ।।५०४॥ एक्कक्के तद्दोसे कहिज्जमाणम्मि मत्थए केसा । उड्ढी हवंति सहसा मोणं चि य तत्थ ता जुत्तं ॥५०५।। किं च कहिज्जइ तं वत्थु कस्सई जं न जाणए को वि। सयल-जय-विस्सुयाणं किं तद्दोसाण कहणेण ॥५०६॥